HAGI 1:9 - Jinghpaw Hanson Version Bible

⁹ Nanhte gaw law law lu na, myit mada timung, kaji sha lu myit dai; dai hpe dum hta bang yang, ngai kawut kau nngai. Hpa majaw rai ta? nga nna Zaw nawng zaw wa up ai Yehowa san nga ai. Nye a Nta gaw shingran naw katsi nga ninglen, nanhte langai hte langai, tinang a nta hpe sha tsang ai majaw, rai nga ai.

Jinghpaw Common Language Bible 2009

⁹ “Nanhte gaw law law lu dan la na re ngu, myit mada myit dai, rai ti mung kaji sha mi lu la ma ai. Nanhte gaw dai dan la lu ai hpe la mat wa myit dai shaloi, ngai gaw dai hpe kawut shapoi kau we ai. Nawku Htingnu hten run nga ai majaw nanhte gaw tinang dum nta hkan bungli law nga myit dai.

HAGI 1:9 ပူးပေါင်းရင်းမြစ်များ

2 SAMUELA 21:1

Ya Dawi a aprat e masum ning tup hku hku ai rai nna, Dawi gaw Yehowa kaw san yu wu yang, Yehowa tsun ai gaw, Gibeon masha ni hpe sat ai Shawlu hte masha asai hkaw kau ai, shi a amyu majaw rai nga ai, nga ai.

2 SAMUELA 22:16

Yehowa daru dat ai hte, Shi a ladi na nsa shaw dat ai majaw, Hka kaba ni a lam dawng pru nna, Lamu ga npawt nhpang ni dan pru nga ai.

2 HKAWHKAM 19:7

yu u, ngai shi hpe myit kaga bang ya nna, shi gaw ashi na ai hte tinang a mung de bai wa mat na ra ai; dai mung hta e ngai shi hpe nhtu hte sat kau na we ai, nga ai,” ngu nna shanhte hpe tsun dat mu ai.

YOBA 10:2

Karai Wa hpe ngai tsun ai gaw, ngai hpe mara hkum shagun et; ngai hte hpa majaw htailai hkat ai lam madun e,

GA SHAGAWP 11:24

Jaw kau timung, sut su wa ai wa mung, nga ai; N taw n tsang mahkawng da timung, matsan hkrum ai wa mung nga ai.

GA SHAGAWP 27:20

Katsan ga hte sung htum ai shara gaw, n hkru kat lu ai zawn, Masha a myi mung galoi hkru kat lu na n rai.

HPAJI NINGLI 1:8

Yawng mayawng gaw, masha n tsun lu hkra, hki ba shangun ai amu hkrai rai nga ai; myi gaw mu mada timung, mu jin ai, n rai; na gaw na lu timung, na tsu ai n rai.

ESAIA 40:7

Yehowa a nbung dai hpe ahpawt ai majaw, tsingdu gaw hkraw mat nna, nampan gaw nyui mat wa ai; gaja wa amyu masha ni gaw tsingdu hkrai rai nga ma ai.

ESAIA 5:10

Kaning rai nme law, tsabyi sun lawk shi gaw, lawk mi daram sha shapraw lu nna, nli htamshi hta na, htammi sha pru na ra ai.

YEREMIA 12:13

Shanhte hkaulan mam gat nna, ju hpun dan la ma ai; tinang hkum hpe jahki shaba timung, hpa akyu n pru nga ai; Yehowa n-yun bu ai myit majaw, nanhte gaw tinang shapraw ai amu hpe tau yu let, kaya kahpa dum na marin dai.

EZEKELA 21:31

Madu Yehowa ning nga ai, Htan bam hpe malaw kau u, janmau hpe raw kau u; ya gaw shawng na hte n bung ai; nem ai hpe shatsaw u, tsaw ai hpe shanem u.

JAW JAU 19:25

Manga ning ngu na hta si ai gaw nanhte sha na rai malit dai: shing rai yang namsi hpun ni grau si wa na mara ai: ngai gaw nanhte a Karai Kasang Yehowa rai nga nngai.

HAGI 1:4

Ataw, Yehowa Nta gaw shingran naw katsi nga yang me, nanhte hkum nan, hpunpyen maka ka ai nta hta, rawng na aten du sa ni?

HAGI 1:6

Nanhte law law gat hkai timung, kaji sha shu la lu myit dai; sha timung, n hkru kat myit dai; lu timung, hkru lu ai, n rai; bu hpun timung, lum ai n rai; shabrai sha ai wa gaw, tinang a shabrai hpe, waw ai tingsan hta bang da wu ai.

MALAHKI 2:2

Nye a amying hpe shagrau shatsaw na matu, nanhte n madat nna, n matsing hkraw myit yang gaw, ngai nanhte a ntsa de dagam dala tsin-yam dat dat nna, nanhte hpe shaman ai a malai dingnye shabyin na nngai: gaja wa, shanhte n matsing hkraw ai majaw, ya e pyi shabyin ni ai, nga nna Zaw nawng zaw wa up ai Yehowa tsun ai.

TARA JAHPRANG 28:38

Mam nli law law wa na a yi hkauna de nang la sa timung, dinggam ni sha kau ai majaw kachyi sha shu la lu na ndai.

SHINGRAN 2:4

Rai timung, shawng na tsawra ai lam hpe nang kau da ndai majaw nang hta mara shagun shara ngai mu nngai.

SHINGRAN 3:19

Ngai tsaw matsaw kadai hpe mung, ngai mara madun nna daru sharin ga nngai. Dai re ai majaw, dum hprang let nga u, myit malai lu u.