EZRA 6:3 - Jinghpaw Hanson Version Bible

³ “Kuru hkawhkam hkaw dung ai shaning hta e ning ngu hkang dat wu ai: ‘Yerusalem mare na, shanhte shagu hkungga nawng ya ai shara hta, Karai Kasang a nta hpe bai de da mu ga; de a npawt nhpang ni ngang ngang hkang hkang gaw da mu ga: de a tsaw de dawng kru shi, nda de dawng kru shi rai nna,

Jinghpaw Common Language Bible 2009

³ “Hkawseng Kuru hkaw dung hpang ai shaning hta, shagu hkungga hte wan nat hkungga ni hpe nat nawng ai shara hta Yerusalem Nawku Htingnu bai gaw gap na matu hkang dat wu ai. Dai Nawku Htingnu gaw tsaw de pe jahku shi, nda de pe jahku shi rai na rai nga ai.

EZRA 6:3 ပူးပေါင်းရင်းမြစ်များ

2 HKAWHKAM LABAU 2:3

Shalai Shawlumon gaw Turu hkawhkam Huram hpang de shangun dat nna, Nye wa Dawi a nta galaw na matu, nang arit hpun jaw dat ai hte maren, ngai hpe mung chyeju galaw e.

2 HKAWHKAM LABAU 2:6

Sumsing lamu hte sumsing lamu ni a sumsing lamu gaw, shi hpe n rawng da lu ai rai yang, shi a matu nta galaw na, kadai wa rai nga a ta? shi a man e manam pyaw ai baw nat nawng na hta kaga, shi a matu nta galaw na, ngai hpa wa mi rai nga n hka?

2 HKAWHKAM LABAU 36:22

Ya Yeremia htawn tsun ai Yehowa ga dik wa na matu, Persi hkawhkam Kuru hkaw dung ai shawng shaning hta e, Yehowa gaw shi a myit masin hpe shamu shamawt ya nna, shi gaw shi a mungdan ni mahkra hproi hkra hkang dat ai laika shabra dat nna,

EZRA 1:1

Ya Yeremia htawn tsun ai Yehowa ga dik wa na matu, Persi hkawhkam hkaw dung ai shawng shaning hta e, Yehowa gaw shi a myit masin hpe shamu shamawt ya nna, shi gaw shi a mungdan ni mahkra hproi hkra hkang dat ai laika shabra dat nna,

EZRA 1:2

Persi hkawhkam Kuru ning nga ai: “Sumsing lamu na Karai Kasang Yehowa gaw, ga ntsa mungdan ni mahkra hpe nye a lata hta ap ya ni ai; Yuda mung na Yerusalem mare hta e, shi a matu nta langai mi galaw na, shi ngai hpe hkang da ni ai.

EZRA 3:7

Bai shanhte gaw, wut gaw ai ni hte lasama ni hpe gumhpraw, Persi hkawhkam Kuru a ahkang hte maren, Yopa mare danam du hkra, Lebanon bum na arit hpun hpe shaw yawng na Sidon hte Turu masha ni hpe lusha jarit hte sau ni hpe jaw mu ai.

EZRA 6:14

Yuda agyi salang ni mung, myihtoi Hagi yan Yido a kasha Zehkaria hkaw tsun ai ga majaw, dai nta hpe galaw nna awng wa ma ai. Shanhte gaw, Israela Karai Kasang a htet da ai ga majaw mung, Persi hkawhkam Kuru, Dari, Artahkere hkang dat ai ga majaw mung, dai nta hpe galaw shangut mu ai.

SHAKAWN KUNGDAWN 122:4

Israela sakse tai lu na hte, Yehowa a amying hpe shakawn kungdawn na matu, Amyu baw ni, Yehowa a amyu baw ni, dai de lung wa na ma ai.

SHINGRAN 21:16

Dai mare gaw njut mali rai nga nna, de a dingdung maga hte nda maga maren rai nga ai: shaloi dai mai-aw nren hte dai mare hpe shadawn wu yang, mai hkying mi sanit tsa manga shi daram rai nga ai: de a dingdung maga, nda maga hte tsaw de maren rai nga ai.