EZRA 4:4 - Jinghpaw Hanson Version Bible

⁴ Dai rai nna mung masha ni gaw, Yuda masha ni hpe hkap shatsang nna, galaw ai amu hta n-gun yawm shangun mu ai:

Jinghpaw Common Language Bible 2009

⁴ Dai hpang, dai mung hta nga nga masai masha ni gaw dai hpe n gap lu hkra nga, Yuda masha ni hpe n-gun shadaw ya ai hte jahkrit shatsang nga ma ai.

EZRA 4:4 ပူးပေါင်းရင်းမြစ်များ

2 SAMUELA 4:1

Hebron mare e Abna sa si mat ai lam, Shawlu a kasha na jang, shi a myit daw mat sai. Israela masha ni nlang hte mung, myit ru nga ma ai.

EZRA 3:3

Mungdan ni e nga ai maigan amyu ni hpe hkrit ma ai majaw, shanhte gaw dai tawn hkungri hpe tinang a htingra hta de da nna Yehowa a matu jahpawt shana wan nat hkungga hpe nat nawng ya mu ai.

EZRA 4:5

Persi hkawhkam Kuru aprat kaw nna, hkawhkam Dari aprat du hkra, shanhte galaw maw ai lam jahten na matu, hpaji daw chye ai ni hpe shaga ma ai.

NEHEMIA 4:11

Anhte hpe hpyen ai ni mung, “Shanhte n dum shamyi nga nga yang, shanhte a ka-ang de anhte shang nna, shanhte hpe sat kau ai hte dai amu hpe nhtut kau shangun na re ai,” nga ma ai.

NEHEMIA 4:2

Shi a kahpu kanau ni hte Samari hpyen masha ni a man e, shi gaw, “Ndai n-gun kya ai Yuda masha ni hpa galaw nga ma ta? tinang shara hpe shangang da na rai kun? hkungga nawng ya na rai kun? lani jan hta sha shangut na rai kun? hkru hkat mat ai nlung ni hpe shanut shanaw sumpum na jahkrung shapraw lu na rai kun? nga nna tsun ai.

NEHEMIA 6:9

Kaning rai nme law, “Shanhte n-gun yawm nna, dai amu hpe n shangut lu mu ga,” nga nna, shanhte nlang anhte hpe jahkrit na maw ma ai. Rai timung, “Nye a lata hpe n-gun shaja ya e law.”

YEREMIA 38:4

shaloi ndai du salang ni gaw, hkawhkam wa, Ndai wa hpe sat kau u ga; shi gaw ning re ai ga tsun ai majaw, mare e naw ngam nga ai hpyen masha ni hte, mung masha ni mahkra a lata hpe n-gun shayawm nga ai; ndai wa gaw ndai amyu a ngamai wunli n yaw, jahten kau na she maw nga ai, ngu mu ai.

Daniela 10:13

Rai timung Persi mungdan a du gaw, nhtoi hkun langai ya tup ngai hpe hkap shadang da nngai: dai hpang, yu u, Mihkaela mying ai du kaba langai mi, ngai hpe sa karum nna, ngai gaw dai shara hta Persi hkawhkam ni hte e hti nga nngai.

Daniela 10:20

Shaloi dai wa gaw, “ngai nang hpang de sa wa ai lam, nang chye na n ni? Persi du hpe hpyen gasat na matu, ya ngai nhtang wa na nngai: dai kaw na pru yang, yu u, Heleni du paw pru na ra ai.