HAGI 2:6 - Jinghpaw Hanson Version Bible

⁶ Dai hta kaga, Zaw nawng zaw wa up ai Yehowa ning nga ai: Gade n na yang, sumsing lamu hte ginding aga hpe, nammukdara hte hkarang hpe, ngai bai ashun na nngai:

Jinghpaw Common Language Bible 2009

⁶ “Kade n na yang, ngai gaw sumsing lamu hte ginding aga, hkarang hte panglai hpe ashun na nngai.

HAGI 2:6 ပူးပေါင်းရင်းမြစ်များ

YOBA 9:6

Shi gaw lamu ga hpe de a shara na kanawng sit kau nna, de a shadaw ni gari awam nga ma ai.

SHAKAWN KUNGDAWN 18:7

Shaloi lamu ga shamu nna a wam nga ai, Bum ni a npawt nhpang ni gari nga ai: Shi myit kahtet ai majaw, dai hte kangi kanga rai ma ai.

SHAKAWN KUNGDAWN 37:10

Gade n na yang, tara n lang ai wa nga nga lu na n rai, Shi shanu ai shara e tam yu yang, shi n nga ai.

ESAIA 10:25

Kaning rai nme law, gade n na yang nang hpe sha-ang ai pawt bu ai gaw sim mat nna, shanhte hpe jahten na nga pawt bu na ra ai,” nga ai.

ESAIA 13:13

Dai re ai majaw, Zaw nawng zaw wa up ai Yehowa a pawt sindawng ai hte shi n-yun bu ai nhtoi hta e, ngai gaw sumsing lamu hpe ashun awam dat nna, ginding aga gaw de a shara na gari htawt mat na ra ai.

ESAIA 2:19

Yehowa gaw ginding aga hpe ashun awam dat na nga, shi rawt wa yang, shi a hkrithpa hte dan hkung nga ai hpung shingkang majaw, masha ni gaw lungpu ni hte ginlawng hku ni hta shang na mara ai.

ESAIA 29:17

Gade n na yang, Lebanon bum gaw namsi sun tai nna, namsi sun gaw maling dinggram tai na ra ai, n rai ni?

ESAIA 34:4

Sumsing lamu na wunawng wuwa ni yawng, hten mat nna, sumsing lamu gaw laika katsu zawn katsu mat na ra ai; de a wunawng wuwa ni yawng tsabyi ru, lap nyui mat ai hte, lakum lap ru hkrat ai zawn, run hkrat mat na mara ai.

YEREMIA 33:14

Yu mu, Israela dap hte Yuda dap hpe lakap nna, ngai tsun ai ga kaja mahkra hpe, ngai shadik na aten du na ra ai, nga nna Yehowa tsun ai.

YEREMIA 51:33

Kaning rai nme law, Israela Karai Kasang, Zaw nawng zaw wa up ai Yehowa ning nga ai: Babelon shayi sha gaw, mam kabye na chyarang zawn rai nga ai; gade n na yang, shi hpe mam zawn kabye na ra ai.

EZEKELA 38:19

Gaja wa, dai shani e Israela mung ting hta, nnang nawn kaba nawn wa na ra ai, nga nna nye a n-yun bu ai wan hkru let, ngai tsun ni ai:

EZEKELA 38:20

nammukdara nga ni, ntsa malen u ni, nam na ashu ashan ni, ga ntsa e gumrawt hkawm ai baw amyu myu hte, ga ntsa e nga ai masha yawng mayawng hte gaw, nye a man e gari awam na mara ai: bum ni gaw gyi mat nna, hkaraw nhkap ni ru hkrat wa ai hte, bunghku ni yawng kadawng mat na mara ai.

YOELA 3:16

Yehowa gaw Ziun bum kaw na shabam nna, Yerusalem mare kaw nna, nsen sharawt na ra ai; sumsing lamu hte ginding aga ashun awam na ra ai: rai timung Yehowa gaw, shi amyu a shingbyi shingwung shara, Israela kashu kasha ni a ngang ai hpyen dap, tai na ra ai.

KASA 2:19

Ntsa de sumsing lamu e mauhpa amu, Lawu na ga ntsa e, lamik kumla ngu ai, Asai, awan, nhkut salu hte hpe, ngai madun na nngai.

HEBRE 10:37

“Loi hkring sha mi rai jang, du sa na ra ai wa gaw N hkring n sa du sa na ra ai.

SHINGRAN 11:9

Shaloi masha amyu baw hta na ni mung, baw lakung hte hta na ni mung, ga amyu myu hta na ni mung, masha mungdan ni hta na ni mung, shan a moi mang hpe masum ya e chyingdaw mi tup sa hpu yu nna, dai yan a moi mang hpe lup makoi kau na n hkraw ma ai.