HOSEA 1:2 - Jinghpaw Hanson Version Bible

² Yehowa gaw Hosea hpe ga tsun hpang yang, “Nang sa su; shawa num hte hpawn, shi shaprat ai liknga ma ni hpe woi la u; kaning rai nme law, dai mungdan gaw Yehowa kaw na yit mat wa nna, grai shut hpyit nga ai,” ngu nna shi hpe tsun wu ai.

Jinghpaw Common Language Bible 2009

² Dai Madu gaw Hosea hku nna Israela hpe shawng nnan ga tsun ai shaloi, shi gaw Hosea hpe, “Nang sa hkungran la su; na a madu jan gaw sadi n dung na ra ai, na a kashu kasha ni mung shi zawn tai na mara ai. Dai hte maren nye a amyu masha ni mung ngai kaw na pru mat wa nna sadi n dung mat nga masai,” ngu nna tsun wu ai.

HOSEA 1:2 ပူးပေါင်းရင်းမြစ်များ

2 HKAWHKAM LABAU 21:13

Israela hkawhkam ni a lam hkan nna, Ahab a nta masha ni zawn, Yuda hte Yerusalem masha ni hpe shut hpyit shangun ai hta n-ga, nang hta grau kaja nga ai, na nwa nta na na nnau ni hpe sat kau ndai majaw,

SHAKAWN KUNGDAWN 106:39

Tinang a bungli majaw, shanhte n san n seng wa ma ai, Shanhte a arawn alai majaw tinang dai shut hpyit nga ma ai.

SHAKAWN KUNGDAWN 73:27

Yu mu, nang hte tsan gang ai ni hten mat masai, Nang hte dingsa sa hka wa ai ni hpe, nang shaprai kau nga ndai.

YEREMIA 2:13

“Kaning rai nme law, nye a amyu gaw lam lahkawng hta shut masai: shanhte gaw, asak hka hpawk ngu ai, ngai hpe kau da nna, hka n rawng lu ai ntsin htung, gaja wa, ga mat ai ntsin htung, tawk manu ai.”

YEREMIA 2:20

“Nang mahtang moi kaw nna na a kandang hpe daw kau nna, nang hpe gyit ai sumri gang dut kau nhtawm, Ngai gaw mayam amu n galaw na nngai, nga nna tsun ndai: kaning rai nme law, tsaw ai kawng shagu a ntsa e mung, tsit lali ai hpun shagu a npu e mung, nang gum nna shawa num tai nga ndai.

YEREMIA 2:23

“Ngai gaw awu asin n re ai hte, Bala hpara ni hpang de n hkan nngai, nga nna nang kaning rai tsun lu n ta? kadit e nang lai ai lam hpe yu u; nang galaw ai amu hpe dum u:

YEREMIA 3:9

Shing rai, shi ladu lai ai shawa num amu hte mungdan hpe awu asin di kau nna, nlung hte mung, hpuntawng hte mung, shut hpyit nga ai.

EZEKELA 6:9

Shing rai, ngai hpe kau da nna, n se ai myit masin hpe mung, hpara sumla ni hte shut mayu nna, hkan yu ai myi ni hpe mung, ngai kaning rai agrawp kau ai hpe, nhtu lawt lu ai ni gaw, bawng dung ai mung hta matsing nga ma yang, shanhte ngai hpe maigan amyu ni hta dum lu nna, tinang galaw hkrup ai matsat shabat amu mahkra a majaw, tinang myi man hpe pyi, matsat kau na mara ai.

HOSEA 2:7

shanhte a kanu gaw, shawa num rai nga ai; shanhte hpe gawngli ai kanu gaw, kaya kahpa amu galaw nu ai: shi gaw, ‘Nye a muk, nye a ntsin, sagu mun, lachyit ri, sau hte luhpa ngai hpe jaw ai, nye a sumtsaw sumra ni hpang de, ngai hkan nang na nngai,’ nga nna tsun sai.

HOSEA 3:1

Bai Yehowa gaw, “Israela kashu kasha ni hpara shaje hkan tam nna, tsabyi si dik ra nga timung, ngai Yehowa nan shanhte hpe tsawra nga ai hte maren, nang sa nna, sumtsaw sumra lu ai la shaw ai num hpe naw tsawra u,” nga nna ngai hpe tsun ai.

HOSEA 5:3

Ehprim hpe ngai chye nngai: Israela gaw, nye a man na makoi mat lu ai, n rai; Ehprim e, ya pyi nang shawa num tai nna, Israela gaw awu asin hkrum nga ai.

MARKU 1:1

Karai Kasang a Kasha, Yesu Hkristu a kabu gara shiga a npawt nhpang re ai lam.

TARA JAHPRANG 31:16

Shaloi Yehowa Mawshe hpe, “Yu u, nang gaw nji nwa ni hte yup pyaw nga na nit dai; ndai amyu masha ni chyawm gaw rawt nna, ya sa wa ai mung e nga ai tsasam amyu ni nawku ai Hpara ni hte shut hpyit nna, ngai e kau da let ngai tawn da ya ai ga shaka run kau na ra ai.

2 PETRU 2:14

Shanhte a myi gaw num shaw ai amu hte yubak baw sumhpa hte hpring chyat nga ma ai rai nna, shanhte gaw n ngang n hkang re ai ni hpe lau la mu ai: shanhte myit lawhpa ai hta maju jung nga malu ai; dagam dala hkrum ai kashu kasha ni mung, shanhte rai nga ma ai.

SHINGRAN 17:5

shi a lahtan e, Ga ntsa na shawa num ni hte matsat shabat lam ni a Kanu, galu kaba ai Babelon, nga nna sung htum ai hte seng ai amying ka da nga ai.