HAGI 2:22 - Jinghpaw Hanson Version Bible

²² hkawhkam mungdan ni a tingnyang hpe, ngai gale galau kau na nngai: maigan amyu ni a hkawhkam mungdan ni a n-gun atsam hpe, ngai agrawp kau na nngai; hpyen leng ni hte dai hta jawn ai ni hpe, ngai gale galau di kau na nngai; gumra ni hte gumra jawn ai ni gaw, langai hte langai tinang a hpunau wa a nhtu hte kadawng hkrat na mara ai.

Jinghpaw Common Language Bible 2009

²² mungkan mungdan ni hpe agrawp jahten kau nna shanhte a daru magam n-gun hpe jahten kau ya na nngai. Ngai gaw shanhte a hpyen leng ni hte gau ai masha ni hpe yeng seng kau na we ai, gumra ni si htum mat na mara ai. Gumra jawn ai ni langai hte langai shada da sat hkat na mara ai.

HAGI 2:22 ပူးပေါင်းရင်းမြစ်များ

2 HKAWHKAM LABAU 15:6

Karai Kasang gaw tsin-yam tsindam amyu myu hte shanhte hpe sharu shatsang ai majaw, amyu mi hte amyu mi, mare mi hte mare mi shada gasat agrawp hkat ma ai.

2 HKAWHKAM LABAU 20:22

Ya shanhte gaw makawn mangoi ai hte shakawn kungdawn hpang wa yang, Yehowa gaw, Yuda mung masha ni hpe hkap gasat na, Ammon, Moba hte Seira bum masha ni hpe gumle gumlau lam shangun nna, shanhte gaw shada da gasat ma ai:

2 HKAWHKAM LABAU 20:23

Ammon hte Moba kashu kasha ni gaw Seira bum masha ni hpe atsai awai shaza kau lu hkra shaja nna, shanhte hpe jahtum kau ngut jang, shanhte langai hte langai shada da bai gasat nna shamyit kau mu ai.

SHAKAWN KUNGDAWN 46:9

Ga ting hta na hpyen majan shi jasim kau wu ai; Ndan pala hpe shi daw kau nna, Ri hpe kahtum kadaw di kau wu ai: Hpyen leng ni hpe wan hte nat kau mu ai.

SHAKAWN KUNGDAWN 76:6

Yaku a Karai Kasang e, nang daru nga ndai majaw, Gumra hte hpyen leng, yup kaba hta yup ma ai.

PRU MAT 14:17

Ngai mung Egutu masha ni a masin shaja ya na we ai rai nna, shanhte mung dai ni kaw hkan shang nang na mara ai: shaloi Hpara-u hte shi a hpyen hpung ni hta mung, shi a hpyen leng ni hte gumra jawn ai ni hta mung nye a hpung shingkang dan hkung na ra ai.

PRU MAT 14:28

Dai hka nhtang wa nna, dai nawng de shanhte hpe hkan shachyut shang nang ai hpyen leng ni, gumra jawn ai ni hte Hpara-u a hpyen hpung nlang hte hpe ka-up kau mu ai rai nna, langai mi muk kaw wa lu na n rai.

PRU MAT 15:19

Kaning rai nme law, Hpara-u gumra ni, shi a hpyen leng ni hte gumra jawn ai ni, dai nawng hta shang ma ai rai nna, Yehowa gaw dai nawng na hka shanhte a ntsa e bai nhtang lwi shangun wu ai: Israela kashu kasha ni chyawm gaw dai nawng ka-ang e hkarang hku hta hkawm sa wa ma ai.

PRU MAT 15:4

Hpara-u a hpyen leng ni hte hpyen hpung ni hpe, dai nawng hta gumpye bang kau nu ai; San da ai hpyen du ni mung, dai nawng hkyeng hta lup mat masai.

ESAIA 19:2

“Ngai gaw Egutu masha ni hpe dumbru dumbra shangun nna, langai hte langai tinang a kahpu kanau wa hte, tinang a htingbu wa hpe gasat na hte, mare mi hte mare mi, mung mi hte mung mi, shada gasat na mara ai.

ESAIA 60:12

Nang hpe daw jau na n hkraw ai amyu hte mungdan gaw, hten mat na ra ai; gaja wa, dai amyu ni gaw, atsai awai htum mat na mara ai.

ESAIA 9:19

Hkra maga gare sha timung, kawsi naw kyet na ra ai; pai maga kawa sha timung hkru kat na n rai; langai hte langai tinang a lata shan hpe, kawa sha na mara ai.

EZEKELA 21:27

Bunghku sharun ai gawng hpe tawn da na mung, hpyen gasat na matu garu jahtau nna, marawn ai nsen sharawt let, mare chyinghka ni hpe sharun ai gawng tawn da nna, kaduk htu na hte dap jung na matu, shi a hkra lata hta Yerusalem mare hpe hpru ai pala rawng nga ai:

EZEKELA 26:16

Dai shaloi e nammukdara agyi ni yawng tinang tingnyang na yu nna, palawng galu hpe raw kau nhtawm, maka ka ai palawng hpe raw kabai kau na mara ai; shanhte gaw hkrit gari ai bu hpun na mara ai: ga hta dung nga nna tut hkrit gari let, nang hta byin ai amu majaw, shanhte mak mat na mara ai.

EZEKELA 38:21

Madu Yehowa ning nga ai: Nye a bum ni yawng hta na, shi hpe gasat na nhtu ngai htet da nna, langai hte langai tinang manang wa hpe pyi, kahtam na mara ai.

EZEKELA 39:20

Nanhte gaw nye a sha ku makau e, gumra ni, leng jawn ai ni, share ninghkrin ni hte hpyen masha amyu myu hpe hkru kat hkra sha lu na marin dai,’ nga nna Madu Yehowa tsun ai.

Daniela 8:25

Shi a hpaji daw ai a marang e, shi a lata hta hkalem hkalau ai lam awng wa na ra ai: shi gaw shi hkum hpe shagrau shatsaw nna, ndum shami e masha law law hpe jahten shabyak kau na ra ai: dai hta n-ga, madu ni a Madu hpe shi hkap daw na ra ai; rai timung, masha lata hte n re ai, shi agrawp kau ai hkrum na ra ai.

AMO LAIKA (AMOS) 2:15

ndan lang ai wa mung, tsap nga lu na n rai; grai chye gat ai wa gaw, lawt lu na n rai; gumra jawn ai wa mung, tinang a asak hpe hkrang la lu na n rai;

MIHKA 5:10

Dai shani e, ngai gaw, na a gumra ni hpe, na a ka-ang e, jahtum kau nna, na a leng ni hpe agrawp kau na nngai;

MIHKA 5:15

Nye a ga n madat ai maigan amyu ni hpe, pawt sindawng kahtet ai hte ngai dawdan na nngai, nga nna Yehowa tsun ai.

MIHKA 5:8

Naw ngam nga ai Yaku a masha ni gaw, masha amyu baw ni law law a ka-ang e, maigan masha ni a man e, maling na ashu ashan ni hta, hkanghkyi, sagu hpung hta hkanghkyi uram zawn, tai na mara ai: shi ga sa wa yang, kadai n mawai la lu hkra, shi kabye nna amya sha kau na ra ai.

MIHKA 5:9

Nang hpe hpyen ai ni a ntsa e, na a lata shada nna, nang hpe gasat ai ni yawng, htum mat mu ga.

MIHKA 7:16

Maigan amyu ni dai lam mu mada nna, tinang a daru magam hpa n re ai dum let, kaya mat na mara ai, shanhte gaw tinang a n-gup pat kau na mara ai; na mung lahpang mat na mara ai.

ZEHPANI 3:8

“Dai re ai majaw, ngai hpyen gasat rawt ai shani du hkra, ngai hpe ala nga mi; kaning rai nme law, maigan amyu ni hte hkawhkam mungdan ni a ntsa e, nye a kahtet sindawng ai myit mahkra hpe ru bun na matu, shanhte hpe zuphpawng shangun na nga, ngai myit shatawng da nngai: nye a n-yun bu ai wan hte lamu ga ting hkru kau na ra ai, nga nna Yehowa tsun ai.

ZEHKARIA 10:11

Shi gaw kyin dut ngu ai nawng hta rap lu nna, ngai gaw nammukdara hka leng ni hpe kayat kau na hte, Nila hka hpungla ni yawng, hkyet mat na mara ai: shing rai Asuri mung a gumrawng gumtawng shara yu mat nna, Egutu mung na hkawhkam sumdoi, htawm kau ai hkrum na ra ai.

ZEHKARIA 10:5

Shanhte gaw share ninghkrin zawn tai nna, hpyen majan shani e, hpyen ni hpe, mare lam na hkumpup hta, kabye kau na mara ai; Yehowa shanhte hte rau rai nga ai majaw, shanhte hpyen gasat lu nna, gumra jawn ai ni, mak mat na mara ai.

ZEHKARIA 12:9

Dai shani e, Yerusalem mare hpe gasat na matu, sa wa ai maigan amyu ni mahkra hpe shamyit kau na, ngai n-gun dat na nngai.”

ZEHKARIA 14:3

Shaloi Yehowa gaw, hpyen majan aten e gasat gala nga ai hte maren, ndai amyu ni hpe gasat sa wa na ra ai.

ZEHKARIA 4:6

Shaloi dai wa gaw, “Da ndai gaw, N-gun atsam hte n rai, hpung shingkang hte n rai, nye a Wenyi hte sha dang lu na ra ai,” nga nna Zaw nawng zaw wa up ai Yehowa tsun ai hte, Zerubabela hpang de du ai Yehowa a mungga rai nga ai.

ZEHKARIA 9:10

Ngai gaw Ehprim a hpyen leng ni hte, Yerusalem a gumra ni hpe, jahtum kau na nngai; hpyen ndan mung, agrawp kau ai hkrum na ra ai; shi gaw maigan amyu ni hpe ngwipyaw lam tsun dan nna, nammukdara kaw nna, nammukdara du hkra, Uhprat hka nu kaw nna, lamu ga htum hkra, up nga na ra ai.

MAHTE 24:7

Bai, amyu mi hte amyu mi, mung mi hte mung mi shada da gumlau hkat na mara ai: hku hku ai hte nnang nawn, shara kaga kaga hta e byin wa na ra ai:

SHINGRAN 11:15

Bai, sanit ngu na lamu kasa gaw pahtau dum dat wu ai: shaloi sumsing lamu hta e nsen kaba ni pru wa ai gaw, “Mungkan ga na mungdan gaw, anhte a madu a mungdan hte shi a Hkristu a mungdan tai wa sai rai nna, shi gaw htani htana prat dingsa hkawhkam aya hta up nga na sai law,” nga nna shakawn nga ma ai.

TARA AGYI 7:22

Dai pahtau masum tsa dum dat jang, Yehowa gaw dai dap na hpyen laba ni nlang hte hpe shada da sat hkat shagun mu ai rai nna, shanhte gaw, Zerera shara na Bet-shita mare hte Tabat makau na Abel-me-hola du hkra hprawng wa ma ai.

1 SAMUELA 14:16

Ya Ben-yamin ga, Gibea mare da ai Shawlu a sin langa ni yu yu mu yang, yu mu, Hpilisti masha wunawng wuwa yawm mat nna, dumbru dumbra rai mat wa ma ai, mu mu ai.