EZRA 4:2 - Jinghpaw Hanson Version Bible

² shanhte gaw Zerubabela hte dap lakung ni a agyi ni kaw sa nna, “Anhte mung nanhte hte rau gaw da ga: anhte gaw nanhte hte maren Karai Kasang hpe hkan tam ga ai rai nna, anhte hpe ndai ga de woi wa ai Asuri hkawhkam Esarahadon aprat kaw nna dai Karai Kasang hpe shagu hkungga nawng ya ga ai,” ngu nna tsun mu ai.

Jinghpaw Common Language Bible 2009

² Dai rai nna shanhte gaw Zerubabela hte amyu lakung ni a ningbaw ni hpe sa jahkrum nhtawm, “Anhte gaw ndai Nawku Htingnu gaw gap ai amu hta nanhte hte rau galaw lu mi ga. Anhte gaw nanhte nawku ai Karai Kasang hpe sha nawku ga ai. Anhte hpe ndai yang e nga na matu shangun dat ai Asuri Hkawseng Esahadon a prat kaw nna shi hpe shagu hkungga ni nawng ya saga ai,” ngu nna tsun ma ai.

EZRA 4:2 ပူးပေါင်းရင်းမြစ်များ

NINGPAWT NINGHPANG 10:11

Dai mung nna Ashuri mung de shi sa nna, Ninewe mare, Rehubut mare, Hkala mare hpe mung,

2 HKAWHKAM 17:24

Ya Asuri hkawhkam gaw, Babelon, Hkuhta, Awa, Hamat hte Sehparim masha ni hpe woi wa nna, Israela masha ni a malai, shanhte hpe Samari mare ni hta nga shangun mu ai; shanhte gaw Samari mung hpe up nga nna, de a mare ni hta nga nga ma ai.

2 HKAWHKAM 17:41

Shing rai ndai amyu ni gaw Yehowa hpe hkrit hkungga ai hte rau, tinang jaw ai sumla ni hpe daw jau nga ma ai; shanhte a kashu kasha ni mung, kaji kawa ni hte maren, dai ni du hkra, dai lam naw a galaw nga ma ai.

2 HKAWHKAM 19:37

Dai hpang shi gaw shi a Hpara Nisrok a nta hta nawku nga yang, shi a kasha Adramelek yan Shareze gaw shi hpe kahtam sat kau mu ai; shan gaw Ararat mung de hprawng mat wa nna, shi a kasha Eshadon, shi a malai hkaw dung nga ai.

EZRA 1:5

Dai rai nna, tinang a wenyi hta Karai Kasang a shamu shamawt hkrum ai Yuda amyu hte Ben-yamin amyu na dap lakung ni a agyi ni hte rau, hkinjawng ni hte Lewi masha ni nlang hte gaw, Yerusalem e nga ai Yehowa nta hpe galaw na matu rawt ma ai.

EZRA 2:2

Yerusalem kaw nna Yuda mung hta langai hte langai seng ai mare de du wa ai mung masha ni a jahpan rai nga ai. Israela kashu kasha ni a jahpan nambat gaw, ndai rai nga ai:

EZRA 3:12

Rai timung, asak kaba nna, shawng na nta hpe mu yu ai hkinjawng ni, Lewi Masha ni hte dap lakung ni a agyi ni gaw, ndai nta a npawt nhpang ni hpe mada yu yang, ja ja hkrap ngu hkrap ngoi nga ma ai: masha law law wa chyawm gaw kabu gara ai hte jahtau marawn ma ai:

EZRA 3:2

Shaloi Yozadak a kasha Yeshua hte shi a kahpu kanau hkinjawng ni mung, Shelatila a kasha Zerubabela hte shi a kahpu kanau ni mung, rawt nna, Karai Kasang a masha wa Mawshe a tara hta ka da nga ai hte maren, wan nat hkungga hpe nat nawng ya na matu, Israela Karai Kasang a tawn hkungri hpe de da mu ai.

NEHEMIA 9:32

“Dai re ai majaw, anhte a Karai Kasang, ga shaka shatup nna n-gaw nwai myit rawng ai, galu kaba ai, daru magam madun ai hte hkrit mai nga ai, Karai Kasang e, Asuri hkawhkam ni a aprat kaw nna, dai ni du hkra, anhte a ntsa e mung, anhte a hkawhkam ni, du ni, hkinjawng ni, myihtoi ni, ji wa ni hte amyu ting a ntsa e mung, du pru ai tsin-yam tsindam hte gaw, na a man e kaji nga ai zawn, n rai nga u ga.

SHAKAWN KUNGDAWN 73:8

Shanhte roi nna kashun kashe na lam tsun ma ai. Gumrawng gumtawng ga a tsun nga ma ai.

ESAIA 37:37

Bai Asuri hkawhkam Senahkerib gaw, dap brun mat wa nna, Ninewe mare de wa nhtang nga nga ai.

ESAIA 37:38

Dai hpang shi gaw shi a Hpara Nisrok a nta hta nawku nga yang, shi a kasha Adramelek yan Shareze gaw shi hpe kahtam sat kau mu ai; shan gaw Ararat mung de hprawng mat wa nna, shi a kasha Esahadon, shi a malai hkaw dung nga ai.

HOSEA 14:3

Asuri hkawhkam anhte hpe hkye hkrang la lu ai n rai; anhte gumra jawn na ga ai n rai: tinang a lata hte galaw ai arai hpe, ‘Nanhte gaw, anhte a hpara ni rai nga myit dai,’ nga nna htawm hpang de n tsun na saga ai: kaning rai nme law, chyahkrai nmai ni, nang hta chyu sha, matsan dum ai lu la na mara ai, ngu nna sa tsun mu.”

GALATI 2:4

Lagyim jashawn ai masu ai hpunau ni a majaw, dai lam ngai galaw nngai n rai; Hkristu Yesu hta e anhte lu la ai lawt wa ai lam hpe kin-yu yu nna, anhte hpe mayam shayam na shanhte shang wa ma ai;

2 TIMOHTI 3:8

Yanne yan Yambre gaw Mawshe hpe hkum shadang nga ai zawn, dai ni mung dai tengman ai lam hpe hkum shadang ma ai: shanhte gaw myit hten tsam mat wa nna, kamsham lam hta maju n jung ai masha rai nga ma ai.