EZRA 9:3 - Jinghpaw Hanson Version Bible

³ Dai lam hpe ngai na jang, nye a palawng hte lawai ai nba hpe ngai gang je kau nna, kara hte nhka mun ni hpe baw kau ai hte, myit mak let dung nga nngai.

Jinghpaw Common Language Bible 2009

³ Dai lam hpe ngai na jang, myit htum ai hte nye a hpun palawng ni gang je kau nna, nye a kara hte nhka mun ni hpe baw kau nhtawm gawng run yawn hkyen let dung nga nngai.

EZRA 9:3 ပူးပေါင်းရင်းမြစ်များ

2 SAMUELA 1:11

Shaloi Dawi shi a palawng gang je kau wu ai rai nna, shi a masha ni mahkra dai hte maren galaw ma ai:

2 HKAWHKAM 18:37

Shaloi Hikia kasha kunhting wa Eliakim, chyare wa Shebna hte labau gawn laika hpe ka da ai, Asap a kasha Yoa hte gaw, tinang a hpun palawng gang je kau let, Hezekia hpang de sa du nna, Rabshake a ga shi hpe shana ya mu ai.

NEHEMIA 1:4

Ngai chyawm gaw dai ga na jang, dung nga nna, nhtoi tsawmra wa mi hkrap ngu hkrap ngoi, sharung shayawt ai hte, lusha gam let, sumsing lamu na Karai Kasang hpe akyu hpyi nga nngai;

NEHEMIA 13:25

Dai rai nna, ngai shanhte hpe daru kau ai hte dagam dala kau nme ai; nkau mi hpe ngai anu kayat nna, shanhte a kara mun ni hpe baw kau ya let, “Nanhte gaw, nanhte a shayi sha ni hpe shanhte a shadang sha ni hte n ya sha nna, shanhte a shayi sha ni hpe nanhte a shadang sha ni matu mung, nanhte hkum nan a matu mung, n hpyi la na lam, nga nna Karai Kasang a amying gang let, shanhte hpe dagam shangun nngai.

YOBA 1:20

Shaloi Yoba gaw rawt nna, shi a hpun nba gang je kau ai hte, shi a kara shangun kau nhtawm, ga de gum dagup let nawku nna,

SHAKAWN KUNGDAWN 119:53

Na a tara hpe kau da nga ai n hkru ai ni a matu, Ngai myit ja ja kahtet nga nngai.

SHAKAWN KUNGDAWN 143:4

Dai majaw nye a wenyi gawng run nga ai, Nye a myit kraw hta e, hten mat nga ai.

SHAKAWN KUNGDAWN 66:3

“Karai Kasang e, na a amu gade wa hkrithpa rai nga a hka; Na a chyalai n-gun majaw, Na a man e gumlau ni hkayawm na mara ai.

ESAIA 15:2

Mung masha ni gaw hkrap ngu hkrap ngoi na matu, Bayit yan Dibon shara na, tsaw ai kawng ni de lung wa masai; Moba masha ni gaw Nebo yan Medeba shara a lam sharung shayawt nga ma ai; langai hte langai baw krin nna, nhka mun yawng doi kau hkrum masai.

YEREMIA 36:24

Hkawhkam wa hte ndai ga na ai, shi a ali ama ni kadai mung n hkrit; tinang a hpun palawng mung, n gang je ma ai.

YEREMIA 7:29

Na a ga shaka kara hpe doi kabai kau u; krin ai kawng ni a ntsa e sharung shayawt hkawm u: kaning rai nme law, pawt sindawng hkrum ging ai amyu hpe, Yehowa kau da nna gang kau nu ai.

EZEKELA 3:15

Shaloi ngai gaw, bawng dung hkrum nna, Hkebara hka kau, Telabiba shara e shanu nga ai ni hpang de sa du nna, dai yang e sanit ya tup mau mat let dung nga nngai.

EZEKELA 7:18

Shanhte gaw tinang hkum hpe lachyit nba lawai nna, hkrithpa shanhte hpe htinggrum na ra ai: myi man yawng sum mat nna, baw shagu kara doi kau ai hkrum na mara ai.

Daniela 4:19

Shaloi Belteshaza mying ai Daniela gaw, chyahkring mi mau mat nna, myit ung ang nga ai. Hkawhkam wa chyawm gaw, “Belteshaza e, yup mang hte de a lachyum majaw, myit hkum ung ang et,” ngu wu ai. Belteshaza mung, “Nye a madu e, yup mang gaw nang hpe n dawng n yawt ai ni, ga lachyum gaw nang hpe hpyen ai ni ntsa e du u ga.

Daniela 8:27

Ngai Daniela gaw ma mat nna, tawng marang mi machyi nga nngai: dai hpang ngai rawt nna, hkawhkam a amu hpe gun hpai nngai: dai shingran lam ngai mau nga timung, dai hpe kadai n chye na ma ai.

JAW JAU 21:5

Shanhte gaw tinang a baw shangun lu na n rai; nmun mung doi lu na n rai; tinang hkum hpe gadoi jahpye lu na n rai.

MIHKA 1:16

Na a tsawra ai kashu kasha ni gaw, bawng dung hkrum ai majaw, na a kara hpe doi shakrin kau u: langda baw zawn, na a baw hpe shakrin kau u.

YAWSHU 7:6

Shaloi Yawshu gaw shi a palawng gang je kau nna, shi hte Israela agyi salang ni gaw tinang a baw hta ga nhpu hte bun let, Yehowa a sumpu man e shana de du hkra dingnyawm dagup nga ma ai.