HAGI 1:11 - Jinghpaw Hanson Version Bible

¹¹ Dai hta n-ga ngai gaw, ga ntsa e mung, bum lang ntsa e mung, nai mam ntsa e mung, tsabyi ru ntsa e mung, sau hpun ntsa e mung, mam nhpan ntsa e mung, masha ntsa e mung, yamnga ntsa e mung, makan mahkra ntsa e mung, jan gri na hkang da nngai.

Jinghpaw Common Language Bible 2009

¹¹ Ngai gaw mungdan a kawng ntsa hkan e mung, hkai nmai hkai ai sun hkauna ni hta mung, sabyi sun ni hte tsanlun si sun ni hkan mung, ga ntsa tu ai nsi naisi hkum sumhpa hta mung, masha hte dusat ni hta mung, nanhte shakut sharang nna tu shangun ai nsi naisi ntsa e mung, jan gri na hkang dat ni ai.”

HAGI 1:11 ပူးပေါင်းရင်းမြစ်များ

1 HKAWHKAM 17:1

Shaloi Gilead mung e sa nga ai Tirbi masha Elia gaw, Ahab hpe, “Ngai daw jaw nga ai Israela Karai Kasang Yehowa hkrung nga ai hte maren ngai n tsun yang gaw, ya kaw nna mari mung n hkrat, marang mung n htu na ra ai,” ngu wu ai.

2 HKAWHKAM 8:1

Bai Elisha gaw, shawng de asak jahkrung ya ai ma kanu hpe shaga nna, “Rawt u, nang hte na a nta masha ni hte rau, kanang rai timung nga mai ai shara e sa shingbyi nga u: kaning rai nme law, Yehowa gaw hku wa shangun dat nna, ndai mung ting hta sanit ning tup hkuwa wa na ra ai,” ngu nna shadum da wu ai.

YOBA 34:29

Shi ngwipyaw shangun yang, kadai sharu lu na rai ta? Shi myi man makoi yang, amyu rai timung, marai langai sha mung, shi hpe kadai mu lu na rai ta?

SHARUNG SHAYAWT 1:21

Ngai madai ai hpe shanhte na timung ngai hpe shalan shabran ai wa n nga ai; Ngai hkrum ai ruyak hpe hpyen ni yawng na lu nna, ndai lam nang shabyin ai majaw, shanhte kabu nga ma ai. Nang ndat da ai nhtoi nang shadu nna, shanhte gaw ngai zawn tai mu ga.

AMO LAIKA (AMOS) 5:8

kru majan hte wala shingtau hpan da ai wa; si ai shingnip hpe jahpawt nhtoi zawn, shani nhtoi hpe shana zawn, hpajang da ai wa; nammukdara hka hpe shaga nna, lamu ga ntsa e ru dat ai wa;

AMO LAIKA (AMOS) 7:4

Madu Yehowa ndai lam ngai hpe bai madun nngai: yu u, wan hte ari jaw na matu, Madu Yehowa wan shaga nna, dai gaw sung htum ai shara kaba hpe hkru kau nna, mungdaw hpe hkru magang nga ai.

AMO LAIKA (AMOS) 9:6

shi gaw sumsing lamu ntsa e shi a gawk ni hpajang da nna, ginding aga ntsa e shi a lamu udaw htawk da wu ai; nammukdara hka hpe shi shaga nna, lamu ga ntsa e ru dat wu ai: shi a mying shingteng Yehowa rai nga ai.

HAGI 2:17

Ngai gaw nanhte galaw ai makan mahkra hpe, hkau pyi pyi ai, mam maru ru ai, sin hkrat ai tsin-yam hte shari timung, nanhte gaw ngai hpang de n kayin wa myit dai, nga nna Yehowa tsun ai.

HAGI 2:19

mamdum hta, nai mam rawng sa ni? gaja wa, tsabyi ru, lakum hpun, hkainu si hpun hte tsanlun hpun ni, asi garai n si ma ai: rai timung, dai ni kaw nna, ngai nanhte hpe shaman ya na nngai, nga ai.

MALAHKI 3:11

Ngai gaw kawa sha ai dinggam-yaw hpe, nanhte a matu daru kau nna, dai gaw nanhte a lamu ga na nsi naisi hpe, sha kau lu na, n rai; nanhte a tsabyi ru ni mung, aten garai n du yang, asi run mat na, n rai, nga nna Zaw nawng zaw wa up ai Yehowa tsun ai.

MALAHKI 3:9

Ndai amyu ting, ningrai ngai hpe hpya lu hpya sha ai majaw, nanhte dagam dala hkrum myit dai.

TARA JAHPRANG 28:22

Yehowa gaw nang hpe mang shakrwi krawi ai, ali awaw waw ai, nma bya ai, bungge ge ai, jan gri ai, hkau pyi pyi ai, mam maru ru ai hte tsin-yam dai ni gaw nang kaw hkan nang na mara ai.