HAGI 1:1 - Jinghpaw Hanson Version Bible

¹ Dari hkawhkam hkaw dung ai, ni ning na shata kru a shawng shani e, myihtoi Hagi a n-gup hte, Yehowa mungga gaw, Yuda munggyi Shelatila kasha Zerubabela hte Yehozadak a kasha, hkinjawng agyi Yoshua hpang de du nna,

Jinghpaw Common Language Bible 2009

¹ Persi Hkawseng Dari hkaw dung ai lahkawng ning a shata kru a langai ya shani hta dai Madu gaw myihtoi Hagi hku nna ga shaga wu ai. Dai mungga gaw Shelatila a kasha Yuda munggyi Zerubabela hte Yehozadak a kasha Hkinjawng Kaba Yawshu a matu rai nga ai.

HAGI 1:1 ပူးပေါင်းရင်းမြစ်များ

1 HKAWHKAM 10:15

dai hta kaga, hpaga ga ai ni, seng dung ai ni, tsasam hkawhkam ni mahkra hte munggyi ni sak jaw ai mung naw nga ai.

1 HKAWHKAM 14:18

Yehowa gaw shi a shangun ma myihtoi Ahiya n-gup hta ga tsun ai hte maren, Israela masha ni yawng shi hpe makoi mayang kau nna, shi a matu sharung shayawt di mu ai.

2 HKAWHKAM 14:25

Rai timung, Israela Karai Kasang Yehowa gaw, shi a shangun ma, Gat-hehpera masha Amiti a kasha, myihtoi Yona a n-gup hta htawm tsun ai hte maren, shi gaw Israela lamu ga jarit, Hamat de shang wa ai lam kaw nna, Araba nawng du hkra, gumlau ni a lata na bai dawm la mu ai.

1 HKAWHKAM LABAU 3:17

Bawng dung hkrum ai Yehkonia shadang sha ni gaw Shalatela,

1 HKAWHKAM LABAU 3:19

Pedaia a shadang sha yan gaw, Zerubabela hte Shime rai ma ai. Zerubabela shadang sha ni gaw Meshulam yan Hanania; bai,

EZRA 1:8

Persi hkawhkam Kuru gaw sutdek up ai Mitreda lata hte shaw la nna, hti yu nhtawm, Yuda agyi wa Shebaza hpe ap ya wu ai.

EZRA 10:18

Ya, hkinjawng kashu kasha ni hta, maigan num la ai ni gaw, Yeshua dap na Yozadak a kasha hte shi a kanau ni Maseia, Elieze, Yarib, Gedalia hte rai ma ai.

EZRA 2:2

Yerusalem kaw nna Yuda mung hta langai hte langai seng ai mare de du wa ai mung masha ni a jahpan rai nga ai. Israela kashu kasha ni a jahpan nambat gaw, ndai rai nga ai:

EZRA 2:63

Urim hte Htumim chye lang ai hkinjawng garai n pru yang, shanhte gaw chyoi pra htum ai lusha hpe n lu n sha na nga, nga nna munggyi wa gaw shanhte hpe hkang da mu ai.

EZRA 3:2

Shaloi Yozadak a kasha Yeshua hte shi a kahpu kanau hkinjawng ni mung, Shelatila a kasha Zerubabela hte shi a kahpu kanau ni mung, rawt nna, Karai Kasang a masha wa Mawshe a tara hta ka da nga ai hte maren, wan nat hkungga hpe nat nawng ya na matu, Israela Karai Kasang a tawn hkungri hpe de da mu ai.

EZRA 3:8

Ya, Yerusalem mare e nga ai, Karai Kasang a nta de du ai, ni ning na shata lahkawng ngu na hta, Shelahtila kasha Zerubabela, Yozadak a kasha Yeshua hte, shanhte a kahpu kanau hkinjawng ni hte Lewi masha kaga hte hpawn, bawng dung ai kaw na pru nna, Yerusalem de lung wa ai ni hte mung masha ni nlang rawt nna, Yehowa nta na amu hpe up na matu, hkun ning kaw nna asak kaba ai Lewi masha ni hpe san tawn da mu ai.

EZRA 4:2

shanhte gaw Zerubabela hte dap lakung ni a agyi ni kaw sa nna, “Anhte mung nanhte hte rau gaw da ga: anhte gaw nanhte hte maren Karai Kasang hpe hkan tam ga ai rai nna, anhte hpe ndai ga de woi wa ai Asuri hkawhkam Esarahadon aprat kaw nna dai Karai Kasang hpe shagu hkungga nawng ya ga ai,” ngu nna tsun mu ai.

EZRA 4:24

Shing rai, Yerusalem mare na Karai Kasang a nta hpe n shangut ai tawn da mu ai; Persi hkawhkam Dari hkaw dung ai ni ning du hkra n shangut ai tawn da mu ai.

EZRA 5:1

Dai shaloi e myihtoi Hagi yan Yido a kasha Zehkaria gaw Yuda mung hte Yerusalem mare e nga ai Yuda masha ni hpe htoi ya mu ai rai nna, Israela Karai Kasang a ahkang hte shanhte hpe hkaw dan mu ai.

EZRA 5:3

Dai shaloi Hka sinna hkran up ai munggyi Tateni yan Shehta-bozenai hte shan a manang ni gaw shanhte hpang de sa du nna, “Ndai nta hpe galaw nna, ndai bunghku ni hpe shangut na lam, kadai ahkang jaw a ta?” ngu mu ai.

EZRA 6:14

Yuda agyi salang ni mung, myihtoi Hagi yan Yido a kasha Zehkaria hkaw tsun ai ga majaw, dai nta hpe galaw nna awng wa ma ai. Shanhte gaw, Israela Karai Kasang a htet da ai ga majaw mung, Persi hkawhkam Kuru, Dari, Artahkere hkang dat ai ga majaw mung, dai nta hpe galaw shangut mu ai.

NEHEMIA 12:1

Da ndai hte gaw, Yeshua kashu, Shelatila kasha Zerubabela hte rau lung wa ai hkinjawng ni hte Lewi masha ni rai nga ma ai: Seraia, Yeremia, Ezra,

NEHEMIA 12:10

Yeshua gaw Yoiakim hpe shaprat wu ai; Yoiakim Eliashib hpe shaprat wu ai; Eliashib Yoiada hpe shaprat wu ai;

NEHEMIA 5:14

Dai hta n-ga, hkawhkam Artahkere hkaw dung ai hkun ning nna sumshi lahkawng ning du hkra, shi lahkawng ning tup, ngai Yuda mung hta shanhte a munggyi rai nga timung, ngai hte nye a hpunau ni gaw munggyi a jarit sha ai n rai.

NEHEMIA 7:7

Zerubabela, Yeshua, Nehemia, Azaria, Ramia, Nahamani, Mordehkai, Bilshan, Misperet, Bigwai, Nehum, Bana hte rau, Yerusalem mare kaw nna Yuda mung hta langai hte langai seng ai mare de du wa ai mung masha ni a jahpan rai nga ai. Israela kashu kasha ni a jahpan nambat gaw ndai rai nga ai:

NEHEMIA 8:9

Mung masha ni gaw dai tara laika ga na jang, hkrap ngu hkrap ngoi nga ma ai rai nna, munggyi Nehemia, hkinjawng chyare wa Ezra hte, mung masha ni hpe sharin achyin nga ai Lewi masha ni gaw, “Dai ni nan, nanhte a Karai Kasang Yehowa a matu chyoi pra ai shani rai nga ai: myit hkum yawn, hkrap mung hkum hkrap myit,” ngu nna mung masha ni mahkra hpe tsun mu ai.

PRU MAT 4:13

Mawshe gaw, “Madu e, Nang shangun mayu ai wa hpe me shangun dat u,” ngu wu ai.

HAGI 1:12

Shaloi Shelatila kasha Zerubabela hte, Yehozadak a kasha, hkinjawng agyi Yoshua gaw, naw ngam nga ai mung masha ni mahkra hte rau, tinang a Karai Kasang a Yehowa ga hpe mung, tinang a Karai Kasang Yehowa shangun dat ai, myihtoi Hagi a ga hpe mung, madat mara nga nna, mung masha ni gaw Yehowa man e hkrit gari nga ma ai.

HAGI 1:14

Shing rai Yehowa gaw, Yuda munggyi, Shelatila kasha, Zerubabela a wenyi hpe mung, Yehozadak a kasha, hkinjawng agyi Yoshua wenyi hpe mung, naw ngam nga ai mung masha ni mahkra a wenyi hpe mung, jasu nna, shanhte gaw,

HAGI 1:15

Dari hkawhkam hkaw dung ai ni ning na shata kru a hkun mali ya e, tinang a Karai Kasang, Zaw nawng zaw wa up ai Yehowa a Nta hta amu galaw nga ma ai.

HAGI 1:2

Zaw nawng zaw wa up ai Yehowa ning nga ai, Ndai amyu masha ni gaw, Aten garai n du ai, Yehowa a Nta hpe galaw na aten garai n du ai, nga nna tsun shajang ma ai, nga ai.

HAGI 1:3

Dai shaloi e Yehowa a mungga gaw, myihtoi Hagi a n-gup hte du nna,

HAGI 2:10

Dari hkaw dung ai, ni ning na shata jahku a hkun mali ya shani e, Yehowa a mungga, myihtoi Hagi a n-gup hte du nna,

HAGI 2:20

Ya shata jahku a hkun mali ya shani e, Yehowa a mungga, Hagi kaw bai du nna,

HAGI 2:21

Yuda munggyi Zerubabela hpe htawn tsun u: Ngai gaw sumsing lamu hte ginding aga hpe ashun na nngai:

HAGI 2:4

Rai timung Zerubabela e, n-gun da ting u, nga nna Yehowa tsun ai: Yehozadak a kasha, hkinjawng agyi, Yoshua e, n-gun da ting u; mung masha ni mahkra e, n-gun da ting nna, bungli galaw mu, nga nna Yehowa tsun ai:

ZEHKARIA 1:1

Dari hkaw dung ai ni ning na shata matsat hta e, Yehowa a mungga gaw Berehkia a kasha Yido a kashu, myihtoi Zehkaria hpang de du nna,

ZEHKARIA 3:1

Bai shi gaw, hkinjawng agyi kaba Yoshua gaw Yehowa a lamu kasa a man e tsap nga ai hpe mung, Satan gaw shi hpe mara shagun na matu, shi a hkra maga e tsap nga ai hpe mung, ngai hpe madun nngai.

MALAHKI 1:8

myi hten ai shagu hkungga hpe nawng ya yang, dai gaw yubak n rai, nga nna mung; lagaw hten ai hte machyi ai shagu hkungga hpe nawng ya yang, dai mung yubak n rai, nga nna tsun ai majaw, Yehowa hpe awu asin di ai, rai nga ai. Ning re ai kumhpa na a munggyi wa hpe sak ya u; shi nang hpe yu ra na, rai ni? na a myi man tau na, rai ni? nga nna Zaw nawng zaw wa up ai Yehowa tsun ai.

LUKA 3:27

Yoda gaw Yawhan a kasha; Yawhan gaw Resa a kasha; Resa gaw Zerubabela a kasha; Zerubabela gaw Salahtila a kasha; Salahtila gaw Neri a kasha;