HAGI 1:6 - Jinghpaw Hanson Version Bible

⁶ Nanhte law law gat hkai timung, kaji sha shu la lu myit dai; sha timung, n hkru kat myit dai; lu timung, hkru lu ai, n rai; bu hpun timung, lum ai n rai; shabrai sha ai wa gaw, tinang a shabrai hpe, waw ai tingsan hta bang da wu ai.

Jinghpaw Common Language Bible 2009

⁶ Nanhte gaw law law gat hkai myit dai, rai ti mung kaji mi sha dan la lu myit dai. Nanhte gaw sha na lusha lu myit dai, rai ti mung hkru kat hkra sha lu ai n rai. Nanhte gaw lu na sabyi ntsin lu myit dai, rai ti mung nang hkra lu lu na myit dai n rai! Nanhte hpun palawng lu myit dai, rai ti mung nanhte lum hkra law ai n rai. Bungli galaw masha ni gaw tinang asak hkrung nga lu na matu law ai shang gumhpraw n lu tam ma ai.

HAGI 1:6 ပူးပေါင်းရင်းမြစ်များ

2 SAMUELA 21:1

Ya Dawi a aprat e masum ning tup hku hku ai rai nna, Dawi gaw Yehowa kaw san yu wu yang, Yehowa tsun ai gaw, Gibeon masha ni hpe sat ai Shawlu hte masha asai hkaw kau ai, shi a amyu majaw rai nga ai, nga ai.

1 HKAWHKAM 17:12

Shaloi gaida jan gaw, “Na a Karai Kasang Yehowa hkrung nga ai hte maren, ngai muk pa mi pyi n lu nngai; dibu hta muk shadung latup mi hte, namtau hta namman kaji mi sha rawng nga ai; nga hpun hkyep langai lahkawng sa hta nna, dai hpe nye a matu mung, ngai sha a matu mung shadu ngut yang she, an lahkawng sha nna, si na saga ai,” ngu nna htan wu ai.

NEHEMIA 5:2

Nkau mi gaw, “Anhte hte anhte a shayi shadang sha ni law la nga ga ai: anhte lusha lu nna asak hkrung nga lu hkra, nai mam jaw mi law,” nga ma ai.

YOBA 20:22

Lu su nga yang pyi shi kyin dut hkrum nna, matsan mayan ni yawng layung madi na mara ai.

YOBA 20:28

Shi nta na ngamu ngamai hkoi mat nna, pawt sindawng ai nhtoi hta, lwi mat wa na ra ai.

SHAKAWN KUNGDAWN 107:34

Hka hpaw ai shara hpe ga jahkraw, Sau rawng ai ga hpe krin ai shara, shatai nu ai.

GA SHAGAWP 11:24

Jaw kau timung, sut su wa ai wa mung, nga ai; N taw n tsang mahkawng da timung, matsan hkrum ai wa mung nga ai.

ESAIA 5:10

Kaning rai nme law, tsabyi sun lawk shi gaw, lawk mi daram sha shapraw lu nna, nli htamshi hta na, htammi sha pru na ra ai.

YEREMIA 12:13

Shanhte hkaulan mam gat nna, ju hpun dan la ma ai; tinang hkum hpe jahki shaba timung, hpa akyu n pru nga ai; Yehowa n-yun bu ai myit majaw, nanhte gaw tinang shapraw ai amu hpe tau yu let, kaya kahpa dum na marin dai.

YEREMIA 14:4

Jan gri nna, ga ga kaprang ai majaw, hkauna galaw ai ni gaw tinang baw htinggrum let kaya dum ma ai.

YEREMIA 44:18

Sumsing lamu hkawhkam jan hpe, manam pyaw ai baw nat nawng na hte, dumhpung hkungga ru jaw na hprai kau yang, anhte lam shagu hta matsan mayan hkrum nna, ri nhtu, kawsi hpang gara hte hten byak hkrum ga ai.

HOSEA 4:10

Shanhte gaw Yehowa hpe shinggan kau ai majaw, shanhte sha timung, hkru kat lu ai, n rai; liknga lam shachyut timung, law htam wa na, n rai.

HOSEA 8:7

Shanhte gaw nbung nli gat nna, bungsha shu la na mara ai; mam hpun tu na n rai. Nkyang hta shadung rawng na, n rai: rawng timung, tsasam masha ni dai hpe gamaw kau na mara ai.

JAW JAU 26:20

nanhte kaman lila n-gun dat na myit dai; kaning rai nme law, nanhte a lamu ga gaw nsi naisi shakat ya na ra ai n rai; namsi hpun ni mung asi si jaw na n rai.

JAW JAU 26:26

Nanhte hpe shadaw ai shat lusha ngai dawm kau ya made yang, numsha marai shi ting wan mang langai mi hta sha nanhte a muk kabaw nhtawm, joi hte shen nna nanhte hpe karan jaw na ra ai: nanhte sha timung kan du na n rai.

HAGI 1:10

Dai rai nna, nanhte a jaw e lamu na mari n hkrat ai hte, lamu ga gaw nsi naisi n shatut nga ai.

HAGI 1:5

Dai re ai majaw, Zaw nawng zaw wa up ai Yehowa ning nga ai: Tinang lam sumru yu mu.

HAGI 1:7

Zaw nawng zaw wa up ai Yehowa ning nga ai: Tinang lam sumru yu mu.

HAGI 1:9

Nanhte gaw law law lu na, myit mada timung, kaji sha lu myit dai; dai hpe dum hta bang yang, ngai kawut kau nngai. Hpa majaw rai ta? nga nna Zaw nawng zaw wa up ai Yehowa san nga ai. Nye a Nta gaw shingran naw katsi nga ninglen, nanhte langai hte langai, tinang a nta hpe sha tsang ai majaw, rai nga ai.

HAGI 2:16

ndai aten laman e, n-gu dang hkun pru ai mam sumpum de sa du yang, dang shi sha lu la nga ai; bai, tsabyi yam manga shi la na matu, htumbyen de sa du yang, hkun sha lu la nga ai.

HAGI 2:17

Ngai gaw nanhte galaw ai makan mahkra hpe, hkau pyi pyi ai, mam maru ru ai, sin hkrat ai tsin-yam hte shari timung, nanhte gaw ngai hpang de n kayin wa myit dai, nga nna Yehowa tsun ai.

ZEHKARIA 5:4

Ngai dai laika katsu hpe shapraw dat nna, dai gaw lagu lagut wa a nta hta mung, nye a mying gang nna masu lam dagam ai wa a nta hta mung, shang nna, shi a nta ka-ang e nga nga let, dai nta a ngau ni nlung ni hte hpawn, dai nta hpe shamyit kau na ra ai,” nga nna Zaw nawng zaw wa up ai Yehowa tsun ai.

ZEHKARIA 8:10

Kaning rai nme law, ndai nhtoi ni a shawng e nchyang shabrai n nga, Nga ugun mung n nga ai; hpyen ni a majaw, pru wa shang wa ai ni a matu mung, pyaw shara n nga ai: hpa majaw nga yang, ngai gaw masha langai hte langai hpe, tinang a htingbu wa hte hpyen shatai nngai.

MALAHKI 2:2

Nye a amying hpe shagrau shatsaw na matu, nanhte n madat nna, n matsing hkraw myit yang gaw, ngai nanhte a ntsa de dagam dala tsin-yam dat dat nna, nanhte hpe shaman ai a malai dingnye shabyin na nngai: gaja wa, shanhte n matsing hkraw ai majaw, ya e pyi shabyin ni ai, nga nna Zaw nawng zaw wa up ai Yehowa tsun ai.

TARA JAHPRANG 28:17

Na a shingnoi htingga hta mung, muk gumrin ai ban hta mung dingnye rawng na ra ai.