EZRA 1:1 - Jinghpaw Hanson Version Bible

¹ Ya Yeremia htawn tsun ai Yehowa ga dik wa na matu, Persi hkawhkam hkaw dung ai shawng shaning hta e, Yehowa gaw shi a myit masin hpe shamu shamawt ya nna, shi gaw shi a mungdan ni mahkra hproi hkra hkang dat ai laika shabra dat nna,

Jinghpaw Common Language Bible 2009

¹ Persi hkawseng Kuru hkaw dung ai shawng shaning hta e, myihtoi Yeremia hku tsun nu ai dai Madu a mungga gaw dik wa nga sai. Shi gaw ndai hkang da ai ga hpe ning ngu ka shapraw nhtawm shi up ai mungdan shara shagu hkan hproi hkra ja ja hti ndau na matu Kuru hpe kalang lata galaw shangun wu ai:

EZRA 1:1 ပူးပေါင်းရင်းမြစ်များ

YEREMIA 29:10

Bai Yehowa ning nga ai: Babelon mare hta sanit shi ning ladu hkrum jang, ngai nanhte hpe kawan katsan yu na nngai; ngai tawn da ai ga sadi hpe ngai nanhte a matu shadik nna, ndai ga de nanhte hpe bai wa shangun na nngai.

GA SHAGAWP 21:1

Hkawhkam a myit masin gaw, hka shi hka gai zawn, Yehowa a lata hta rawng nga nna, Shi myit ra ai hte maren shalen dat wu ai.

EZRA 7:27

Yerusalem mare e nga ai Yehowa nta hpe shatsawm na matu, hkawhkam wa a myit shadut ya ai hte, hkawhkam wa, shi a agyi salang ni hte daru magam rawng ai hkringmang ni mahkra a man e ngai hpe myi man pa shangun ai, ji wa ni a Karai Kasang Yehowa gaw a nga u ga law.

SHAKAWN KUNGDAWN 106:46

Shanhte hpe rim mat wa ai ni hpe mung, Matsan dum chye na lam, hpaw ya mu ai.

EZRA 6:22

kabu gara myit hte sanit ya tup matsi n rawng ai muk poi sha ma ai: kaning rai nme law, Yehowa gaw shanhte hpe kabu shangun nna, Israela Karai Kasang a nta hpe galaw lu hkra, shanhte a lata hpe n-gun shaja ya na nga, Asuri hkawhkam a myit masin hpe shanhte hpang de kayin shangun wu ai.

Daniela 2:1

Nebuhkadneza gaw, shi hkaw dung ai ni ning hta e, yup mang mu nna, myit ung ang ai majaw, yup n lu sha nga ai.

YAWHAN 1:23

“Ngai gaw, myihtoi Esaia htawn tsun ai hte maren, ‘Dai Madu a lam shading mu,’ nga nna nam e jahtau ai wa a nsen rai nga nngai,” ngu mu ai.

EZRA 1:5

Dai rai nna, tinang a wenyi hta Karai Kasang a shamu shamawt hkrum ai Yuda amyu hte Ben-yamin amyu na dap lakung ni a agyi ni hte rau, hkinjawng ni hte Lewi masha ni nlang hte gaw, Yerusalem e nga ai Yehowa nta hpe galaw na matu rawt ma ai.

EZRA 4:3

Zerubabela yan Yeshua hte Israela dap lakung ni a agyi kaga ni mahtang, “Anhte a Karai Kasang a matu nta galaw na, nanhte gaw anhte hta lawm mai ai, n rai: Persi hkawhkam Kuru hkang da ai hte maren, Israela Karai Kasang Yehowa a matu anhte hkrai galaw na ga ai,” ngu nna shanhte hpe tsun mu ai.

EZRA 6:3

“Kuru hkawhkam hkaw dung ai shaning hta e ning ngu hkang dat wu ai: ‘Yerusalem mare na, shanhte shagu hkungga nawng ya ai shara hta, Karai Kasang a nta hpe bai de da mu ga; de a npawt nhpang ni ngang ngang hkang hkang gaw da mu ga: de a tsaw de dawng kru shi, nda de dawng kru shi rai nna,

EZRA 6:14

Yuda agyi salang ni mung, myihtoi Hagi yan Yido a kasha Zehkaria hkaw tsun ai ga majaw, dai nta hpe galaw nna awng wa ma ai. Shanhte gaw, Israela Karai Kasang a htet da ai ga majaw mung, Persi hkawhkam Kuru, Dari, Artahkere hkang dat ai ga majaw mung, dai nta hpe galaw shangut mu ai.

ESAIA 44:28

Kuru hkawhkam hpe lakap nna, Shi gaw nye a sagu ni hpe rem ai wa rai nga ai; ngai ra mara shi shadik ya nna, Yerusalem mare hpe bai dè da mu ga, nawku Htingnu a npawt nhpang ni gaw da mu ga, nga nna shi hpe tsun shangun ai Yehowa nan ngai rai nga nngai,” nga ai.

YEREMIA 1:1

Yuda hkawhkam, Amon a kasha, Yoshia hkaw dung ai shi masum ning hta e mung;

EZEKELA 38:5

Persi, Hkusha hte Put masha ni yawng, n-gang lang ai hte hpri gup chyawp chyawp let, shanhte hta lawm ma ai:

Daniela 6:25

Dai hpang Dari hkawhkam gaw, ga ntsa ting hta e shanu nga ai amyu baw ni hte, ga amyu myu tsun ai masha yawng hte hpe laika ka nna, “Nanhte hta ngwipyaw ai gaw, law htam wa u ga law:

Daniela 9:2

ngai Daniela gaw laika ni hpe sawn yu yang, Yerusalem mare hten byak nna, sanit shi ning lai wa u ga, nga nna myihtoi Yeremia kaw du ai Yehowa a mungga majaw, ndai shaning ni a nambat hpe, ngai chye na lu nngai.

ESAIA 45:1

Yehowa gaw, shi a namman chya ya ai wa, Kuru hkawhkam hpe sha-ang nna ning nga tsun ai: Masha amyu ni hpe shi a man e shagrit kau nna, hkawhkam ni a shingkyit hpe ngai raw kau na matu mung, shi a man e chyinghka ni hpaw malang da nna, mare chyinghka ni n la da na matu mung, ngai gaw shi a lata hpe shadaw ya se ai:

Daniela 1:21

Daniela chyawm gaw, Kuru hkawhkam hkaw dung ai shawng shaning du hkra, nga nga ai.