HAGI 2:19 - Jinghpaw Hanson Version Bible

¹⁹ mamdum hta, nai mam rawng sa ni? gaja wa, tsabyi ru, lakum hpun, hkainu si hpun hte tsanlun hpun ni, asi garai n si ma ai: rai timung, dai ni kaw nna, ngai nanhte hpe shaman ya na nngai, nga ai.

Jinghpaw Common Language Bible 2009

¹⁹ Nai mam rai ti mung, sabyi ru rai ti mung, lakum hpun ni, hkainu si hpun ni hte tsanlun hpun ni hpa mi n htuk shapraw ya ai rai ti mung, ya aten kaw nna ngai nanhte hpe shaman chyeju jaw ya na nngai,” ngu nna tsun ai.

HAGI 2:19 ပူးပေါင်းရင်းမြစ်များ

NINGPAWT NINGHPANG 26:12

Ya, Isak gaw dai mung e yi galaw wu ai rai nna, dai shaning hta htam latsa lu la wu ai: Yehowa mung shi hpe shaman ya wu ai:

YOBA 39:12

Na a mam hpe chyarang hta shinggyin la nna, na a dum hta mahkawng da na nang shi hpe kam nni?

SHAKAWN KUNGDAWN 133:3

Hermun bum kaw nna Ziun bum hta, hkrat ai mari hte, bung nga ai; Kaning rai nme law, Yehowa gaw dai yang e, Htani htana asak a shaman ai gaw, a jaw nga mu ai.

SHAKAWN KUNGDAWN 84:12

Zaw nawng zaw wa up ai Yehowa e, nang hta shamyet shanat ai wa gaw, a nga ai law.

YEREMIA 31:12

Shing rai shanhte gaw, Ziun bum pungding e sa mahkawn mangoi nna, Yehowa chyeju ngu ai, nai man, tsabyi jahku, sau, sagu kasha hte dumsu kasha lu la na matu zuphpawng na mara ai: shanhte a myit masin gaw, ntsin jaw ai sun zawn rai nga nna, shanhte htawm hpang de hpa yawn hkyen hkrum na n rai.

YEREMIA 31:14

Hkinjawng ni hpe mung hpum sau ai shan hte ngai jaw jahkru na nngai; nye a amyu masha ni gaw, nye a chyeju hte hkru kat na mara ai, nga nna Yehowa tsun ai.

YOELA 1:12

Tsabyi ru gaw nyui mat sai, lakum hpun gaw hkraw mat sai; hkainu si hpun, ma-un hpun, magaw si hpun hte pa ga na hpun mahkra nyip nyui mat sai: gaja wa, shinggyim masha ni hta kabu gara ai lam wai mat sai.

YOELA 2:14

Nanhte a Karai Kasang Yehowa hpe, lusha kumhpa hte dumhpung hkungga, naw nawng ya lu hkra, shi myit malai lu nna, nanhte hpang de nhtang wa let, shaman ai chyeju nanhte hpe n gam jaw na, kadai wa chye lu a ta? nga nna tsun ai.

HAGI 1:11

Dai hta n-ga ngai gaw, ga ntsa e mung, bum lang ntsa e mung, nai mam ntsa e mung, tsabyi ru ntsa e mung, sau hpun ntsa e mung, mam nhpan ntsa e mung, masha ntsa e mung, yamnga ntsa e mung, makan mahkra ntsa e mung, jan gri na hkang da nngai.

MALAHKI 3:10

Nye a nta hta lusha rawng nga na matu, htamshi hta htammi yawng, nye a sutdek hta bang da mu: shing rai ngai gaw, sumsing lamu hkuwawt hku hpaw nna, nanhte n dang hkap la lu hkra, nanhte a ntsa e shaman ai chyeju ru bun na, n ru bun na gaw, ya dai lam ngai hpe chyam yu mi, nga nna Zaw nawng zaw wa up ai Yehowa tsun ai.

MAHTE 6:33

Nanhte chyawm gaw, shi a mungdan hte shi a dinghpring ai lam hpe shawng tam nga mu; shaloi dai nlang nanhte hpe kahtap jaw na marin dai.

TARA JAHPRANG 15:10

Gaja wa teng teng nang shi hpe jaw lu na rai ndai; jaw n yang mung lahpawt ai myit hte jaw lu na n rai: kaning rai nme law, dai chyeju a majaw na a Karai Kasang Yehowa gaw nang galaw ai lam shagu, na a lata shachyen ai lam magup hta shaman ya na ra ai.

TARA JAHPRANG 28:22

Yehowa gaw nang hpe mang shakrwi krawi ai, ali awaw waw ai, nma bya ai, bungge ge ai, jan gri ai, hkau pyi pyi ai, mam maru ru ai hte tsin-yam dai ni gaw nang kaw hkan nang na mara ai.