EZRA 7:7 - Jinghpaw Hanson Version Bible

⁷ Dai hta kaga Artahkere hkawhkam hkaw dung ai sanit ning hta e, Israela kashu kasha ni, hkinjawng ni, Lewi masha ni, mahkawn mangoi ai ni, chyinghka sin ai ni hte Nehtinim masha nkau mi gaw Yerusalem de hkan lung wa ma ai.

EZRA 7:7 ပူးပေါင်းရင်းမြစ်များ

EZRA 6:14

Yuda agyi salang ni mung, myihtoi Hagi yan Yido a kasha Zehkaria hkaw tsun ai ga majaw, dai nta hpe galaw nna awng wa ma ai. Shanhte gaw, Israela Karai Kasang a htet da ai ga majaw mung, Persi hkawhkam Kuru, Dari, Artahkere hkang dat ai ga majaw mung, dai nta hpe galaw shangut mu ai.

EZRA 7:24

Dai hta kaga, hkinjawng ni, Lewi masha ni, mahkawn mangoi ai ni, chyinghka sin ai, Nehtinim masha ni hte Karai Kasang a nta amu galaw ai ni langai mi kaw na pyi, lahkawn, hkanse, akang lahkawn la lu na n rai,” ngu nna ngai hkang dat nngai.

EZRA 7:8

Ya Ezra gaw, hkawhkam hkaw dung ai sanit ning a shata manga hta Yerusalem mare de du ai.

NEHEMIA 1:1

Hakalia kasha Nehemia a mungga gaw: Ngai gaw hkun ning ngu na, Hkesle shata hta e, Shushan mare na htingnu hta e nga nga yang,

NEHEMIA 10:28

Hpaji byeng-ya hte chye chyang ai myit rawng ai, naw ngam nga ai masha ni mahkra gaw, hkinjawng ni, Lewi masha ni, chyinghka sin ai ni, mahkawn mangoi chye ai ni, Nehtinim masha ni hte rau, Karai Kasang a tara hpe hkan nang na nga, kasha kanu ni, shayi shadang sha ni hte hpawn, dai mung na maigan amyu ni hta na tinang hkum hpe jahka kau ai ni nlang hte gaw,

NEHEMIA 12:1

Da ndai hte gaw, Yeshua kashu, Shelatila kasha Zerubabela hte rau lung wa ai hkinjawng ni hte Lewi masha ni rai nga ma ai: Seraia, Yeremia, Ezra,

NEHEMIA 2:1

Ya hkawhkam Artahkere a hkaw dung ai hkun ning na, Nisan shata hta, tsabyi jahku hpe shi man e tawn da jang, dai tsabyi jahku hpe ngai la nna, hkawhkam wa hpe jau we ai. Ngai shawng de shi a man e myi man sum ai n madun yu nna,