EZEKELA 8:6 - Jinghpaw Hanson Version Bible

⁶ Shaloi shi gaw, “Masha kasha e, ngai gaw nye a chyoi pra ai shara hte grai tsan mat wa hkra, Israela amyu masha ni gaw, ndai yang e galaw ai matsat shabat amu kaba hpe, nang mu nu ni? rai timung, grau kaba ai matsat shabat amu ni hpe, nang naw mu na rin dai.

Jinghpaw Common Language Bible 2009

⁶ Karai Kasang gaw ngai hpe, “Si chye ai masha wa e, hpa byin nga ai hpe nang mu n ni? Ngai hpe nye a chyoi pra ai shara kaw na tsan hta tsan ai shara de shaden kau let, Israela ni ndai yang e galaw ai matsat shabat amu ni hpe yu yu u. Nang gaw ndai amu hta grau n tsawm n htap ai matsat shabat amu ni hpe pyi mu na rin dai,” ngu nna tsun wu ai.

EZEKELA 8:6 ပူးပေါင်းရင်းမြစ်များ

2 HKAWHKAM LABAU 29:5

“Lewi masha ni e, nye ga madat mara mu: tinang hkum hpe mung, nanhte a nji nwa ni a Karai Kasang Yehowa nta hpe mung, shachyoi shapra nna, ndai chyoi pra ai shara na shanut shanaw yawng yeng seng kau mu.

SHAKAWN KUNGDAWN 78:60

Dai rai nna, shi gaw Shilo a sumpan hta, Masha a ka-ang e gap ai sum hpe, kau da wu ai.

GA SHAGAWP 5:14

Ngai gaw shawa hpawng ka-ang e ganoi noi, N hkru ai lam shagu hta woi awn kau se hka, nga nna sharung shayawt na rin dai.

YEREMIA 11:18

Yehowa ngai hpe madun dan nna, ngai chye lu nngai; shanhte galaw ai amu ni gaw, nang ngai hpe madun dan nit dai.

YEREMIA 23:11

myihtoi wa mung, hkinjawng wa mung, n san n seng rai nga ma ai; nye nta hta pyi, shanhte a n se ai amu hpe, ngai mu hkrup ni ai, nga nna Yehowa tsun ai.

YEREMIA 3:6

Bai, hkawhkam Yoshia lakhtak e, Yehowa ngai hpe ning nga ai: Htak mat sai Israela amyu hpe nang mu nu ni? shi gaw, tsaw ai bum shagu a ntsa e mung, tsit lali ai hpun shagu a npu e mung, shawa num tai wa sai.

YEREMIA 32:34

Nye a amying mying ai nta hpe, awu asin di kau na matu, shanhte gaw tinang a matsat shabat re ai arai ni hpe, dai hta jashawn ma ai.

YEREMIA 7:17

Yuda mare ni hte, Yerusalem mare lam ni hta, shanhte hpa galaw nga ma ai hpe, nang n mu n ni?

YEREMIA 7:30

Yehowa ning nga ai: “Yuda kashu kasha ni gaw, nye a man e n hkru ai amu galaw masai; nye a amying mying ai nta hpe awu asin di na nga, matsat shabat re ai arai ni hpe, jashawn da manu ai.

EZEKELA 10:18

Bai Yehowa a hpung shingkang gaw, Nta chyinghka hkinbawng na sit nna, Hkerubim ni a ntsa e jung nga ai.

EZEKELA 10:19

Dai Hkerubim ni gaw, nye a man e singkaw ni hpe hpyan nhtawm, ga hte hka nna lung wa ma ai; makau de pru yang, dingsen ni hkan nang ma ai: shanhte gaw Yehowa a Nta sinpraw maga chyinghka lam de tsap nga nna, Israela Karai Kasang a hpung shingkang gaw, shanhte a ntsa e dan hkung nga ai.

EZEKELA 11:22

Shaloi Hkerubim ni singkaw hpyen nna, dingsen ni mung hkan nang ma ai; Israela Karai Kasang a hpung shingkang mung shanhte a ntsa e rai nga ai.

EZEKELA 11:23

Yehowa a hpung shingkang gaw, mare ka-ang na lung nna, mare sinpraw maga e nga ai bum ntsa e tsap nga ai.

EZEKELA 14:6

Dai re ai majaw Israela dap hpe tsun u, ‘Madu Yehowa ning nga ai: Kayin wa marit; hpara sumla ni kaw na kayin wa marit; nanhte a matsat shabat amu nlang hte hpe kau da manu.

EZEKELA 18:12

nni nkri hkrum ai hte matsan mayan ni hpe zingri, masha sut rai hpe kashun la nna, tang da ai arai, madu hpe n hkin ya; hpara ni hpe mada, matsat shabat amu galaw,

EZEKELA 43:8

shanhte gaw tinang a chyinghka hkinbawng, nye a chyinghka hkinbawng makau e, tinang a hkadun daw, nye hkadun daw makau e jung da nna, ngai hte shanhte a lapran e shakum sha din nga ai; shing rai, shanhte galaw ai matsat shabat amu hte, nye a chyoi pra ai amying ningsang hpe awu asin di kau ma ai: dai re ai majaw, ngai pawt bu nna, shanhte hpe shamyit kau ni ai.

EZEKELA 47:6

Shaloi dai wa gaw, “Masha kasha e, dai hpe mu nu ni?” nga nna tsun nhtawm ngai hpe woi wa nna, hka kau de nhtang wa shangun ai.

EZEKELA 5:11

Dai re ai majaw, Madu Yehowa ning nga ai: Nang gaw na a n san n seng ai, matsat shabat amu mahkra hte nye a Chyoi pra ai shara hpe awu asin di kau ai majaw, ngai hkrung nga ai hte maren, ngai nang hpe shayawm na de ai: nye a myi lahpawt dum na n rai; ngai mung matsan dum na n rai.

EZEKELA 8:13

Bai shi gaw, Shanhte galaw ai, grau kaba ai matsat shabat amu hpe, nang naw mu na rin dai,” nga nna ngai hpe tsun ai.

EZEKELA 8:14

Shaloi shi gaw, Yehowa a nta dingdung chyinghka lam de, ngai hpe woi wa nna, “yu u, dai yang e, Tamuza matu sharung shayawt ai num ni, dung nga ma ai.”

EZEKELA 8:7

Bai shi gaw, wang chyinghka lam de, ngai hpe woi sa wa nna, ngai mada yu yang, yu u, wang bunghku hta hku waw nga ai.

EZEKELA 8:9

Bai shi gaw, “Shang u; ndai shara e shanhte galaw ai n hkru ai matsat shabat amu ni hpe yu u,” nga ai.

HOSEA 5:6

Shanhte gaw tinang a sagu yamnga hpung ni hpe gawt let, Yehowa hpe sa tam timung, shi hpe n mu ma ai: shi shanhte hte tsan gang mat sai.