HAGI 2:17 - Jinghpaw Hanson Version Bible

¹⁷ Ngai gaw nanhte galaw ai makan mahkra hpe, hkau pyi pyi ai, mam maru ru ai, sin hkrat ai tsin-yam hte shari timung, nanhte gaw ngai hpang de n kayin wa myit dai, nga nna Yehowa tsun ai.

Jinghpaw Common Language Bible 2009

¹⁷ Ngai gaw nanhte shakut nna hkai da ai hpa arai hpe rai tim jahten sharun kau na matu kahtet kang ai nbung hte sin marang ni hpe shangun dat ni ai. Rai ti mung, myit malai lu myit dai n rai.

HAGI 2:17 ပူးပေါင်းရင်းမြစ်များ

NINGPAWT NINGHPANG 42:23

Shanhte shada tsun ai ga hpe Yawsep chye na ai gaw shanhte n chye ma ai: kaning rai nme law, Yawsep gaw shanhte hpe ga gale ai wa hte tsun tsun di wu ai.

NINGPAWT NINGHPANG 42:27

Dabang e du yang langai wa mi gaw shi a lawze hpe mam yaw na nga shi a jan hpaw yu nna, yu u, jan mahka hta shi a gumhpraw mu wu ai.

NINGPAWT NINGHPANG 42:6

Dai shaloi Yawsep gaw munggyi rai nga ai rai nna, mung masha ni yawng hpe mam dut ya ai madu rai nga ai: shing rai Yawsep a kahpu ni gaw du sa nna, shi a man e ga du hkra dingnyawm dagup ma ai.

1 HKAWHKAM 8:37

“Dai mungdan hta n-gawn hku wa wa ai, ana zinli, hkau pyi pyi ai, man maru ru ai, dinggam-yaw hte shingchyut sha ai mung; shanhte hpe hpyen ai ni gaw shanhte a mung na mare ni hpe sa wang tawn ai mung; hpa ana ahkya hte hpa machyi makaw hkrum yang mung;

2 HKAWHKAM LABAU 28:22

Ndai hkawhkam Ahaza gaw, ndai aten e nde wa tsin-yam tsindam hkrum timung, Yehowa hpe grau nna shut kau nga ai.

2 HKAWHKAM LABAU 6:28

“Dai mungdan hta n-gawn hku wa wa ai, ana zinli, hkau pyi pyi ai, mam maru ru ai, dinggam-yaw hte shingchyut sha ai mung; shanhte hpe hpyen ai ni gaw, shanhte a mung na mare ni hpe sa wang tawn ai mung; hpa ana ahkya hte hpa machyi makaw hkrum yang mung;

YOBA 36:13

N shawp ai myit rawng ai ni gaw, pawt sindawng ai mahkawng da ma ai; gyit hkang ai hkrum timung, hpyi jahtau ma ai n rai.

SHAKAWN KUNGDAWN 128:2

Na a lata a amu nang sha lu na ndai, nang a lu nna ngamai lu na ndai.

SHAKAWN KUNGDAWN 78:46

Shanhte a nsi naisi hpe shingchyut e, Nai mam hpe dinggam-yaw ni e, jaw kau mu ai.

ESAIA 28:2

Yu u, Madu gaw n-gun ja ai hte atsam rawng ai wa hpe hkang da nna, dai wa gaw, sin lawm ai jahten ai nbung laru adawt ai hte, hka hpungla kaba lim ai zawn, tinang a lata hte shanhte hpe ga du hkra kadawng kau na ra ai.

ESAIA 37:27

Dai re ai majaw mare masha ni gaw n-gun yawm wa nna, myit mak ai hte myit htum mat masai; shanhte gaw nam na tsingdu hte tsit lali ai shatmai lap zawn, nta ntsa e tu ai tsing hte garai n kaba ai nyip mat wa ai mam maku zawn, rai nga ma ai.

ESAIA 42:25

Dai re ai majaw, shi a pawt sindawng ai hte shi hpyen gasat ai hpe shanhte a ntsa e shi ru bun nna, shanhte a grup yin e wan hkru timung n dum ma ai, wan hkru hkrum timung, hpa n nawn ma ai.

ESAIA 62:8

Gaja wa ngai gaw, na a nai mam hpyen ni hpe htawm hpang e jaw na n rai; nang shakut nna lu ai tsabyi jahku hpe, maigan masha ni lu lu sa na n rai:

ESAIA 9:13

Dai re ai majaw Yehowa gaw Israela amyu hta na, baw hte nmai hpe mung, ma-un lakung hte mai-aw hpun hpe mung, lani mi hta sha kran kau na ra ai.

YEREMIA 3:24

Dai kaya kahpa lam chyawm gaw, anhte a ram prat kaw nna, ji wa ni a sutgan ngu ai, sagu dumsu hpung ni hte shayi shadang sha ni hpe shamyit kau nu ai.

YEREMIA 5:3

Yehowa e, na a myi kangka lam hpe tau yu nga ai, n rai ni? Nang shanhte hpe kayat timung, shanhte hpa n nawn ma ai; shaza kau timung, sharin achyin ai n hkam hkraw ma ai: tinang a myi man hpe nlung hta grau shaja ma ai; shanhte bai wa na, n hkraw ma ai.

AMO LAIKA (AMOS) 4:6

Ngai chyawm gaw, nanhte a mare shagu hta hku wa hte, nanhte a shara shagu hta shahpa taw ai lam shabyin dat timung, nanhte gaw ngai hpang de n wa myit dai, nga nna Yehowa tsun ai.

HAGI 1:11

Dai hta n-ga ngai gaw, ga ntsa e mung, bum lang ntsa e mung, nai mam ntsa e mung, tsabyi ru ntsa e mung, sau hpun ntsa e mung, mam nhpan ntsa e mung, masha ntsa e mung, yamnga ntsa e mung, makan mahkra ntsa e mung, jan gri na hkang da nngai.

HAGI 1:6

Nanhte law law gat hkai timung, kaji sha shu la lu myit dai; sha timung, n hkru kat myit dai; lu timung, hkru lu ai, n rai; bu hpun timung, lum ai n rai; shabrai sha ai wa gaw, tinang a shabrai hpe, waw ai tingsan hta bang da wu ai.

HAGI 1:9

Nanhte gaw law law lu na, myit mada timung, kaji sha lu myit dai; dai hpe dum hta bang yang, ngai kawut kau nngai. Hpa majaw rai ta? nga nna Zaw nawng zaw wa up ai Yehowa san nga ai. Nye a Nta gaw shingran naw katsi nga ninglen, nanhte langai hte langai, tinang a nta hpe sha tsang ai majaw, rai nga ai.

HAGI 2:16

ndai aten laman e, n-gu dang hkun pru ai mam sumpum de sa du yang, dang shi sha lu la nga ai; bai, tsabyi yam manga shi la na matu, htumbyen de sa du yang, hkun sha lu la nga ai.

MALAHKI 3:11

Ngai gaw kawa sha ai dinggam-yaw hpe, nanhte a matu daru kau nna, dai gaw nanhte a lamu ga na nsi naisi hpe, sha kau lu na, n rai; nanhte a tsabyi ru ni mung, aten garai n du yang, asi run mat na, n rai, nga nna Zaw nawng zaw wa up ai Yehowa tsun ai.

TARA JAHPRANG 28:22

Yehowa gaw nang hpe mang shakrwi krawi ai, ali awaw waw ai, nma bya ai, bungge ge ai, jan gri ai, hkau pyi pyi ai, mam maru ru ai hte tsin-yam dai ni gaw nang kaw hkan nang na mara ai.

SHINGRAN 2:21

Ngai shi hpe myit malai lu na aten jaw da rai timung, shi a hpye ai amu a lam hta na myit malai n lu hkraw nga ai.