EZRA 2:1 - Jinghpaw Hanson Version Bible

¹ Da ndai gaw, Babelon hkawhkam Nebuhkadneza, Babelon mare de rim wa ai bawng dung ai ni hta na pru wa nna, Zerubabela, Yeshua, Nehemia, Seraia, Relaia, Mordehkai, Bilshan, Mispa, Biggwai, Rehum, Bana hte rau,

Jinghpaw Common Language Bible 2009

¹ Bawng dung ai masha law law hte gaw Babelon mungdaw hta na pru wa nhtawm Yerusalem mare hte Yuda mung de nhtang wa nna tinang nang a mare de wa shajang ma ai. Shanhte a dinghku ni gaw Hkawhkam Nebuhkadneza shanhte hpe bawng masha ni hpe zawn rim mat wa ai shani kaw nna, Babelon mung e bawng dung hkrum let nga nga sai ni rai ma ai.

EZRA 2:1 ပူးပေါင်းရင်းမြစ်များ

2 HKAWHKAM 25:11

Sin langa ni a hpyen du Nebuzaradan gaw, mare kata e naw ngam nga ai ni hte, Babelon hkawhkam hpang de rap wa ai ni hpe mung, naw ngam nga ai yu maya ni hpe mung, bawng dung shangun mu ai.

1 HKAWHKAM LABAU 9:1

Shing rai Israela masha ni yawng amyu mi hte amyu mi ka da nga masai; yu mu, shanhte gaw Israela hkawhkam ni a ahtik labau laika hta ka da nga ma ai: Yuda amyu gaw tinang a yubak mara majaw Babelon mung de bawng woi wa ai hkrum ma ai.

1 HKAWHKAM LABAU 9:2

Shanhte a mare ni hte madu lu ai lamu ga hta shawng nga ai ni gaw, Israela masha ni, hkinjawng ni, Lewi masha ni hte Nehtinim ni rai nga ma ai.

EZRA 1:11

Shing rai aja gumhpraw arai ni yawng, hkying manga mali tsa rai nga ai. Bawng dung ai ni gaw, Babelon mare kaw nna, Yerusalem mare de bai wa ma yang, Shebaza gaw dai rai ni mahkra hpe shanhte hte rau la wa wu ai.

EZRA 2:2

Yerusalem kaw nna Yuda mung hta langai hte langai seng ai mare de du wa ai mung masha ni a jahpan rai nga ai. Israela kashu kasha ni a jahpan nambat gaw, ndai rai nga ai:

EZRA 2:70

Shing rai hkinjawng ni, Lewi masha ni, mung masha ni nkau mi, mahkawn mangoi chye ai ni, chyinghka sin ai ni hte Nehtinim masha ni gaw, tinang a mare ni hta mung, Israela masha ni yawng, tinang a mare ni hta mung, nga nga ma ai.

EZRA 5:8

Anhte gaw Yuda mungdaw na galu kaba re ai Karai Kasang a nta de du nna, ndai nta hpe nlung kaba hte gaw da nna, bunghku ni hta ngau mung mara da nga ai: dai amu hta shanhte shakut sharang nna, dai gaw shanhte a lata hta kaba wa nga ai gaw, hkawhkam wa chye matsing u ga.

EZRA 6:2

Shing rai Medi mungdaw na Akmehta htingnu hta e laika katsu langai mi shanhte mu hkrup mu ai. Dai laika hta, matsing na matu ka da ai ga ni gaw:

EZRA 8:35

Dai hta kaga, bawng dung kaw na pru wa lu ai, bawng lawt ai kashu kasha ni gaw, Israela amyu ting a matu, usu shi lahkawng sagu la jahku shi kru, sagu kasha sanit shi sanit; mara raw na hkungga matu, namla shi lahkawng hte Israela Karai Kasang hpe wan nat hkungga nawng ya mu ai: dai nlang hte gaw, Yehowa matu wan nat hkungga rai nga ai.

NEHEMIA 12:1

Da ndai hte gaw, Yeshua kashu, Shelatila kasha Zerubabela hte rau lung wa ai hkinjawng ni hte Lewi masha ni rai nga ma ai: Seraia, Yeremia, Ezra,

ESHTA 1:1

India mung kaw nna, Hkusha mung du hkra, mungdaw latsa e hkun sanit a ntsa e up ai hkawhkam Ahasuru a lakhtak e,

ESHTA 1:11

hkawhkam janmau gup let, hkawhkam wa hpang de jashawn na lam, Mehuman, Bizhta, Harabona, Bighta, Abaghta, Zehtara, Hkarahka ngu ai, unuk masha marai sanit hpe hkang da mu ai: kaning rai nme law, shi gaw grai ahpraw tsawm ai num rai nga ai.

ESHTA 1:3

shi hkaw dung ai masum ning hta e, shi a du salang ni hte ali ama ni mahkra a matu poi galaw nga ai Persi, Medi hpyen du ni, mungdaw ni a agyi salang ni hte du ni gaw, shi a man e nga nga ma ai:

ESHTA 1:8

Tsabyi lu ai lam gaw htung hte maren rai nga ai; kadai hpe mung shagwi jaw lu na n rai; langai hte langai tinang ra ai hku daw jaw na lam, hkawhkam wa gaw shi a bu ni hte ali ama ni hpe hkang da mu ai.

ESHTA 8:9

Shaloi shata masum ngu na, Siwan shata nhtoi hkun masum ya e, hkawhkam wa a chyare ni hpe shaga la nhtawm, Mordehkai hpa lam hkang dat mayu ai hte maren, India mung kaw nna, Hkusha mung du hkra rai nga ai, mungdaw latsa e hkun sanit hta de nga ai Yuda masha ni, hpyen du ni, munggyi ni hte du salang ni mahkra hpang de, mungdaw langai hte langai a laika ka ai hku, amyu langai hte langai a ga tsun ai hku, Yuda masha ni a laika ka ai hku hte ga tsun ai hku hkan nna, ga shabra dat mu ai.

ESAIA 48:20

Babelon mare na pru wa mu, Hkalde a masha ni kaw na hprawng wa mu: mahkawn mangoi ai nsen hte, Yehowa gaw shi a shangun ma Yaku hpe hkye hkrang la nu ai, nga nna lamu ga htum hkra tsun shabra mu.

YEREMIA 50:19

Dai hta kaga ngai gaw Israela amyu hpe tinang a udat shara de nhtang wa shangun na nngai: shi gaw Hkarmela hte Bashan bum ga ntsa e ushat sha nna, Ehprim hte Gilead ginwang e, shi a myit masin hkru kat na ra ai.

SHARUNG SHAYAWT 1:3

Yuda gaw nni nkri hte mayam amu kaba hkrum ai majaw, bawng dung wa sai; Shi gaw maigan amyu ni hta dung nna, gan ga lu na n rai: Hkan shachyut ai ni yawng, gyip ai shara e shi hpe dep mu ai.

SHARUNG SHAYAWT 1:5

Shi law la ai yubak a lam, Yehowa shi hpe ari jaw ai majaw, Shi hpe n dawng ai ni baw tai wa nna, shi hpe hpyen ai ni galu kaba wa ma ai: Shi a ma kaji ni hpe mung, hpyen ni bawng rim wa manu ai.

SHARUNG SHAYAWT 4:22

Ziun shayi sha e, na yubak majaw nang hkrum ging ai ari ahpri htum sai; htawm hpang de shi nang hpe bawng dung shangun sa na, n rai. Edom shayi sha e, na a shut hpyit ai hpe shi sawk yu nna, na a yubak hpe shadawng dan na ra ai.

ZEHPANI 2:7

Dai hkin-gau gaw, naw ngam nga ai Yuda nta masha ni a matu tai na ra ai: shanhte gaw dai yang e tinang a sagu hpung ni hpe shayaw nna, shana du jang dai ni gaw, Ashkelon mare na nta ni hta hpum nga na mara ai: kaning rai nme law shanhte a Karai Kasang Yehowa gaw, shanhte hpe kawan katsan yu nna, bawng dung ai ni hpe woi nhtang wa na ra ai.

KASA 23:34

Shaloi laika dai hti ngut jang, Pawlu gara mung na re ai san yu nna, Kiliki mung na re ai chye jang,