HOSEA 1:5 - Jinghpaw Hanson Version Bible

⁵ Dai shani jang, ngai gaw, Yezrela kadit e, Israela ndan hpe agrawp kau na nngai,” ngu nna shi hpe tsun wu ai.

Jinghpaw Common Language Bible 2009

⁵ Ngai gaw Yezrela Kadit e, dai aten hta Israela a hpyen dap a daru magam n-gun hpe shamyit kau ya na we ai.

HOSEA 1:5 ပူးပေါင်းရင်းမြစ်များ

2 HKAWHKAM 15:29

Israela hkawhkam Peka aprat e, Asuri hkawhkam Tiglat-pilese sa du nna, Iyon, Abela-bet-mahka, Yanoa, Kedesha, Hazora mare ni mung, Gilead mung hte Naphtali ngu ai Galile mung ting hpe mung gasat nna, mung masha ni hpe Asuri mung de bawng rim wa mu ai.

SHAKAWN KUNGDAWN 37:15

Shanhte a nhtu tinang a salum hta htinggrang wa nna, shanhte a ndan ni mung agrawp mat na malu ai.

SHAKAWN KUNGDAWN 46:9

Ga ting hta na hpyen majan shi jasim kau wu ai; Ndan pala hpe shi daw kau nna, Ri hpe kahtum kadaw di kau wu ai: Hpyen leng ni hpe wan hte nat kau mu ai.

YEREMIA 51:56

jahten shabyak ai wa gaw, gaja wa, Babelon mare ntsa e sa du nna, shi share ninghkrin ni rim la hkrum ai hte, shanhte lang ai ndan ni agrawp kau ai hkrum nga ai: kaning rai nme law, Yehowa gaw matai htang ai Karai Kasang rai nga nna, shi teng teng matai htang na ra ai.

EZEKELA 39:3

na a ndan hpe pai lata na ngai kayat jahkrat kau nna, hkra lata na pala ni hpe, tat kau shangun na nngai.

HOSEA 2:18

Dai shani e nang ngai hpe, Ishi, nga nna shaga na rin dai; htawm hpang e, Bali, nga nna ngai hpe shaga lu na n rai,” nga nna Yehowa tsun ai.

YAWSHU 17:16

Bai Yawsep a kashu kasha ni gaw, “Dai bum ga gaw anhte matu n law mali ai: dai pa ga na Bet-shean hte de a mare ni hte, Yezrela pa hkan e nga ai Hkanani masha ni nlang hte gaw hpri leng lu ai hkrai rai ma ai,” ngu nna bai tsun mu ai.

TARA AGYI 6:33

Shaloi Midian masha, Amalek masha ni hte sinpraw maga na masha ni yawng jawm hpawng nna, Yawdan hka rap nhtawm, Yezrela pa e dap jung ma ai.