EZEKELA 8:9 - Jinghpaw Hanson Version Bible

⁹ Bai shi gaw, “Shang u; ndai shara e shanhte galaw ai n hkru ai matsat shabat amu ni hpe yu u,” nga ai.

Jinghpaw Common Language Bible 2009

⁹ Shi gaw ngai hpe, “Shang u, dai yang e, shanhte galaw nga ai n hkru n shawp ai hte matsat shabat amu ni hpe yu yu u,” ngu nna tsun ai.

EZEKELA 8:9 ပူးပေါင်းရင်းမြစ်များ

EZEKELA 20:8

Shanhte chyawm gaw, nye a ga n madat mara ai hte, ngai hpe gumlau nga ma ai; shanhte langai hte langai tinang yu ra ai matsat shabat amu ni hpe mung, Egutu mung na hpara ni hpe mung, n kau da ma ai. Dai rai nna ngai gaw, ‘Nye kahtet ai myit shanhte hta shakawp na matu, Egutu mung ka-ang e, shanhte a ntsa de, nye pawt bu ai hpe, ru dat na nngai,’ nga nna tsun nngai.

EZEKELA 8:10

Shing rai ngai shang yu yang, yu u, gumrawt hkawm ai baw hte matsat shabat re ai matse labye amyu myu hpe mung, Israela amyu nawku ai sumla ni nlang hte hpe mung, bunghku hta ka da nga ai hpe, ngai mu nngai.

EZEKELA 8:6

Shaloi shi gaw, “Masha kasha e, ngai gaw nye a chyoi pra ai shara hte grai tsan mat wa hkra, Israela amyu masha ni gaw, ndai yang e galaw ai matsat shabat amu kaba hpe, nang mu nu ni? rai timung, grau kaba ai matsat shabat amu ni hpe, nang naw mu na rin dai.

EZEKELA 8:8

Shaloi shi gaw, “Masha kasha e, wang bunghku hpe htu u,” nga nna tsun ai hte maren ngai htu yang, yu u, chyinghka lam hpe ngai mu nngai.