EZEKELA 9:1 - Jinghpaw Hanson Version Bible

¹ Shaloi shi gaw, “Ndai mare hpe up hkang ai ni, sit sa marit; langai hte langai jahten shabyak chye ai ri nhtu lang mu,” nga nna aja awa jahtau ai hpe ngai na nngai.

Jinghpaw Common Language Bible 2009

¹ Dai hpang, ngai gaw, “Ndai mare hpe ari jaw hkyen nga ai masha ni e, ndai shara de sit sa wa mi. Nanhte a laknak ni hpe nanhte hte rau lang sa wa mi,” nga nna Karai Kasang jahtau tsun ai nsen hpe na nngai.

EZEKELA 9:1 ပူးပေါင်းရင်းမြစ်များ

2 HKAWHKAM 10:24

Bai shan gaw shagu hkungga hte wan nat hkungga nawng ya na matu shang ma ai. Yehu chyawm gaw Bala nta shinggan e marai matsat shi tawn da nna, “Ngai nanhte a lata e ap ya ai masha ni hta na langai mi hpe pyi shalawt kau yang, shalawt dat ai wa gaw lawt ai wa a malai asak sum na ra ai,” ngu nna hkang da mu ai.

1 HKAWHKAM LABAU 21:15

Yerusalem mare hpe jahten na matu, Karai Kasang gaw lamu kasa shangun dat nna, dai mare hpe jahten magang wa nga yang, Yehowa mada yu nna, ari dai hte a majaw myit bai kayin nna, “Ram sai, na lata dawm la nu,” ngu nna jahten maw ai lamu kasa hpe tsun wu ai. Yehowa a lamu kasa chyawm gaw Yebusi masha Ornan a mam chyarang makau e tsap nga ai.

PRU MAT 12:23

“Kaning rai nme law, Egutu masha ni hpe ari jaw na nga, Yehowa dinghkren mat wa na ra ai: dai hkanoi hte hkadun daw yan hta na sai hpe mu jang, Yehowa dai chyinghka hpe lai kau da na wu ai rai nna, jahten shabya ai wa gaw nanhte hpe jahten na, nanhte a nta hta shang lu na ahkang shi jaw na wu ai n rai.”

ESAIA 6:8

Bai ngai gaw, “Ngai kadai hpe shangun dat na i? anhte a matu kadai wa sa na i?” nga nna Madu san ai nsen hpe na nngai. Dai rai nna ngai gaw, “Ngai nga nga nngai, ngai hpe shangun dat e,” ngu nna htan we ai.

YEREMIA 4:6

Ziun bum tawtap e dawnghkawn sharawt mu; hprawng mu, hkum hkring myit; kaning rai nme law, ngai gaw dingdung maga de na ruyak ai hte, grai kaba ai hten byak ai hpe, shapraw na nngai,

EZEKELA 43:3

Ngai mu ai shingran gaw, mare hpe jahten na matu dan pru ai shingran hte, Hkebara hka kau e ngai mu yu ai shingran zawn, rai nga nna, ngai myi man gum dagup nngai.

SHINGRAN 14:7

shi gaw, “Karai Kasang hpe hkrit hkungga mu, shi a hpung shingkang shagrau mu; shi a tara dara ai ahkying du ra ai: sumsing lamu hte ginding aga, nammukdara hte hka hpawk ni hpe hpan tawn da ai wa hpe nawku nga mu,” nga nna nsen kaba hte hkaw tsun nga ai.