HOSEA 1:1 - Jinghpaw Hanson Version Bible

¹ Yuda hkawhkam ni Uzia, Yohtam, Ahaza, Hezekia hte Israela hkawhkam, Yosha a kasha Yeroboam a lakhtak e, Beri a kasha Hosea kaw du ai, Yehowa a mungga gaw, da ndai rai nga ai.

Jinghpaw Common Language Bible 2009

¹ Ndai gaw Yuda hkawhkam ni rai nga ai Uzia, Yohtam, Ahaza hte Hezekia ni up hkang ai laman hte Yehoasha a kasha Yeroboam Israela hkawhkam tai nga ai aten hta Beri a kasha Hosea hpe jaw ai dai Madu a mungga rai nga ai.

HOSEA 1:1 ပူးပေါင်းရင်းမြစ်များ

2 HKAWHKAM 13:13

Shing rai Yehoasha gaw kaji kawa ni hte yup pyaw nga nna, Yeroboam gaw shi a malai tingnyang hta dung nga ai: bai Yehoasha hpe Israela hkawhkam ni hte rau, Samari mare hta e makoi mayang di mu ai.

2 HKAWHKAM 14:16

Shing rai Yehoasha gaw shi a kaji kawa ni hte rau yup pyaw wa nna, Samari mare hta e Israela hkawhkam ni hte rau makoi mayang di ai hkrum nu ai; shi a kasha Yeroboam gaw shi a malai hkaw dung nga ai.

2 HKAWHKAM 14:23

Yuda hkawhkam Yehoasha a kasha Amazia hkaw dung ai shi manga ning hta e, Israela hkawhkam Yehoasha a kasha Yeroboam gaw, Samari mare hta hkaw dung hpang nna, mali shi langai ning up nga ai.

2 HKAWHKAM 15:32

Israela hkawhkam Remalia kasha Peka hkaw dung ai ni ning hta e, Uzia kasha, Yuda hkawhkam Yohtam gaw hkaw dung hpang nga ai.

2 HKAWHKAM 15:5

Ya Yehowa gaw hkawhkam wa hpe ari jahkrum nna, shi si ai shani du hkra manggang kap ai hte nta kaga hta anga nga ai. Hkawhkam a kasha Yohtam gaw, mung masha ni hpe up nga let, htingnu ntsa e mung madu nga ai.

2 HKAWHKAM 15:7

Shing rai Azaria gaw kaji kawa ni hte rau yup pyaw nga nna, Dawi mare hta e shanhte hte rau makoi mayang di mu ai: shi a kasha Yohtam gaw shi a malai hkaw dung nga ai.

2 HKAWHKAM LABAU 27:1

Yohtam gaw hkaw dung hpang yang, asak hkun manga ning rai nga nna, Yerusalem mare hta e shi kru ning up nga ai: shi a kanu gaw Zadok shayi sha Yerusha rai lu ai.

2 HKAWHKAM LABAU 28:1

Ahaza gaw hkaw dung hpang yang, asak hkun ning rai nga nna, Yerusalem mare hta e shi kru ning up nga ai: shi gaw shi a kawa Dawi zawn Yehowa man e tengman ai amu n galaw ai hte,

2 HKAWHKAM LABAU 29:33

Bai majai da ai hkungga yawng usu kru tsa, sagu hkying masum rai nga ai.

ESAIA 1:1

Yuda hkawhkam Uzia, Yohtam, Ahaza hte Hezekia aprat e, Amot a kasha Esaia gaw, Yuda mung hte Yerusalem mare a lam, mu ai shingran gaw, da ndai rai nga ai.

ESAIA 7:1

Yuda hkawhkam, Uzia a kashu, Yohtam a kasha Ahaza a lakhtak e, Suri hkawhkam Rezin hte, Israela hkawhkam Remalia kasha Peka gaw, Yerusalem hpe lung gasat timung, dai hpe dang kau lu mu ai n rai.

YEREMIA 1:2

bai Yuda hkawhkam, Yoshia kasha, Yehoiakim a lakhtak e mung, Yuda hkawhkam Yoshia kasha Zedekia hkaw ding ai shi langai ning ladu hkrum ai, shata manga ngu na hta,

YEREMIA 1:4

Ya Yehowa a mungga ngai kaw du nna,

EZEKELA 1:3

Yehowa mungga gaw, Buzi a kasha, hkinjawng Ezekela hpang de du nna, Yehowa a lata gaw, dai yang e, shi a ntsa e nga nga ai.

YOELA 1:1

Da ndai gaw Pehtuela a kasha Yoela kaw du ai, Yehowa a mungga rai nga ai.

AMO LAIKA (AMOS) 1:1

Yuda hkawhkam Uzia hte, Israela hkawhkam Yosha a kasha Yeroboam a lakhtak e, dai nnang nawn garai n nawn yang, ni ning a shawng e, sagu rem ai ni hta lawm ai, Tekoa masha Amo gaw, Israela hpe lakap nna mu ai mungga, da ndai rai nga ai.

YONA 1:1

Ya Amihtai a kasha Yona kaw, Yehowa a mungga du nna,

MIHKA 1:1

Yuda hkawhkam ni Yohtam, Ahaza, Hezekia lakhtak e, Morasha masha Mihka gaw, Samari hte Yerusalem a lam lakap nna mu ai Yehowa a mungga, da ndai rai nga ai.

ZEHKARIA 1:1

Dari hkaw dung ai ni ning na shata matsat hta e, Yehowa a mungga gaw Berehkia a kasha Yido a kashu, myihtoi Zehkaria hpang de du nna,

YAWHAN 10:35

Chyum laika hta na ga hpe n kau mai ai rai nna, Karai Kasang a mungga dep la lu ai ni hpe, Karai daw ni ngu lu ai rai yang gaw,

ROMA 9:25

Dai hte maren Hosea laika hta mung shi ning nga tsun ai, “Nye a amyu n re ai hpe, nye a amyu ngai ngu nna, N tsaw n ra ai shayi sha hpe, tsawra ai ngu na we ai;”

2 PETRU 1:21

Kaning rai nme law, masha a myit jasat ai hku majaw, hpa myihtoi ga galoi mung byin pru yu ai n rai; Chyoi pra ai Wenyi e myit shadut ya hkrum ai masha ni gaw, Karai Kasang kaw na ga htawn tsun ma ai.