EZEKELA 9:2 - Jinghpaw Hanson Version Bible

² Shaloi, yu mu, dingdung maga ang ai, lahta chyinghka lam kaw na, marai kru pru nna, langai hte langai tinang a hpyen gasat nwa lang ma ai; shanhte a ka-ang e, lachyit nba lawai nna, laika tsi ndum nshang e noi ai wa, pru wa ai. Shanhte shang nna, magri hkungri makau e tsap nga ma ai.

Jinghpaw Common Language Bible 2009

² Yu mu, Nawku Htingnu a dingdung maga na shinggan chyinghka lam kaw nna marai kru kalang lata rawt pru wa nhtawm shanhte langai hte langai hta hpyen laknak ni lang da nga ma ai. Shanhte hte rau lachyit nba lawai nna laika ka na matu arai lama ma lang ai wa mung lawm nga ai. Shanhte yawng sa nna magri mang hkungri e tsap nga ma ai.

EZEKELA 9:2 ပူးပေါင်းရင်းမြစ်များ

2 HKAWHKAM 15:35

Rai timung tsaw ai kawng ni a shara ni hpe n htawm kau wu ai rai nna, mung masha ni gaw dai shara ni hta shagu hkungga hte manam pyaw ai baw nat nawng nga ma ai. Shi gaw Yehowa nta na ntsa chyinghka galaw da wu ai.

2 HKAWHKAM LABAU 27:3

Shi gaw Yehowa a nta na ntsa chyinghka galaw ai hte, Ohpela bunghku hta law law gaw kahtap wu ai.

2 HKAWHKAM LABAU 4:1

Dai hta kaga, magri hkungri shi galaw nna, galu de dawng hkun, nda de dawng hkun, tsaw de dawng shi rai nga ai.

PRU MAT 40:29

Wan nat hkungga a tawn hkungri hpe mung, shawa sum a sumpan nta chyinghka lam ang e tawn da nna, dai tawn hkungri hta wan nat hkungga hpe mung, shadung kumhpa hpe mung nat nawng wu ai: dai gaw Yehowa Mawshe hpe hkang da ai hte maren rai nga ai.

YEREMIA 1:15

Kaning rai nme law, Dingdung mungdan de na amyu baw ni mahkra hpe ngai shaga nna, shanhte sa du nhtawm, langai hte langai, Yerusalem mare chyinghka lam hkan e mung, bunghku grup yin hkan e mung, Yuda mare ni mahkra hta e mung, tinang a tingnyang ni hpe tawn da na mara ai.

YEREMIA 26:10

Ya Yuda agyi salang ni gaw, ndai amu a lam na jang, shanhte gaw htingnu de na, Yehowa nta de lung wa nna, Yehowa nta na nnan chyinghka lam kata e dung nga ma ai.

YEREMIA 4:6

Ziun bum tawtap e dawnghkawn sharawt mu; hprawng mu, hkum hkring myit; kaning rai nme law, ngai gaw dingdung maga de na ruyak ai hte, grai kaba ai hten byak ai hpe, shapraw na nngai,

EZEKELA 10:2

Shaloi shi gaw sumpan lawai ai wa hpe, “Chyai kri nga ai leng dingsen lapran e, dai Hkerub npu de, sa shang u; Hkerubim lapran e nga ai wan n-ga ni hpe, na a lata lahkawng hte magawn la nhtawm, mare ntsa de gat dat u,” nga nna tsun ai hte maren, shi gaw nye a man e shang wa ai.

EZEKELA 8:3

Shi gaw lata hkrang ladawn nna, nye a kara latsin mi lang nga ai: shaloi Wenyi gaw aga hte lamu lapran e ngai hpe pawn shalun nna, Karai Kasang kaw na shingran hte, Yerusalem mare a dingdung maga ang ai kata wang chyinghka de, ngai hpe woi wa nngai: dai yang e, nsu nnawn shangun ai, nsu nnawn ngu ai sumla tingnyang rai nga ai.

EZEKELA 9:11

Bai yu u, sumpan lawai nna, laika tsi ndum noi ai wa gaw, “Nang hkang da ai hte maren ngai galaw se ai,” ngu nna ga htang wu ai.

EZEKELA 9:3

Shaloi Israela Karai Kasang a hpung shingkang gaw, shanu nga ai Hkerub kaw na lung wa nna, Nta chyinghka hkinbawng de du nga ai; bai shi gaw, sumpan lawai nna, laika tsi ndum noi ai wa hpe, shaga wu ai.

Daniela 10:5

ngai mada yu nna, yu u, Lachyit nba bu hpun nna, Uhpaza ja jet shingkyit kyit let, masha langai mi tsap nga ai hpe, ngai mu nngai:

Daniela 12:6

Marai langai mi gaw, ‘Ndai mauhpa lam dik wa ai du hkra, gade na na rai ta?’ ngu nna lachyit nba bu hpun let, hka ntsa e tsap nga ai wa hpe san wu ai.

JAW JAU 16:4

Dai chyoi pra ai sumpan palawng, sumpan bu hkung bu hpun nna, sumpan shingkyit kyit, sumpan bunghkaw hkaw rai na rai wu ai: dai gaw chyoi pra ai hpun palawng ni rai nga ai; shi hkum hka shin kau nna she dai hpe bu hpun na rai wu ai.

AMO LAIKA (AMOS) 9:1

Dai Madu gaw, dai tawn hkungri makau e tsap nga ai hpe, ngai mu nngai: shi gaw, Chyinghka hkinbawng ni ashun awam hkra, nta shadaw ni hpe adawt agrawp kau nna, mung masha ni a baw ntsa e ru bun shangun mu; ngai shanhte hpe htum hkra nhtu hte sat kau na nngai: langai mi pyi hprawng lu na n rai, langai mi muk lawt lu na n rai.

SHINGRAN 15:6

dai Htingnu kaw na ari zinli sanit lang ai lamu kasa sanit pru sa ma ai; shanhte gaw htoi tu san pra ai lungseng mawn sumli nna, tinang a sinda e aja shingkyit kyit nga ma ai.