HAGI 2:12 - Jinghpaw Hanson Version Bible

¹² Masha langai ngai, tinang a nba lawai hte chyoi pra ai shan makai nna la wa let, muk, shatmai, tsabyi jahku, sau, shahpa lama ma hpe, dai nba hte hkra yang, dai shahpa gaw chyoi pra na rai ni? ngu nna san yang, hkinjawng ni gaw, Chyoi pra na, n rai, ngu nna htan mu ai.

Jinghpaw Common Language Bible 2009

¹² Marai langai ngai gaw ap nawng da sai shan tawng ni hpe hkungga nawng ya ai kaw na la mat wa nhtawm shi a lawnghkai palawng hta katsu bang nna la mat wa ai ngu ga; lama rai nna shi gaw shi a palawng galu hte muk hpe mung, shadu da sai shahpa hpe mung, sabyi ntsin, tsanlun sau shing n rai kaga shahpa ni hte hkra shangun ai rai yang, dai ni gaw ap nawng da ai shahpa rai na rai nga a ni?” Dai ga san san ai shaloi, hkinjawng ni gaw, “N rai nga ai,” ngu nna htan ma ai.

HAGI 2:12 ပူးပေါင်းရင်းမြစ်များ

PRU MAT 29:37

Nhtoi sanit ya tup dai tawn hkungri a matu htingrat hkungga nang nawng nna dai hpe shachyoi shapra na rai wu ai: shaloi dai gaw chyoi pra htum ai tawn hkungri rai na ra ai; dai tawn hkungri hpe hkra ai rai hpa mung, chyoi pra ai rai, rai na ra ai.

HPAJI NINGLI 10:1

Jinu chyasi manam pyaw ai sau hpe hkying shangun nga ai zawn, angawk ai amu kaji, hpaji byeng-ya hte arawng sadang hpe shayuk kau nga ai.

EZEKELA 44:19

Shawa masha ni nga ai shinggan wang de pru wa yang, daw jau nga jang bu hpun ai hpun palawng hpe shanhte raw kau nna, chyoi pra ai gawk hta tawn da nhtawm, kaga hpun palawng galai na mara ai: shanhte gaw tinang a hkinjawng hpun palawng hte shawa masha ni hpe shachyoi shapra lu na n rai.

JAW JAU 6:27

Shan dai hpe hkra ai hpa mung chyoi pra ai rai na rai nga ai: de a sai bun ai hpun palawng ni hpe mung, chyoi pra ai shara e hkrut na rai wu ai.

JAW JAU 6:29

Hkinjawng ni hta na lasha ni yawng dai mai sha na rai ma ai: dai gaw chyoi pra htum ai rai nga ai.

JAW JAU 7:6

Dai hkungga shan hpe hkinjawng hta na lasha ni nlang sha mai na rai ma ai: dai hpe chyoi pra ai shara e sha na rai mu ai: dai gaw chyoi pra htum ai rai nga ai.

MAHTE 23:19

Myi kyaw ai ni e, dai kumhpa hpe shachyoi shapra ai hkungri hte dai kumhpa gaw, gara mahtang grau kaba nga a ta?

TARA JAHPRANG 33:10

Shanhte gaw na a matsun maroi ga Yaku hpe, Na a tara Israela hpe, sharin ya na mara ai: Manam pyaw hkungga na a man e, Wan nat hkungga na a tawn hkungri ntsa e, mara tawn na mara ai.