HAGI 2:23 - Jinghpaw Hanson Version Bible

²³ Zaw nawng zaw wa up ai Yehowa ning nga ai: Nye a shangun ma, Shelatila kasha, Zerubabela e, ndai shani e ngai nang hpe woi la nna, nye a dazik lachyawp zawn san da na nngai, nga nna Yehowa tsun ai: kaning rai nme law, ngai nang hpe lata la ni ai, nga nna, Zaw nawng zaw wa up ai Yehowa tsun ai.

Jinghpaw Common Language Bible 2009

²³ Dai shani e, ngai gaw nye a shangun ma Zerubabela hpe woi la nna nye a mying nsang hte up hkang na matu shi hpe ahkang aya ap ya na nngai. Nang gaw ngai lata da sai masha langai rai nga ndai.” Chyahtum Chyalai N-gun rawng ai dai Madu tsun nu ai.

HAGI 2:23 ပူးပေါင်းရင်းမြစ်များ

SHAKAWN KUNGDAWN 65:5

Anhte hpe hkye hkrang la ai Karai Kasang e, Dingman ai hku hkan nna hkrithpa amu hte, Nang anhte hpe htan ya nga ndai; Aga ting hte tsan tsan e nga ai nammukdara a hpa shara nang rai nga ndai.

Shawlumon A Mahkawn Ga 8:6

Ngai hpe na a myit masin ntsa e dazik zawn, Na a lahpum ntsa na dazik zawn shakap e. Kaning rai nme law, sumtsaw sumra gaw si hkrung si htan hte maren ja nga ai; Nsu nnawn myit gaw Katsan ga hta grau yak nga ai; shi a n-gun gaw wan n-gun hte, Yehowa kaw na myihprap n-gun rai nga ai.

ESAIA 42:1

Ngai shadaw ai nye a shangun ma, ngai lata la ai nye tsawra ai wa hpe, yu mu: nye a Wenyi shi a ntsa e ngai bang da ya nngai; shi gaw amyu baw ni hpe tara dara na ra ai.

ESAIA 43:10

“Nanhte dum lu nna, ngai hpe kamsham let, ngai nan dai wa rai nga nngai, chye na lu hkra, nanhte nye a sakse ni hte ngai lata la ai shangun ma ni rai nga myit dai, nga nna Yehowa tsun ai: nye a shawng e Karai Wa n nga ai, nye a hpang e mung pru na n rai.

ESAIA 49:16

Yu u, nye a lata lahpan hta ngai nang hpe ka da ni ai; na a mare bunghku ni, nye a man e tutnawng rai nga ai.

YEREMIA 22:24

Yehowa ning nga ai: Yuda hkawhkam Yehoiakim a kasha Hkonia gaw, nye a hkra lata dazik lachyawp rai nga timung, ngai hkrung nga ai hte maren, ngai nang hpe malaw kabai kau na nngai.

MAHTE 12:18

Nye Wenyi shi a ntsa e ngai bang da ya nna, Shi masha amyu ni hpe dawdan ai lam tsun dan na mu ai.

YAWHAN 6:27

Hten bya chye ai lusha a matu hkum shaja myit; Masha Kasha nanhte hpe jaw lu ai htani htana asak a matu, agrin nga ai lusha lu la na she shaja mu: kaning rai nme law, dai wa gaw, Kawa Karai Kasang a dazik kap ai wa rai nga ai,” ngu nna htan mu ai.

2 TIMOHTI 2:19

Rai timung, Dai Madu gaw shi hte seng ai ni hpe chye ginhka ai, nga nna mung, Dai Madu a amying mying ai ni nlang hte gaw, n ding n hpring ai hpe koi gam mu ga, nga nna mung, dazik sakse kap nga ai Karai Kasang a ngang kang ai npawt nhpang gaw, agrin nga ai.

1 PETRU 2:4

Dai Madu hpang de nanhte sit sa wa nna, shi gaw ahkrung nga ai nlung rai nga ai: masha ni dai hpe sai kau mu timung, Karai Kasang a man e lata la ai hte hpu la ai nlung shi rai nga ai.