EZRA 7:6 - Jinghpaw Hanson Version Bible

⁶ Dai wa gaw Israela Karai Kasang Yehowa jaw ai, Mawshe a tara laika hta chyare kaba rai nga ai; shi a Karai Kasang Yehowa gaw, shi a matu shadut wu ai hte maren, hkawhkam wa gaw shi hpe hpyi mahpyi jaw wu ai.

Jinghpaw Common Language Bible 2009

^6-7 Ezra gaw dai Madu Israela Karai Kasang Mawshe hpe jaw ya ai Tara hpe azin ayang chye chyang ai hpaji ninghkrin wa rai nga ai. Ezra gaw dai Madu shi a Karai Kasang a shaman chyeju hkam la nu ai majaw hkawseng wa mung shi hpyi mahpyi lam magup jaw ya wu ai. Artazazi hkaw dung ai sanit ning hta Ezra gaw Israela masha ni hta hkinjawng ni, Lewi masha ni, htingnu mahkawn mangoi masha ni, Nawku Htingnu sin ai ni hte amu galaw masha ni lawm ai hpung mi hte Babelon mung kaw nna Yerusalem mare de wa ma ai.

EZRA 7:6 ပူးပေါင်းရင်းမြစ်များ

EZRA 8:22

Kaning rai nme law, anhte a Karai Kasang a lata gaw, shi hpe hkan tam ai ni hpe karum na ra ai: shi hpe kau da ai ni a ntsa e shi a atsam hte pawt sindawng ai du na ra ai, ngu nna hkawhkam wa hpe anhte tsun da ai majaw, lam e anhte hpe hpyen ai ni a lata na makawp maga na matu, hkawhkam wa kaw sin langa hpyi na, ngai n wam ai kaya nga nngai.

EZRA 7:28

Nye a Karai Kasang Yehowa lata gaw nye a ntsa e nga nga ai majaw, ngai n-gun rawng nga ai rai nna, ngai hte rau lung wa na matu, Israela agyi salang ni hpe hpawng shangun mu ai.

EZRA 8:31

Dai hpang anhte gaw, Yerusalem mare de lung wa na nga, shata langai a shi mali ya shani e Ahawa hka kau na pru wa ga ai anhte a Karai Kasang a lata anhte a ntsa e nga nga ai rai nna, lam hkan e makoi nga ai hpyen ni a lata na anhte hpe mawai la mi ai.

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, yu mu, lamu ga aprat htum hkra, ngai nanhte hte rau dinggrin anga nga na nngai law, ngu nna shanhte hpe matsun dat mu ai.

NEHEMIA 2:18

ngai hpe chyeju madun ai nye a Karai Kasang a lata a lam mung, hkawhkam wa ngai hpe tsun dan ai mungga hpe mung, ngai shanhte hpe shana ya nme ai. Shaloi shanhte gaw, “Rawt ga, mare hpe bai de da gaw,” nga nna tsun shajang ma ai. Shing rai dai amu kaja hpe galaw na matu shanhte da ting nga ma ai.

NEHEMIA 2:8

hkawhkam a maling up ai Asap gaw, Karai Kasang a nta hte seng ai hpyen dap na chyinghka ni a matu mung, mare bunghku a matu mung, nye nta a matu mung, angau hpunpyen jaw lu na ahkang laika jaw dat e, ngu nna hkawhkam wa hpe hpyi we ai. Hkawhkam wa mung, nye ntsa e nga ai, nye a Karai Kasang a chyeju majaw, ahkang laika jaw dat ai.

EZRA 8:18

Ya Karai Kasang a chyeju anhte hte rau rai nga ai majaw, shanhte gaw, Israela, Lewi hte Mali dap lakung ni a nyan rawng ai wa langai mi hte rau,

EZRA 7:21

Ngai hkawhkam Artahkere nan, Hka sinna hkran aya lu ai sutdek up ai ni nlang hte hpe, ning nga hkang dat nngai: sumsing lamu a Karai Kasang a tara chyare wa, hkinjawng Ezra gaw, nanhte hpe hpyi mahpyi hte maren,

EZRA 7:9

Kaning rai nme law, shata langai a shawng shani hta e, Babelon mare na shi pru nna, shi a Karai Kasang hkan nang ai chyeju majaw, shata manga a shawng shani e Yerusalem de du ai.

GA SHAGAWP 3:6

Lam shagu hta shi hpe adum nga u, Shing rai yang, shi na a lam shading na ra ai.

TARA JAHPRANG 28:1

“Dai ni ngai nang hpe hkang da mada ga yawng hpe hkan nang lu hkra, na a Karai Kasang Yehowa a ga hpe nang azin ayang madat n yang gaw, na a Karai Kasang Yehowa, masha amyu nlang hte hta nang hpe shagrau na rin dai:

TARA JAHPRANG 4:5

Yu u, nanhte wa nna shang sha lu ai mungdan hta hkan nang nga na matsun maroi ga hte hkang ai tara gaw, nye a Karai Kasang Yehowa tsun da ai hte maren ngai nanhte hpe sharin achyin da ma masade ai.

1 KORINHTU 15:1

Bai hpunau ni e, ngai nanhte hpe tsun dan yu nna, nanhte mung hkam la ai hte, hkan nang yu manit dai kabu gara shiga a lam, ngai nanhte hpe naw shapraw shadan dan na made ai;

1 KORINHTU 1:20

Hpaji byeng-ya rawng ai wa kanang nga a ta? laika ka ai sara kanang nga a ta? ndai mungkan ga na bawmung wa kanang nga a ta? Mungkan ga a hpaji byeng-ya hpe, Karai Kasang shangawk shangak kau ya nu ai, n rai ni?

MAHTE 13:52

Bai shi gaw, Dai rai nna sumsing lamu mungdan a matu sape tai sai laika ka ai sara kadai mung, nta madu rai nga ai hte, tinang a sutdek hta na, nnan baw mung dingsa baw mung shapraw ai wa hte bung nga ai,” ngu nna shanhte hpe tsun mu ai.

ESAIA 59:1

Yu u, Yehowa gaw n hkye la lu hkra, lata gadun ai n rai; n na lu hkra, na lahpang ai n rai:

ESAIA 50:2

Ngai sa du yang hpa majaw masha kata, ngai shaga yang, htan ai wa hpa majaw n nga a ta? Nye a lata gaw gadun nna, n hkye hkrang la lu ai rai ni? ngai gaw mawai la lu na atsam n rawng a ni? Yu u, ngai daru yang, nammukdara ni hkyet kan mat nna, hka nu ni zaibru jang, tai mat wa ai: hka n nga ai majaw, nga ni hpang kara ai hte si wa nna, manam hkying nga ma ai.

SHAKAWN KUNGDAWN 45:1

Nye a myit masin kaja ai ga katu nga ai; Hkawhkam wa a gawp e ngai galaw ai amu hpe ngai tsun nga nngai: Nye a shinglet atsawm sha chye ka ai wa a kanyit rai nga ai.

NEHEMIA 12:36

shi a kanau ni, Shemaia, Azarela, Milalai, Gilalai, Ma-ai, Nehtanela, Yuda, Hanani hte gaw, Karai Kasang a masha wa Dawi a dum ai baw lang let hkan nang ma ai; chyare wa Ezra gaw shanhte a shawng e sa wa ai.

NEHEMIA 8:13

Ni ni shani hta e, mung masha ni yawng hta na, dap lakung ni a agyi ni hte rau, hkinjawng ni hte Lewi masha ni gaw, tara hpe madat mara nga na matu, chyare wa Ezra hpang de sa zuphpawng nga ma ai.

NEHEMIA 4:15

Shing rai, anhte dai lam dum chye nna, Karai Kasang gaw shanhte a hpaji daw ai lam shanut kau ya ai hpe, hpyen ni na ma ai, shaloi jang, anhte langai hte langai bunghku kum na matu, tinang a amu de bai wa ga ai.

NEHEMIA 2:12

ngai kaw hkan nang ai masha nkau mi hte rau shana e rawt ga ai: rai timung, Yerusalem mare a matu galaw na nga, nye a Karai Kasang gaw, ngai hpe kaning rai hpaji daw ya ai lam, ngai kadai hpe mung n tsun dan nngai: ngai jawn ai gumra hta kaga, rai htaw ai yamnga n lawm nga ai.

EZRA 6:22

kabu gara myit hte sanit ya tup matsi n rawng ai muk poi sha ma ai: kaning rai nme law, Yehowa gaw shanhte hpe kabu shangun nna, Israela Karai Kasang a nta hpe galaw lu hkra, shanhte a lata hpe n-gun shaja ya na nga, Asuri hkawhkam a myit masin hpe shanhte hpang de kayin shangun wu ai.

EZRA 5:5

Rai timung, shanhte a Karai Kasang gaw Yuda agyi salang ni hpe mada yu mu ai rai nna, Dari hpang de laika shagun dat lu nna, shi kaw na nhtang dat ai ga garai n pru pru gaw, dai amu hpe tawn da ma ai n rai.

YEREMIA 8:8

“Dai rai yang, Anhte hpaji lu ga ai; Yehowa a tara anhte hta rai nga ai, nga nna nanhte kaning rai tsun lu na myit ni? gaja wa chyare ni a masu ai kanyit gaw, masu ai lam shapraw nga ai.

NEHEMIA 12:26

Shanhte gaw Yozadak a kashu Yeshua kasha Yoiakim a aprat e mung, munggyi Nehemia aprat e mung, hkinjawng chyare wa Ezra aprat e mung, nga nga ma ai.

NEHEMIA 8:9

Mung masha ni gaw dai tara laika ga na jang, hkrap ngu hkrap ngoi nga ma ai rai nna, munggyi Nehemia, hkinjawng chyare wa Ezra hte, mung masha ni hpe sharin achyin nga ai Lewi masha ni gaw, “Dai ni nan, nanhte a Karai Kasang Yehowa a matu chyoi pra ai shani rai nga ai: myit hkum yawn, hkrap mung hkum hkrap myit,” ngu nna mung masha ni mahkra hpe tsun mu ai.

NEHEMIA 8:4

Chyare wa Ezra gaw, shanhte shachyaw san da ai tara tingnyang ntsa e tsap nga nna, shi a hkra maga de, Mahtia, Shema, Anaia, Uria, Hilkia hte Masia; pai maga de, Pedaia, Mishaela, Malhkia, Hashum, Hashbadana, Zehkaria, Meshulam hte tsap nga ma ai.

NINGPAWT NINGHPANG 32:28

Bai dai wa gaw, Na a amying hpa rai lit ta? ngu nna san wu yang, Yaku ngu ai rai li ai, ngu nna tsun dan wu ai.

MAHTE 23:2

“Laika ka ai sara ni hte Hparishe ni gaw Mawshe a tingnyang hta e dung nga ma ai.

EZRA 7:5

Babelon mare na lung wa ai:

NEHEMIA 8:1

Shaloi jang, shawa hpawng ting hka chyinghka ndaw na dam lada ai shara hta myit langai sha hte sa hpawng nna, “Yehowa gaw Israela hpe hkang tawn da ai Mawshe a tara laika hpe la sa rit,” ngu nna chyare wa Ezra hpe hpyi mu ai.

EZRA 8:1

Da ndai gaw hkawhkam Artahkere a aprat e Babelon mare na ngai hte rau lung wa ai dap lakung ni a agyi ni hte shanhte a ahtik labau jahpan laika ni rai nga ai.

NEHEMIA 9:13

Nang nan Sina bum ntsa de yu wa nna, sumsing lamu kaw nna shanhte hpe shaga let, tengman tara dara ai lam, kangka re ai tara, mai kaja ai matsun maroi ga hte htet da ai ga, nang shanhte hpe jaw da mu ai:

SHAKAWN KUNGDAWN 80:18

Shaloi anhte nang kaw na n htak mat na ga ai: Anhte hpe jahkrung la mi, anhte na a amying nsang hpe shaga na ga ai.

SHAKAWN KUNGDAWN 109:27

Yehowa e, dai gaw na a lata a bungli rai nga nna, dai nang galaw nit dai gaw, shanhte chye mu ga.

SHAKAWN KUNGDAWN 147:19

Shi gaw Yaku hta shi a mungga hpe, Israela hta shi a ga matsun hte, tara dara ai lam hpe, madun dan mu ai.