EZRA 3:9 - Jinghpaw Hanson Version Bible

⁹ Dai rai nna, Yeshua hte shi a kashu kasha ni, kahpu kanau ni, Yuda amyu na Kadmiela hte shi a kasha ni, Lewi amyu Henada aru arat ni hte rau, Karai Kasang a nta hta amu galaw ai ni hpe woi awn na matu, myit langai sha hte rawt ma ai.

Jinghpaw Common Language Bible 2009

⁹ Lewi masha Yeshua hte shi a shadang sha ni, kahpu kanau jinghku ni, Kadmiela hte shi a shadang sha ni, (Hodawia amyu lakung ni) hte rau Nawku Htingnu bai gaw gap ai amu hta shang lawm let woi hpareng nga ma ai. (Shanhte hpe Henadad amyu lakung na Lewi masha ni karum la nga ma ai.)

EZRA 3:9 ပူးပေါင်းရင်းမြစ်များ

1 HKAWHKAM LABAU 23:4

Dai ni hta na, Yehowa a nta hta amu yu hpajang ai ni, mun lahkawng hkying mali rai nga ma ai; hkying kru hte gaw tara agyi ni hte salang ni;

2 HKAWHKAM LABAU 34:12

Amu galaw ai ni mung kangka ai myit hte galaw nga ma ai: amu galaw ai ni a ntsa e up nga ai ni gaw, Lewi amyu Merari a dap na Yahat yan Obadia; Kohat dap na Zehkaria yan Meshulam hte rai ma ai; shanhte gaw hpaawn ni rai nga nna, dum ai baw amyu myu dum let mahkawn mangoi chye ai Lewi masha ni mung lawm ma ai.

EZRA 2:40

Bai Lewi masha ni hta, Hodawia dap lakung na Yeshua yan Kadmiela kashu kasha ni gaw, sanit shi mali;

EZRA 3:8

Ya, Yerusalem mare e nga ai, Karai Kasang a nta de du ai, ni ning na shata lahkawng ngu na hta, Shelahtila kasha Zerubabela, Yozadak a kasha Yeshua hte, shanhte a kahpu kanau hkinjawng ni hte Lewi masha kaga hte hpawn, bawng dung ai kaw na pru nna, Yerusalem de lung wa ai ni hte mung masha ni nlang rawt nna, Yehowa nta na amu hpe up na matu, hkun ning kaw nna asak kaba ai Lewi masha ni hpe san tawn da mu ai.

NEHEMIA 3:24

Shi a hpang e, Henada a kasha Binui gaw, Azaria nta kaw nna bunghku magaw ai mare jut du hkra, daw mi lajang wu ai.

NEHEMIA 7:43

Bai, Lewi masha ni hta, Hodewa dap lakung na Yeshua yan Kadmiela kashu kasha ni gaw, sanit shi mali;