EZRA 3:1 - Jinghpaw Hanson Version Bible

¹ Ya shata sanit du nna, Israela kashu kasha ni gaw, tinang a mare ni hta nga ma yang, shanhte gaw lang lata sha Yerusalem mare de zuphpawng ma ai.

Jinghpaw Common Language Bible 2009

¹ Israela amyu masha ni gaw shata sanit hta shanhte a kahtawng ni hkan yawng nga nga ma ai. Dai hpang shanhte yawng Yerusalem hta zup hpawng nga ma ai.

EZRA 3:1 ပူးပေါင်းရင်းမြစ်များ

NEHEMIA 7:72

Naw ngam nga ai masha ni mung, ja den-ga mun lahkawng, gumhpraw joi hkying lahkawng, hkinjawng hpun palawng kru shi sanit bang da ma ai.

NEHEMIA 7:73

Shing rai, hkinjawng ni, Lewi masha ni, chyinghka sin ai ni, mahkawn mangoi chye ai ni, mung masha nkau mi, Nehtinim masha ni hte Israela amyu ting, tinang a mare ni hta nga nga ma ai. Ya shata sanit du ma yang, Israela kashu kasha ni gaw, tinang a mare ni hta de nga ma ai.

NEHEMIA 8:1

Shaloi jang, shawa hpawng ting hka chyinghka ndaw na dam lada ai shara hta myit langai sha hte sa hpawng nna, “Yehowa gaw Israela hpe hkang tawn da ai Mawshe a tara laika hpe la sa rit,” ngu nna chyare wa Ezra hpe hpyi mu ai.

NEHEMIA 8:14

Shing rai, shata sanit hta e, Israela kashu kasha ni gaw, sumpoi galaw na matu, tara laika hta ka da nga ai hte maren, Yerusalem mare hta e mung mare shagu hta e mung,

JAW JAU 16:29

Nanhte tutnawng hkan nga na matsun ndai rai nga ai: nanhte hkum nan rai timung, nanhte kaw shingbyi nga ai amyu kaga wa rai timung, shata sanit hta na nhtoi shi ya e hpa amu bungli mung n galaw ai sha, tinang a myit masin hpe shagrit let ban nga na rai mu ai:

JAW JAU 23:24

Israela kashu kasha ni hpe ning ngu tsun mu: Shata sanit hta langai ya ngu na shani gaw, nanhte a matu simsa nga na nhtoi hte, dum hprang let kabu gara nga na chyoi pra ai zuphpawng nhtoi rai malit dai.

ZEHPANI 3:9

“Dai hpang e, amyu baw ni mahkra gaw, Yehowa amying hpe shaga nna, myit langai sha hte shi hpe daw jau lu hkra, ngai shanhte hpe san seng ai n-gup jaw na nngai.

KASA 2:46

Shani shagu myit langai sha hte nawku Htingnu hta shanhte htep lahti machyu nga nna, tinang a nta e muk ahkyep karan nga yang,

KASA 4:32

Dai kamsham ai shawa hpung ting gaw myit mang langai sha rai nga ma ai: kadai mung tinang lu ai arai hpe nye a, n nga ai sha, yawng mayawng hpe jawm lang ma ai.

1 KORINHTU 1:10

Hpunau ni e, nanhte nlang hte gaw ga langai sha tsun nga nna, nanhte hta e hka wa bra wa na lam n nga ai sha, myit mang langai sha hte mung sumtu langai sha hta e nanhte hkum tsup lu myit ga, anhte a Madu Yesu Hkristu a amying ningsang a marang e, ngai nanhte hpe shadut jahkat dat made ai.

TARA JAHPRANG 16:16

Laning mi hta masum lang ngu na, azuma poi, bat sanit poi, sum poi re ai aten ni hta, nanhte hta na lasha ni nlang hte gaw, na a Karai Kasang Yehowa san da ai shara, shi a man e myi man madun lu na rai myit dai: dai shaloi e kadai mung Yehowa man de kaman dawng pru lu na n rai:

TARA AGYI 20:1

Dai re ai majaw, Israela amyu masha ni nlang hte gaw, Gilead mung na ni hte rau lang lata rawt nna, Dan mare kaw nna Berasheba du hkra shawa masha nlang langai hkum sha zawn Mizpa mare e Yehowa man e zuphpawng nga ma ai.