EZRA 9:2 - Jinghpaw Hanson Version Bible

² Kaning rai nme law, dai amyu masha ni a shayi sha ni hpe, tinang a matu mung, kashu kasha ni a matu mung, shanhte hkungran la nna, dai chyoi pra ai amyu gaw, maigan amyu ni hte kayau kaya nga ai hta n-ga, mung du ni hte agyi salang ni, grau nna dai lam hta shut hpyit nga ma ai, nga nna ngai hpe tsun dan mi ai.

Jinghpaw Common Language Bible 2009

² Yuda lasha ni mung maigan numsha ni hpe hkungran la ma ai majaw Karai Kasang a chyoi pra ai amyu masha ni awu asin tai mat wa masai. Ningbaw ni hte du salang ni grau nna shut hpyit nga ma ai.

EZRA 9:2 ပူးပေါင်းရင်းမြစ်များ

NINGPAWT NINGHPANG 6:2

Karai Kasang a shadang sha ni gaw shinggyim masha ni a shayi sha ni tsawm htap nga ma ai hpe mu mu ai rai nna, tinang ra ai hte maren num lata la ma ai.

1 HKAWHKAM 11:1

Ya hkawhkam Shawlumon gaw Hpara-u a shayi sha hta kaga, Moba, Amon, Edom, Sidon, hte Hiti mung na tsasam numsha law law hpe tsawra wu ai:

EZRA 10:2

Shaloi Elam a dap lakung na, Yehiela kasha Shehkania gaw Ezra hpe, “Anhte gaw ndai mung na maigan amyu ni a shayi sha ni hpe hkungran la ai hte, anhte a Karai Kasang hpe shut kau sagaw ai: rai timung, ndai amu hta, Israela masha ni a matu myit mada shara naw nga ai.

EZRA 9:12

nanhte a shayi sha ni hpe shanhte a shadang sha ni hte, shanhte a shayi sha ni hpe nanhte a shadang sha ni hte, hkum ya sha myit; nanhte n-gun ja lu na hte, dai mungdan a ngamai na hpe lusha lu nna, nanhte a kashu kasha ni hpe prat dingsa du hkra madu lu shangun na matu, shanhte a ngwipyaw ai hte ngamu ngamai ai lam galoi mung hkum tam myit, nga nna na a shangun ma myihtoi ni a n-gup hta nang hkang da ai ga hpe, anhte kau da sagaw ai.

EZRA 9:14

na a hkang dat ai ga hpe anhte bai tawt lai nna, matsat shabat lam hkan nang ai amyu ni a amu hpe bai hkan galaw yang, langai mi pyi n ngam n lawt hkra, anhte hpe ari jaw na n rai ni?

NEHEMIA 13:17

Shaloi ngai gaw, “Laban nhtoi hpe awu asin di kau ai gaw, kaning re ai n shawp ai amu rai ta?

NEHEMIA 13:28

Ya hkinjawng agyi Eliasheb a kasha Yoiada a shadang sha langai mi gaw, Horoni masha Sanbalat a kahkri rai nga ai majaw, ngai shi hpe shachyut kau nngai.

PRU MAT 19:6

nanhte gaw nye a matu hkinjawng mungdan hte chyoi pra ai amyu tai na marin dai. Ga ndai hte gaw Israela kashu kasha ni hpe nang tsun na ga rai nga ai,” ngu wu ai.

PRU MAT 22:31

Nanhte nye a chyoi pra ai masha tai nga na rai myit dai; dai re ai majaw, nam na matse labye e kawa sat ai shan nanhte sha lu na myit dai n rai; dai gaw gwi ni hpe kabai jaw kau na rai myit dai.

PRU MAT 34:16

shanhte a shayi sha ni hpe na a shadang ni a matu nang sa la nhtawm, dai shayi sha ni gaw tinang a hpara ni hte shut hpyit ai lam galaw nna, na a shadang sha ni hpe dai hpara ni hte shut hpyit shangun hkrup na mung na a matu tsang shara nga lit dai.

ESAIA 6:13

Dai mungdan hta htamshi na htammi naw ngam nga timung, dai pyi shaza kau ai hkrum na ra ai: rai timung, magyeng hpun hte wamyi hpun hpe kran kau nna, hpun du naw tu nga ai zawn, dai hpun du hta chyoi pra ai aru arat naw prut na ra ai.”

JAW JAU 21:15

Shi a amyu masha ni hta tinang a kashu kasha ni hpe jahpoi kau lu na n rai: kaning rai nme law, shi hpe ngai Yehowa shachyoi shapra da se ai, ngu wu ai.

MALAHKI 2:11

Yuda amyu gaw hkalem hkalau lam hkan nna, Israela hte Yerusalem mare hta matsat shabat amu byin pru nga ai: kaning rai nme law, Yuda amyu gaw, Yehowa tsawra ai chyoi pra ai shara hpe, awu asin di kau nna, maigan hpara a shayi sha hpe hkungran la nu ai.

MALAHKI 2:15

Karai Wa gaw, Wenyi naw ngam nga timung, langai sha hpe hpan da wu ai, n rai ni? Hpa majaw langai sha hpan da a ta? nga yang, Karai Kasang hte ging dan ai amyu hpe tam nna, hpan da nu ai. Dai re ai majaw, nanhte gaw tinang a wenyi hpe sadi nna, brang ram prat na madu jan hpe hkalem hkalau ai hku, hkum di myit.

1 KORINHTU 7:14

Kaning rai nme law, n kam n sham ai madu wa gaw, madu jan a jaw e shachyoi shapra ai hkrum nga ai; n kam n sham ai madu jan mung, dai hpunau wa a jaw e shachyoi shapra ai hkrum nga ai: dai n rai yang gaw, nanhte a kashu kasha ni n san n seng na ma ai; ya chyawm gaw shanhte chyoi pra nga ma ai.

2 KORINHTU 6:14

N kam n sham ai ni hte rau nhtan shai ai kandang hpe hkum jawm hpai mu: kaning rai nme law, dingman ai lam gaw, tara n hkungga ai lam hte hpa seng a ta? Nhtoi gaw nsin hte kaning rai kanawn lu a ta?

TARA JAHPRANG 14:2

Kaning rai nme law, nang gaw na a Karai Kasang Yehowa a matu chyoi pra ai amyu rai nga ndai; Yehowa madu ging ai amyu shatai na nga, ga ntsa ting na masha amyu ni hta na, shi nang hpe lata la nit dai.

TARA JAHPRANG 7:6

Kaning rai nme law, nang gaw na a Karai Kasang Yehowa a matu chyoi pra ai amyu rai nga ndai: na a Karai Kasang Yehowa madu ging ai amyu shatai na nga, ga ntsa ting na masha amyu ni hta na, shi nang hpe lata la nit dai.

YAWSHU 22:15

Shaloi shanhte gaw Rubin amyu, Gad amyu hte Manashe amyu chyen ni nga ai Gilead mung du nna,

YAWSHU 23:12

Dai n rai, nanhte loi mi sha htak mat wa nna, ya nanhte hta naw ngam nga ai ndai amyu ni hte makyit mahkai let, num la num ya rai nna, shanhte hte kanawn mazum myit yang gaw, nanhte a Karai Kasang Yehowa htawm hpang de ndai amyu ni hpe nanhte a man na shaden kau ya sa na n rai: