HEBRE 10:2 - Jinghpaw Hanson Version Bible

² jahkum shatsup lu ai rai yang gaw, daw jau ai ni hpe lang mi jasan jaseng kau ngut jang, hpang de galoi mung yubak mara a lam hpa myit dum shara n nga na majaw, shagu hkungga nawng ya na lam htum mat na sai, n rai ni?

Jinghpaw Common Language Bible 2009

² Lama rai nna Karai Kasang hpe nawku daw jau nga ai masha ni hpe yubak mara kaw na jasan jaseng kau lu ai rai yang gaw, shanhte yubak mara naw lu ai ni re ngu nna galoi mung n myit nawn sana rai nna, hkungga nawng ai lam yawng mung hkring mat sana rai nga ai.

HEBRE 10:2 ပူးပေါင်းရင်းမြစ်များ

ESAIA 43:25

Nye a chyeju majaw, na a tara tawt lai ai lam arut kau ai hte, na a yubak hpe n dum ai wa gaw, ngai nan rai nga nngai.

MIHKA 7:19

Shi anhte hpe matsan bai dum na ra ai; anhte a shut hpyit ai mara hpe, shi kabye lai kau nna, anhte a yubak mahkra hpe nammukdara a sung htum ai de, kabai kau na ra ai.

SHAKAWN KUNGDAWN 103:12

Sinpraw maga gaw, sinna maga hte tsan nga ai hte maren, Shi anhte a yubak hpe anhte hte shatsan kau ya mi ai.

ESAIA 44:22

Ngai gaw na a tara tawt lai ai hpe htat ai sumwi zawn, na a yubak mara hpe saiwan zawn, jahkoi kau we ai: ngai hpang de wa rit; ngai nang hpe mawai la ni ai.

HEBRE 10:17

“Shanhte a yubak hpe mung, shanhte tara tawt lai ai hpe mung, ngai bai n dum na nngai,” nga nna bai tsun kahtap nga ai.

ZEHKARIA 9:11

Dai hta kaga, nang shapraw kau ai ga shaka a asai majaw, nang hte seng ai bawng dung ai ni hpe, hka n rawng ai nhkun kata de na, ngai shalawt dat nngai:

1 PETRU 2:19

Kaning rai nme law, marai langai ngai Karai Kasang hpe nawku nu ai majaw, mara n rawng timung, nni nkri hkrum nna, yawn hkyen hkrum let shakut sharang nga a yang gaw, dai hta akyu lawm nga lu ai.