EZRA 9:9 - Jinghpaw Hanson Version Bible

⁹ Anhte gaw mayam rai nga ga ai: rai timung, anhte a Karai Kasang gaw, mayam amu hta, anhte hpe kau da mi ai n rai: anhte hpe bran shangun na hte, anhte a Karai Kasang a nta hpe galaw lu nna, de a marawng marang ni bai yu lajang na mung, Yuda mung hte Yerusalem mare hta bunghku naw sharawt lu na mung, shi gaw, chyeju myit hte, anhte hpe Persi hkawhkam a man e myi man pa shangun mi ai.

Jinghpaw Common Language Bible 2009

⁹ Anhte gaw mayam ni rai nga ga tim, nang gaw anhte hpe mayam amu hta kau da nga ndai n rai. Yuda mung hte Yerusalem mare hta shim lum ai lam mu tam la nhtawm matut nna shanu nga lu na ahkang mung, hten run mat sai na a Nawku Htingnu hpe bai gaw gap na matu mung, Persi hkawseng a jaw e nang anhte hpe myi man pa shangun nga nit dai.

EZRA 9:9 ပူးပေါင်းရင်းမြစ်များ

EZRA 2:68

Ya, kaji kawa ni a dap lakung ni a agyi nkau mi gaw, Yerusalem mare e nga ai Yehowa a nta de du ma yang, tinang a shara hta e Karai Kasang nta hpe bai de da na matu, myit dingsa kumhpa sak jaw mu ai:

EZRA 7:6

Dai wa gaw Israela Karai Kasang Yehowa jaw ai, Mawshe a tara laika hta chyare kaba rai nga ai; shi a Karai Kasang Yehowa gaw, shi a matu shadut wu ai hte maren, hkawhkam wa gaw shi hpe hpyi mahpyi jaw wu ai.

EZRA 7:8

Ya Ezra gaw, hkawhkam hkaw dung ai sanit ning a shata manga hta Yerusalem mare de du ai.

EZRA 9:10

Ya chyawm gaw, anhte a Karai Kasang e, anhte hpa naw tsun lu na ga ta? Nang mahtang, Nanhte sa madu lu na mungdan gaw,

NEHEMIA 2:17

Dai hpang ngai shanhte hpe, “Anhte hkrum ai tsin-yam tsindam, Yerusalem mare katsi katsang rai nga ai hte, de a chyinghka ni hkru mat nga ai hpe nanhte mu manit dai: sa marit, htawm hpang e anhte aroi arip n hkrum u ga, Yerusalem bunghku ni hpe anhte sharawt ga,” ngu nna shanhte hpe tsun dan let,

NEHEMIA 9:17

shanhte a ka-ang e nang madun dan ai mauhpa amu hpe n dum nga ai sha, shanhte du shaja ai hte, gumlau let, mayam tai nga ai mung de nhtang wa na nga, hpyen du hpe san da ma ai. Nang chyawm gaw, yubak raw dat ai, matsan dum ai hte chyeju myit rawng ai, myit galu ai hte n-gaw nwai myit madun ai Karai Kasang rai nga nna, shanhte hpe kau da mu ai n rai.

SHAKAWN KUNGDAWN 109:12

Shi hpe chyeju madun ai wa n nga u ga: Shi a jahkrai nmai ni hpe matsan dum ai wa n nga u ga.

SHAKAWN KUNGDAWN 138:7

Ru tsang ai hta e, ngai hkawm nga timung, Nang ngai hpe shalan shabran ya na ring ngai: Ngai hpe gumlau ai ni a masin pawt ai hpe, Na a lata hpe nang ladawn dat nna, Na a hkra lata ngai hpe hkye hkrang la na ring ngai.

ESAIA 14:3

Ya Yehowa gaw, nang hkrum ai yawn hkyen ai, tsin-yam tsindam hte yak la ai mayam amu hta na, nang hpe sa ban shangun ai shaloi jang,

ESAIA 5:2

shi dai hpe htu lajang nna, nlung ni rawm kau nhtawm, kaja htum ai tsabyi ru ni hkai da wu ai; de a ka-ang e shi langchyi gap da nna, tsabyi shup ai htumrin tawk da wu ai: dai sun hta tsabyi si kaja si na shi myit mada nga timung, tsabyi chyalam hkrai si nga a hka.

ESAIA 5:5

Ya nye a tsabyi sun hta ngai galaw na lam ngai nanhte hpe tsun dan made ga: de a nhpan hpe ngai run kau nna, masha ni dai hpe sha kau na mara ai: de a bunghku hpe ngai hpya kau nna, dai gaw kabye kau ai hkrum na ra ai.

ESAIA 61:4

Shanhte gaw moi chyaloi nhkoi na akrin akraw shara hpe bai dè da nna, prat mi hte prat mi marawng marang re ai mare ni hte, katsi katsang re ai shara ni hpe lajang tawn da na mara ai.

EZEKELA 11:16

“Dai re ai majaw, Madu Yehowa ning nga ai, ‘Ngai shanhte hpe sumtsan mung na amyu ni hpang de htawt kau nna, mungdan ni hta ayai kau timung, shanhte sa nga ai mung ni hta, ngai shanhte a matu, tawng marang mi, nawku shara tai na nngai:'

Daniela 9:25

Dai re ai majaw ndai lam chye matsing u: Yerusalem mare hpe bai de shagrin da na ga pru ai shani kaw nna, du ngu ai, namman chya hkam ai wa prat du hkra, nhtoi bat sanit na na ra ai: dai mare gaw ru tsang hkrum ai aten laman e, mare lam ni hte kaduk bai galaw htu ai, nhtoi bat kru shi lahkawng na na ra ai.

HAGI 1:9

Nanhte gaw law law lu na, myit mada timung, kaji sha lu myit dai; dai hpe dum hta bang yang, ngai kawut kau nngai. Hpa majaw rai ta? nga nna Zaw nawng zaw wa up ai Yehowa san nga ai. Nye a Nta gaw shingran naw katsi nga ninglen, nanhte langai hte langai, tinang a nta hpe sha tsang ai majaw, rai nga ai.

ZEHKARIA 2:5

Kaning rai nme law, Ngai gaw dai mare a grup yin e wan bunghku tai nna, de a ka-ang na hpung shingkang tai na nngai,” nga nna Yehowa tsun ai.