EZEKELA 9:6 - Jinghpaw Hanson Version Bible

⁶ dingla hpe mung, shabrang wa hte mahkawn, ma kaji hte numsha ni hpe atsai awai shaza kau timung, mahkret matsing ai wa langai mi hpe muk, hkum hkra et; dai amu hpe nye a Chyoi pra ai shara hta galaw hpang u,” nga nna tsun ai ngai na nngai. Shing rai shanhte gaw Nta ndaw e nga ai salang ni hpe shawng sat kau mu ai.

Jinghpaw Common Language Bible 2009

⁶ Dingla ni hte shabrang ni hpe mung, mahkawn ni hte kanu ni, ma kaji ni hpe htau sat kau mu. Rai ti mung, kahtan ntsa e masat shakap da hkrum ai ni kadai hpe mung hkum hkra myit. Dai amu hpe nye Nawku Htingnu shara hta galaw hpang mu,” ngu nna tsun ai ga hpe ngai na nngai. Shanhte gaw dai Nawku Htingnu ndaw e tsap nga ai ningbaw ni hpe shawng sat hpang ma ai.

EZEKELA 9:6 ပူးပေါင်းရင်းမြစ်များ

NINGPAWT NINGHPANG 4:15

Shaloi Yehowa gaw, “Ka-in hpe sat ai wa kadai rai timung yubak ari htam sanit hkrum lu na re ai,” ngu nna shi hpe tsun nhtawm, ka-in hpe mu hkrup ai kadai mung shi hpe n sat u ga, Yehowa gaw shi a matu masat shakap ya wu ai.

2 HKAWHKAM LABAU 36:17

Dai re ai majaw shi gaw Hkalde a hkawhkam hpe shanhte hpang de shangun dat nna, dai wa gaw, shanhte a chyoi pra ai nta kata e shanhte a shabrang ni hpe sat kau nna, brang ram ni hte mahkawn ni hpe mung, aprat kaba ai hte gumgai dingla ni hpe pyi matsan n dum nga ai: shi gaw yawng mayawng hpe shi a lata hta ap kau mu ai.

PRU MAT 12:23

“Kaning rai nme law, Egutu masha ni hpe ari jaw na nga, Yehowa dinghkren mat wa na ra ai: dai hkanoi hte hkadun daw yan hta na sai hpe mu jang, Yehowa dai chyinghka hpe lai kau da na wu ai rai nna, jahten shabya ai wa gaw nanhte hpe jahten na, nanhte a nta hta shang lu na ahkang shi jaw na wu ai n rai.”

YEREMIA 16:6

Mung masha kaji kaba si na mara ai; shanhte hpe lup makoi na, n rai; shanhte a matu kadai mung sharung shayawt na, n rai, tinang hkum hpe jahpye na, n rai, tinang kara hpe mung rep kau na, n rai:

YEREMIA 25:29

nye a amying mying ai mare hpe ngai ari jaw hpang yang, nanhte gaja wa lawt lu na myit ni? nanhte lawt lu na n rai; ga ntsa ting hta nga ai ni mahkra ntsa e, ngai nhtu shapraw na nngai, nga nna Zaw nawng zaw wa up ai Yehowa tsun ai, ngu nna shanhte hpe htawn tsun mu.

YEREMIA 44:7

Dai re ai majaw, Israela Karai Kasang, Zaw nawng zaw wa up ai Karai Kasang Yehowa, ya, ning nga ai: Nanhte gaw tinang hkum hpe shaza kau na matu mung, ga ntsa amyu baw ni hta dagam dala hte shatan nhkan shara tai na matu mung,

YEREMIA 44:8

nanhte sa shingbyi nga ai Egutu mung hta, hpara kaga ni hpe manam pyaw ai baw nat nawng ya let, tinang lata galaw ai amu hte ngai hpe pawt sindawng shangun ai majaw, nanhte hta langai mi n ngam nga lu na matu, Yuda amyu lasha, numsha, ma kaji ni hte chyu chyu ai ma chyangai ni mahkra hpe shaza kau hkra, ndai yubak kaba hpe, tinang myit masin hta, hpa majaw galaw nga myit ta?

YEREMIA 6:11

Dai re ai majaw, Yehowa a myit kahtet ai hte ngai hpring nga nngai; naw sharang nga lu ai n rai; “Mare lam e nga ai ma ni a ntsa e mung, zuphpawng nga ai shabrang ni a ntsa e mung, dai hpe ru dat u: madu wa hte madu jan mung, aprat kaba ai hte dingla ugut gu ai ni mung, rim la ai hkrum na mara ai.

YEREMIA 9:21

Kaning rai nme law, si du gaw anhte a hkuwawt hku lung nna, anhte a htingnu ni hta shang nhtawm, ma kaji ni hpe ndaw hkan, shabrang ni hpe mare htingwan hkan e shaza kau manu ai.

EZEKELA 11:1

Dai hpang wenyi gaw ngai hpe pawn let, sinpraw maga de man yawng ai, Yehowa nta sinpraw chyinghka lam de ngai hpe woi wa nngai: shaloi, yu u, dai chyinghka lam e marai hkun manga rai nga nna, shanhte hta Azura kasha Yazania hte Benaia kasha Pelatia lawm nga ma ai: shan gaw mung du rai nga ma ai.

EZEKELA 9:4

Yehowa gaw, “Yerusalem mare ka-ang hku lai wa nna, mare kata e galaw ai matsat shabat amu majaw madai nna, hkrap ngu hkrap ngoi ai ni a lahtan hpe, mahkret matsing u,” ngu nna shi hpe tsun wu ai.

EZEKELA 9:5

“Dai marai kru hte hpe mung, Ndai wa hpang e mare hku ga wa let, kahtam sat kau mu; nanhte a myi lahpawt dum na n rai; matsan mung hkum dum myit:

AMO LAIKA (AMOS) 3:2

nga nna Egutu mung na woi shapraw ai amyu ting hpe lakap sha-ang nna, Yehowa tsun ai ga hpe madat mara la mu.

LUKA 12:47

Tinang madu a myit chye da ninglen, madu a myit hku n hkan, chyip chyip rai n hkyen nga ai mayam kadai rai timung, anu ajin di ai, law hkrum na ra ai.

TARA JAHPRANG 2:34

Dai shaloi e shi a mare nga manga anhte kashun la nna, mare ninghkrin nlang hte hta na, numsha, lasha, ma kaji yawng hpe atsai awai hpya kau gaw ai; langai mi muk ngam da ga ai n rai:

TARA JAHPRANG 3:6

Hesbon hkawhkam Sihon hpe di ai zawn, dai mare ni hpe mung, anhte di gaw ai: mare ninghkrin nlang hte hta na, numsha, lasha, ma kaji yawng hpe atsai awai hpya kau gaw ai.

TARA JAHPRANG 32:23

Shanhte a ntsa e ari zinli ngai dat dat na we ai, Nye a pala shanhte hta sharut bun na we ai.

2 TIMOHTI 2:19

Rai timung, Dai Madu gaw shi hte seng ai ni hpe chye ginhka ai, nga nna mung, Dai Madu a amying mying ai ni nlang hte gaw, n ding n hpring ai hpe koi gam mu ga, nga nna mung, dazik sakse kap nga ai Karai Kasang a ngang kang ai npawt nhpang gaw, agrin nga ai.

SHINGRAN 14:4

Dai ni gaw numsha hte awu asin n rai yu ai ni rai nga ma ai; shanhte gaw hkawn jet zawn rai nga ma ai; shanhte gaw Sagu Kasha sa wa ai shara shagu de hkan nang ai ni rai nga ma ai; dai ni gaw, Karai Kasang a matu mung, Sagu Kasha a matu mung, shawng si ai asi tai mu ga nga, shinggyim masha ni hta na mari la ai ni rai nga ma ai:

SHINGRAN 7:3

nga nna lamu ga hte nammukdara hpe zingri na ahkang lu ai lamu kasa mali hpe, nsen kaba hte jahtau wu ai.

SHINGRAN 9:4

Dai ni gaw, ga ntsa na tsingdu hpe mung, tsit lali ai baw magup hpe mung, hpun magup hpe mung, naw madat da nna, tinang a lahtan hta Karai Kasang a dazik n kap ai masha ni hpe sha zingri mu ga, shanhte hpe jep dat wu ai:

1 SAMUELA 15:3

Dai majaw ya sa nna, dai amyu hpe sa gasat su; lahpawt ai myit n rawng ai sha, atsai awai hpya kau nna, numsha lasha, ma kaji ma chyangai, sagu dumsu, gawla-uk lawze nlang sat kau mu.”