EZRA 3:2 - Jinghpaw Hanson Version Bible

² Shaloi Yozadak a kasha Yeshua hte shi a kahpu kanau hkinjawng ni mung, Shelatila a kasha Zerubabela hte shi a kahpu kanau ni mung, rawt nna, Karai Kasang a masha wa Mawshe a tara hta ka da nga ai hte maren, wan nat hkungga hpe nat nawng ya na matu, Israela Karai Kasang a tawn hkungri hpe de da mu ai.

Jinghpaw Common Language Bible 2009

² Yehozadak a kasha Yawshu, shi a hkinjawng manang ni, Shelatila a kasha Zerubabela hte rau shi a kahpu kanau jinghku ni gaw Israela a Karai Kasang a tawn hkungri bai galaw ma ai rai nna, Karai Kasang a masha Mawshe a Tara Laika hta ka matsun da ai hte maren, tawn hkungri ntsa e shagu hkungga ni nat ma ai.

EZRA 3:2 ပူးပေါင်းရင်းမြစ်များ

NINGPAWT NINGHPANG 12:7

Shaloi Yehowa gaw Abram kaw dan pru nna, “Ndai mung hpe na a amyu matu ni e ngai jaw na we ai,” ngu wu ai. Dai majaw shi kaw dan pru ai Yehowa a matu, dai shara e tawn hkungri shi galaw wu ai.

1 HKAWHKAM LABAU 23:14

Karai Kasang a masha wa Mawshe a shadang sha ni gaw, Lewi amyu hta hti lawm ma ai.

1 HKAWHKAM LABAU 3:17

Bawng dung hkrum ai Yehkonia shadang sha ni gaw Shalatela,

1 HKAWHKAM LABAU 3:19

Pedaia a shadang sha yan gaw, Zerubabela hte Shime rai ma ai. Zerubabela shadang sha ni gaw Meshulam yan Hanania; bai,

2 HKAWHKAM LABAU 6:6

nga nna nye wa Dawi hpe n-gup ga hte tsun nhtawm, shi a lata hte dai ga hpe shadik ya ai, Israela Karai Kasang Yehowa gaw a nga u ga law

EZRA 10:18

Ya, hkinjawng kashu kasha ni hta, maigan num la ai ni gaw, Yeshua dap na Yozadak a kasha hte shi a kanau ni Maseia, Elieze, Yarib, Gedalia hte rai ma ai.

EZRA 10:20

Bai, Imera kashu kasha ni hta na, Hanani yan Zebadi;

EZRA 10:21

Harim a kashu kasha ni hta na, Masia, Elia, Shemaia, Yehiela, Uzia;

EZRA 10:22

Pashura kashu kasha ni hta na, Elionai, Masia, Ishmaela, Nehtanela, Yozaba, Elasa hte rai ma ai.

EZRA 2:2

Yerusalem kaw nna Yuda mung hta langai hte langai seng ai mare de du wa ai mung masha ni a jahpan rai nga ai. Israela kashu kasha ni a jahpan nambat gaw, ndai rai nga ai:

EZRA 3:8

Ya, Yerusalem mare e nga ai, Karai Kasang a nta de du ai, ni ning na shata lahkawng ngu na hta, Shelahtila kasha Zerubabela, Yozadak a kasha Yeshua hte, shanhte a kahpu kanau hkinjawng ni hte Lewi masha kaga hte hpawn, bawng dung ai kaw na pru nna, Yerusalem de lung wa ai ni hte mung masha ni nlang rawt nna, Yehowa nta na amu hpe up na matu, hkun ning kaw nna asak kaba ai Lewi masha ni hpe san tawn da mu ai.

EZRA 5:2

Dai rai nna Shelatila kasha Zerubabela yan Yozadak a kasha Yeshua rawt nna, Yerusalem mare e nga ai Karai Kasang a nta hpe galaw hpang ma ai: shan hpe shingtau na matu, Karai Kasang a myihtoi yan mung lawm nga ma ai.

NEHEMIA 12:1

Da ndai hte gaw, Yeshua kashu, Shelatila kasha Zerubabela hte rau lung wa ai hkinjawng ni hte Lewi masha ni rai nga ma ai: Seraia, Yeremia, Ezra,

NEHEMIA 12:8

Bai, Lewi masha ni gaw, Yeshua, Binui, Kadmiela, Sherebia, Yuda hte, kahpu kanau ni hte rau mahkawn mangoi amu gun hpai ai Matania rai nga ma ai.

SHAKAWN KUNGDAWN 78:68

Yuda amyu hte, shi tsawra nga ai, Ziun bum hpe, shi san da wu ai.

PRU MAT 27:1

“Tawn hkungri hpe mung marau hpun hte nang galaw lu na rai ndai: de a galu de dawng manga, nda de dawng manga di nna, dingdung dingda maren rai na rai nga ai: de a tsaw de dawng masum rai na rai nga ai.

HAGI 1:1

Dari hkawhkam hkaw dung ai, ni ning na shata kru a shawng shani e, myihtoi Hagi a n-gup hte, Yehowa mungga gaw, Yuda munggyi Shelatila kasha Zerubabela hte Yehozadak a kasha, hkinjawng agyi Yoshua hpang de du nna,

HAGI 1:12

Shaloi Shelatila kasha Zerubabela hte, Yehozadak a kasha, hkinjawng agyi Yoshua gaw, naw ngam nga ai mung masha ni mahkra hte rau, tinang a Karai Kasang a Yehowa ga hpe mung, tinang a Karai Kasang Yehowa shangun dat ai, myihtoi Hagi a ga hpe mung, madat mara nga nna, mung masha ni gaw Yehowa man e hkrit gari nga ma ai.

HAGI 1:14

Shing rai Yehowa gaw, Yuda munggyi, Shelatila kasha, Zerubabela a wenyi hpe mung, Yehozadak a kasha, hkinjawng agyi Yoshua wenyi hpe mung, naw ngam nga ai mung masha ni mahkra a wenyi hpe mung, jasu nna, shanhte gaw,

HAGI 2:21

Yuda munggyi Zerubabela hpe htawn tsun u: Ngai gaw sumsing lamu hte ginding aga hpe ashun na nngai:

HAGI 2:23

Zaw nawng zaw wa up ai Yehowa ning nga ai: Nye a shangun ma, Shelatila kasha, Zerubabela e, ndai shani e ngai nang hpe woi la nna, nye a dazik lachyawp zawn san da na nngai, nga nna Yehowa tsun ai: kaning rai nme law, ngai nang hpe lata la ni ai, nga nna, Zaw nawng zaw wa up ai Yehowa tsun ai.

ZEHKARIA 3:1

Bai shi gaw, hkinjawng agyi kaba Yoshua gaw Yehowa a lamu kasa a man e tsap nga ai hpe mung, Satan gaw shi hpe mara shagun na matu, shi a hkra maga e tsap nga ai hpe mung, ngai hpe madun nngai.

ZEHKARIA 3:8

Hkinjawng agyi Yoshua e, nang hte na a man e dung nga ai manang ni, madat mara mu; shanhte gaw kumla tai ai masha rai nga ma ai: kaning rai nme law, yu mu, nye a shangun ma ngu ai, Makrung hpe, ngai paw pru shangun na nngai.

ZEHKARIA 6:11

gaja wa, shanhte kaw na, aja gumhpraw la nna, ja janmau ni galaw nhtawm, Yehozadak a kasha, hkinjawng agyi Yoshua baw hta shagup mu:

BU HKAWM 28:2

“Israela kashu kasha ni hpe ning ngu hkang dat u: ‘Nye a matu manam pyaw sangau shatai na, nye a shat ngu na wan hte nat nawng ai kumhpaw kumhpa ni hpe madat da ai ladaw hta nanhte nawng jau na rai myit dai.'

LUKA 3:27

Yoda gaw Yawhan a kasha; Yawhan gaw Resa a kasha; Resa gaw Zerubabela a kasha; Zerubabela gaw Salahtila a kasha; Salahtila gaw Neri a kasha;

TARA AGYI 6:24

Dai rai nna Gidon gaw dai yang e Yehowa a matu tawn hkungri gaw nna, Yehowa-shalom ngu nna shamying wu ai: dai gaw, dai ni du hkra, Abiezara kasha ni a Sali Ohpra shara e naw nga nga ai.