EZRA 10:9 - Jinghpaw Hanson Version Bible

⁹ Dai re ai majaw Yuda hte Ben-yamin mung na lasha ni nlang hte gaw, masum ya laman e Yerusalem mare hta zuphpawng nga nna, shata jahku a hkun ya shani hta e, mung masha ni nlang hte gaw, Karai Kasang a nta dam lada ai ndaw e dung nga let, dai amu a majaw mung, marang kaba htu ai majaw mung, kari kawa rai nga ma ai.

Jinghpaw Common Language Bible 2009

⁹ Masum ya laman ngu na shata jahku a hkun ya shani e, Yuda hte Benyamin lamu ga hta nga nga ai lasha ni yawng Yerusalem mare de sa nna, Nawku Htingnu a dam lada ai ndaw yang e zup hpawng ma ai. Shaloi, du hkra ladaw a majaw marang ja ja htu nga ai rai nna ahkyak ai zuphpawng hta shang lawm nga ai masha shagu hte wa gari ashun nga ma ai.

EZRA 10:9 ပူးပေါင်းရင်းမြစ်များ

EZRA 10:10

Shaloi hkinjawng Ezra rawt nna, “Nanhte shut hpyit nna, Israela yubak shalaw ai du hkra, maigan amyu num ni hpe hkungran la manu hka.

EZRA 10:3

Dai re ai majaw, nang madu mung, anhte a Karai Kasang a hkang da ai ga hpe hkrit kamyin ai ni mung, anhte hpe hpaji daw ya ai hte maren, anhte a kasha kanu ni mahkra hte shanhte shaprat ai kashu kasha ni hpe kau tawn da na matu, anhte a Karai Kasang a man e ga shaka tawn da ga: dai hpe tara hte maren galaw ga.

EZRA 10:8

du ni hte agyi salang ni hpaji daw ai hte maren masum ya laman e n du ai wa kadai hpe, shi lu malu sum wa na hte, shi hkum nan bawng lawt ai ni a hpung na shapraw kau ai hkrum na ra ai,” ngu nna htet da ai ga shabra dat mu ai.

EZRA 9:4

Shaloi bawng dung hkrum ai ni a yubak majaw, Israela Karai Kasang a mungga hpe hkrit kamyin ai ni nlang hte gaw, nye a man e hpawng nga nna, ngai gaw shana na dumhpung hkungga jaw na aten du hkra, myit mak let dung nga nngai.

ESHTA 2:16

Shing rai hkawhkam Ahasuru hkaw dung ai sanit ning na, Tebet ngu ai shata shi hta, Eshta hpe shi a hkawhkam htingnu hta shi hpang de jashawn la wu ai;

YEREMIA 10:10

Yehowa chyawm gaw tengman ai Karai Kasang rai nga ai; shi gaw ahkrung nga ai Karai Kasang hte, htani htana hkawhkam rai nga ai; shi pawt sindawng yang, lamu ga gari kawa nga ai; shi myit kahtet ai hpe, amyu baw ni n hkam lu ma ai.

YEREMIA 10:13

shi nsen shangoi dat yang, sumsing lamu hta e hka hpung ni wu kadu nna, lamu ga htum ai kaw na salu rawt nga ai; marang htu ai hte rau myihprap gala nga ai; nbung hpe mung shi a sutdek na shapraw dat wu ai.

YEREMIA 36:22

Ya shata jahku rai nga ai majaw, hkawhkam wa gaw kashung ta e rawng ai nta hta dung nga nna, shi a man e wanban hta wan grung nga ai.