EZEKELA 8:5 - Jinghpaw Hanson Version Bible

⁵ Shaloi shi gaw, “Masha kasha e, dingdung lam de mada yu u,” nga nna ngai hpe tsun ai hte maren, dingdung lam de ngai mada yu nna, yu u, tawn hkungri chyinghka lam a dingdung maga de, ndai nsu nnawn ngu ai sumla nga nga ai.

Jinghpaw Common Language Bible 2009

⁵ Karai Kasang gaw ngai hpe, “Si chye ai masha wa e, dingdung maga de yu yu u,” ngu nna tsun wu ai. Shaloi ngai gaw dai maga de mada yu ai hte chyinghka lam a shang lam e nga ai tawn hkungri makau hta Karai Kasang hpe nchyi nmu byin shangun ai nsu nnawn hpara sumla langai mi nga nga ai hpe ngai mu nngai.

EZEKELA 8:5 ပူးပေါင်းရင်းမြစ်များ

SHAKAWN KUNGDAWN 48:2

Ngoi rai nna tsaw lung wa ai, Dingdung maga e nga ai Ziun bum gaw, Mungkan ting na ngwipyaw shara rai nga ai: Hkawhkam kaba a mare mung, dai rai nga ai.

SHAKAWN KUNGDAWN 78:58

Tsaw ai shara ni hte shi hpe shapawt nna, Sumla ni hte shi a nsu nnawn myit shapraw ya mu ai.

YEREMIA 3:2

Krin ai kawng ni hpe mada yu u; nang la hte n kanawn ai shara langai ngai, nga a ni? zaibru jang na Arabi masha zawn, lam makau e dung nga let, nang shanhte hpe hkap lau nna, na a shawa num a amu hte, n san n seng ai amu majaw, mung ting awu asin rai nga ai.

YEREMIA 32:34

Nye a amying mying ai nta hpe, awu asin di kau na matu, shanhte gaw tinang a matsat shabat re ai arai ni hpe, dai hta jashawn ma ai.

YEREMIA 7:30

Yehowa ning nga ai: “Yuda kashu kasha ni gaw, nye a man e n hkru ai amu galaw masai; nye a amying mying ai nta hpe awu asin di na nga, matsat shabat re ai arai ni hpe, jashawn da manu ai.

EZEKELA 5:11

Dai re ai majaw, Madu Yehowa ning nga ai: Nang gaw na a n san n seng ai, matsat shabat amu mahkra hte nye a Chyoi pra ai shara hpe awu asin di kau ai majaw, ngai hkrung nga ai hte maren, ngai nang hpe shayawm na de ai: nye a myi lahpawt dum na n rai; ngai mung matsan dum na n rai.

EZEKELA 8:3

Shi gaw lata hkrang ladawn nna, nye a kara latsin mi lang nga ai: shaloi Wenyi gaw aga hte lamu lapran e ngai hpe pawn shalun nna, Karai Kasang kaw na shingran hte, Yerusalem mare a dingdung maga ang ai kata wang chyinghka de, ngai hpe woi wa nngai: dai yang e, nsu nnawn shangun ai, nsu nnawn ngu ai sumla tingnyang rai nga ai.