EZEKELA 9:5 - Jinghpaw Hanson Version Bible

⁵ “Dai marai kru hte hpe mung, Ndai wa hpang e mare hku ga wa let, kahtam sat kau mu; nanhte a myi lahpawt dum na n rai; matsan mung hkum dum myit:

Jinghpaw Common Language Bible 2009

⁵ Karai Kasang gaw kaga masha ni hpe, “Shi a hpang hkan nhtawm mare ting hta dinghkren hkawm let kahtam sat kau mu. Langai mi hpe mung asak a hkyamsa lam hkum jaw myit; kade a ntsa e mung matsan hkum yu dum myit.

EZEKELA 9:5 ပူးပေါင်းရင်းမြစ်များ

1 HKAWHKAM 18:40

Shing rai Elia gaw, Bala myihtoi ni hpe rim la mu; langai mi muk n lawt u ga, ngu mu ai hte maren, shanhte hpe rim la nhtawm, Elia gaw Kishon hka shi de woi sa nna, dai yang e shanthe hpe sat kau mu ai.

PRU MAT 32:27

Shaloi shi gaw, Israela Karai Kasang Yehowa ning nga ai: “Nanhte hkum shagu tinang nang a nhtu hpye nhtawm, dai dap maga mi de na chyinghka kaw nna, maga mi de na chyinghka du hkra dinghkrang hkawm nna, langai hte langai tinang a hpunau, tinang a mangang wa, tinang a htingbu wa hpe sat mu, nga ai,” ngu nna shanhte hpe hkang dat wu ai.

ESAIA 13:18

Shanhte a ndan ni shabrang ni hpe adup agrawp kau nna, ma chyangai ni hpe matsan n chye dum na hte, shanhte a myi gaw ma kaji ni hpe n yu lahpawt nga ai.

ESAIA 22:14

Shing rai, Zaw nawng zaw wa up ai Yehowa gaw, Gaja wa, nanhte si ai nhtoi du hkra, ndai yubak tsai mat na n rai, nga nna nye a na hta madun dan ai: dai gaw Zaw nawng zaw wa up ai Madu Yehowa tsun ai ga rai nga ai.

ESAIA 5:9

Zaw nawng zaw wa up ai Yehowa, nye a na hta tsun ai gaw, Gaja wa, galu kaba ai hte hkik la ai nta law law hta, rawng ai masha n nga nna, katsi katsang rai na ra ai.

YEREMIA 9:21

Kaning rai nme law, si du gaw anhte a hkuwawt hku lung nna, anhte a htingnu ni hta shang nhtawm, ma kaji ni hpe ndaw hkan, shabrang ni hpe mare htingwan hkan e shaza kau manu ai.

EZEKELA 24:14

Ngai Yehowa nan dai ga tsun ni ai: ngai dai lam shabyin nna, shadik na nngai: ngai nye a ga shabai na, n rai; lahpawt dum na, n rai; myit malai mung lu na, n rai: na a lam hte, na a arawn alai hte maren, ngai nang hpe dawdan na nngai,” nga nna Madu Yehowa tsun ai.

EZEKELA 43:3

Ngai mu ai shingran gaw, mare hpe jahten na matu dan pru ai shingran hte, Hkebara hka kau e ngai mu yu ai shingran zawn, rai nga nna, ngai myi man gum dagup nngai.

EZEKELA 5:11

Dai re ai majaw, Madu Yehowa ning nga ai: Nang gaw na a n san n seng ai, matsat shabat amu mahkra hte nye a Chyoi pra ai shara hpe awu asin di kau ai majaw, ngai hkrung nga ai hte maren, ngai nang hpe shayawm na de ai: nye a myi lahpawt dum na n rai; ngai mung matsan dum na n rai.

EZEKELA 7:4

Nye a myi nang hpe lahpawt dum na n rai; ngai matsan dum na n rai; na arawn alai hte maren ngai nang hpe nhtang jaw nna, nang galaw ai matsat shabat amu, na a ka-ang e jung nga na ra ai: shaloi, ngai Yehowa rai nga ai hpe, nanhte chye lu na marin dai.”

EZEKELA 7:9

Nye a myi lahpawt dum na n rai, ngai matsan dum na n rai: na a arawn alai hte maren, ngai nang hpe ari jaw na nngai; nang galaw ai matsat shabat amu, na a ka-ang e jung nga na ra ai: shing rai, ngai Yehowa ari jaw ai hpe, nanhte chye lu na marin dai.

EZEKELA 8:18

Dai re ai majaw, ngai pawt bu let ari jaw na nngai; nye a myi lahpawt dum na n rai, ngai matsan n dum na nngai; shanhte aja awa jahtau timung, ngai n madat na nngai,” nga ai.

EZEKELA 9:10

“Dai rai nna ngai mung, yu lahpawt dum na n rai; shanhte galaw ai hte maren ngai matsan mung dum na n rai; shanhte a baw ntsa de shapraw na nngai,” nga nna ngai hpe tsun ai.

EZEKELA 9:4

Yehowa gaw, “Yerusalem mare ka-ang hku lai wa nna, mare kata e galaw ai matsat shabat amu majaw madai nna, hkrap ngu hkrap ngoi ai ni a lahtan hpe, mahkret matsing u,” ngu nna shi hpe tsun wu ai.

EZEKELA 9:6

dingla hpe mung, shabrang wa hte mahkawn, ma kaji hte numsha ni hpe atsai awai shaza kau timung, mahkret matsing ai wa langai mi hpe muk, hkum hkra et; dai amu hpe nye a Chyoi pra ai shara hta galaw hpang u,” nga nna tsun ai ngai na nngai. Shing rai shanhte gaw Nta ndaw e nga ai salang ni hpe shawng sat kau mu ai.

1 SAMUELA 9:15

Ya Shawlu du na shawng shani e sha, Yehowa, Samuela hpe,