HAGI 2:5 - Jinghpaw Hanson Version Bible

⁵ kaning rai nme law, Egutu mung na pru wa nna, nye a Wenyi nanhte hte rau shanu nga yang, ngai nanhte hte tawn da ai ga shaka hte maren, ngai nanhte hte rau rai nga nngai; hkum hkrit myit, nga nna Zaw nawng zaw wa up ai Yehowa tsun ai.

Jinghpaw Common Language Bible 2009

⁵ Nanhte Egutu mung na pru wa myit dai shaloi, ngai gaw nanhte hte galoi mung rau anga nga na nngai ngu ga sadi tawn da ni ai. Ngai gaw nanhte hte rau naw anga nga ai rai nna hkum hkrit nga myit.

HAGI 2:5 ပူးပေါင်းရင်းမြစ်များ

2 HKAWHKAM LABAU 20:17

Rai timung nanhte gasat shara n nga ai: Yuda hte Yerusalem masha ni e, asim sha tsap nga mi: Yehowa nanhte hpe hkye hkrang la ai lam mada yu mu: hkum hkrit myit, myit hkum kaji; hpawt ni jang shanhte hpe htim mu; Yehowa nanhte hte rau rai nga ai,” ngu mu ai.

NEHEMIA 9:20

Shanhte hpe sharin achyin ya na matu, na a mai kaja ai wenyi nang shanhte hpe jaw nna, shanhte n-gup na manna muk hpe dawm la wu ai, n rai; shanhte hpang kara nga yang, ntsin a jaw nga mu ai.

NEHEMIA 9:30

Shing rai, shaning law law wa nang shanhte a lam shakut sharang nna, na a Wenyi shadut ai a jaw e, na a myihtoi ni a n-gup hte shadum jahprang timung, shanhte n madat nga ma ai: dai re ai majaw, dai mung na maigan ni a lata hta, nang shanhte hpe ap kau mu ai.

PRU MAT 19:4

Egutu masha ni hpe ngai galaw ai lam hte, kalang a singkaw hte nanhte hpe hpai wa nna, ngai hpang de nanhte hpe woi la masade ai gaw, nanhte mu manit dai.

PRU MAT 19:6

nanhte gaw nye a matu hkinjawng mungdan hte chyoi pra ai amyu tai na marin dai. Ga ndai hte gaw Israela kashu kasha ni hpe nang tsun na ga rai nga ai,” ngu wu ai.

PRU MAT 24:3

Shaloi Mawshe yu wa nna, Yehowa a ga mahkra hte shi hkang dat ai tara mahkra amyu masha ni hpe tsun shana wu ai: amyu masha ni mahkra mung, Yehowa tsun matsun mahkra anhte hkan galaw na ga ai, nga nna lang lata sha htan ma ai.

PRU MAT 24:8

Bai Mawshe gaw dai sai la nna amyu masha ni hpe lapri bun let, “Yu mu, sai ndai gaw, ndai amu a lam mahkra hta Yehowa nanhte hpe yin la ai ga shaka asai rai nga ai,” ngu nna tsun wu ai.

PRU MAT 34:10

Shaloi Yehowa gaw, “Yu u, ngai ga shaka tawn da nga nngai: ga ntsa ting na mungkan amyu mahkra hta galoi mung n di yu ai mauhpa amu na a amyu masha ni yawng a man e ngai galaw shapraw na we ai; nang hta ngai galaw ai lam hkrithpa lam rai nga ai majaw nang hte rau nga ai amyu masha ni Yehowa amu hpe mu lu na mara ai.

PRU MAT 34:8

Mawshe mung alawan gum dagup nna nawku let,

ESAIA 41:10

hkum hkrit et, ngai nang hte rau rai nga nngai; hkum tsang et, ngai na a Karai Kasang rai nga nngai; ngai nang hpe n-gun shaja nna karum na de ai; gaja wa, nye dinghpring ai hkra lata hte, ngai nang hpe shadaw na de ai.

ESAIA 41:13

Kaning rai nme law, Na a Karai Kasang ngai Yehowa gaw, “Hkum hkrit et; ngai nang hpe karum na de ai, nga nna, na a hkra lata jum let, tsun na nngai.

ZEHKARIA 4:6

Shaloi dai wa gaw, “Da ndai gaw, N-gun atsam hte n rai, hpung shingkang hte n rai, nye a Wenyi hte sha dang lu na ra ai,” nga nna Zaw nawng zaw wa up ai Yehowa tsun ai hte, Zerubabela hpang de du ai Yehowa a mungga rai nga ai.

ZEHKARIA 8:13

Yuda dap e, nang mung Israela dap e, nanhte gaw maigan amyu ni hta dagam dala shara tai yu ai zawn, ngai nanhte hpe hkye hkrang la nna, nanhte gaw gumring gumrat shara tai na marin dai: hkum hkrit myit: nanhte a lata n-gun shaja mu.”

ZEHKARIA 8:15

ndai aten e ngai bai myit yu nna, Yerusalem mare hte Yuda dap hpe mai kaja ai hku galaw na, myit shatawng da nngai: hkum hkrit myit,” nga nna Zaw nawng zaw wa up ai Yehowa tsun ai.

MAHTE 28:5

Dai lamu kasa mahtang, numsha yan hpe tsun mu ai gaw, Nan hkum hkrit myit; wudang hta jen da sai Yesu hpe, nan tam nga myit dai hpe ngai chye nga nngai:

KASA 27:24

‘Pawlu e, hkum hkrit et; hkawhkam Kehta a man e nang tsap lu na rin dai; yu u, nang hte rau ndai li hta jawn ai ni nlang, Karai Kasang nang hpe ap ya nit dai,’ nga nna ngai e tsun sai.

YAWSHU 1:9

Nang hpe ngai hkang sade ai, n rai ni? n-gun da ting nna myit nden shaja u; hkum hkrit et, myit hkum hten et: kaning rai nme law, nang sa wa ai lam magup hta na a Karai Kasang Yehowa rau rai nga ai,” ngu nna tsun wu ai.”

YAWSHU 8:1

Shaloi Yehowa gaw Yawshu hpe, “Hkum hkrit et, myit hkum kaji et: hpyen ma ni nlang hte hpe woi nna, rawt mu; Ai mare de lung wa mu: yu u, Ai mare a hkawhkam hte shi a masha ni, shi a mare hte shi a mungdan hpe na a lata de ngai ap ya de ai:

SHINGRAN 1:17

Dai wa hpe mu jang, shi a lagaw nhpang e si ai wa zawn ngai kadawng taw mat nngai. Shi gaw shi a hkra lata nye a ntsa e mara ya nna, Hkum hkrit et, ngai gaw ningshawng wa mung, jahtum wa mung, rai nga ai hte,

1 SAMUELA 12:20

Samuela chyawm gaw, “Hkum tsang myit: ndai hte shut hpyit myit timung, Yehowa kaw na sha hkum yit myit, Yehowa hpe myit masin mahkra hte jaw jau mu: