EZEKELA 8:3 - Jinghpaw Hanson Version Bible

³ Shi gaw lata hkrang ladawn nna, nye a kara latsin mi lang nga ai: shaloi Wenyi gaw aga hte lamu lapran e ngai hpe pawn shalun nna, Karai Kasang kaw na shingran hte, Yerusalem mare a dingdung maga ang ai kata wang chyinghka de, ngai hpe woi wa nngai: dai yang e, nsu nnawn shangun ai, nsu nnawn ngu ai sumla tingnyang rai nga ai.

Jinghpaw Common Language Bible 2009

³ Shi gaw lata hkrang zawn re ai hpe ladawn dat ai hte nye a kara hpe magra jum da wu ai. Shaloi ndai shingran hta, Karai Kasang a wenyi gaw ngai hpe ntsa de pawn shalun la nhtawm Yerusalem de woi sa nga ai. Shi gaw ngai hpe Nawku Htingnu a dingdung chyinghka a kata shang wa lam de woi sa nga ai; dai shara gaw Karai Kasang hpe nchyi nmu byin shangun ai nsu nnawn hpara sumla langai mi hpe shadun da ai shara mung rai nga ai.

EZEKELA 8:3 ပူးပေါင်းရင်းမြစ်များ

1 HKAWHKAM 18:12

ngai nang kaw nna pru wa yang, Yehowa a Wenyi gaw ngai n chye ai shara de nang hpe woi htawt mat na ra ai: shing rai, ngai Ahab hpe sa tsun yang, shi nang hpe n mu hkrup nna, ngai hpe sat kau na nngai: na mayam, ngai wa chyawm gaw, brang ram prat kaw nna Yehowa hpe hkrit hkungga ni ai.

2 HKAWHKAM 16:14

Shi a hkungri hta Yehowa nta lapran e nga ai magri hkungri hpe mung, shi gaw Yehowa nta ndaw de na htawt la nhtawm, shi a hkungri a dingdung maga de sit tawn da wu ai.

2 HKAWHKAM 2:16

Bai shanhte gaw, “Yu u, na a mayam ni hta n-gun ja ai masha marai manga shi rai nga ma ai; shanhte gaw na a madu hpe sa tam mu ga: Yehowa a Wenyi gaw shi hpe shapoi la nna, bum langai ngai a ntsa e, shing n rai, kadit langai ngai a kata e, mahkoi wa jahkrat kau da wu ai nhten,” ngu nna hpyi mu yang, shi gaw, “Hkum sa tam myit,” ngu mu ai.

2 HKAWHKAM 21:7

Israela amyu ni yawng hta na ngai lata la ai, ndai nta hta mung, Yerusalem mare hta mung, nye a amying hpe ngai tutnawng e tawn da nga ai rai nna,

SHAKAWN KUNGDAWN 78:58

Tsaw ai shara ni hte shi hpe shapawt nna, Sumla ni hte shi a nsu nnawn myit shapraw ya mu ai.

PRU MAT 20:4

Lamu a lahta tang, lamu a npu ga ntsa tsang, ga a npu hka hpungtang hta rawng ai baw a hkrang hte bung ai sumla, nang na a matu hkum galaw hkum shachyaw et;

PRU MAT 20:5

dai hpe hkum naw hkum ku, hkum jaw hkum jau et: kaning rai nme law, ngai, na a Karai Kasang Yehowa gaw, nsu nnawn loi ai Karai Kasang rai nga nngai rai nna, ngai hpe n dawng n yawt ai ni a amyu lakung hpe gaw kawa ni a yubak kasha ni hta prat masum prat mali du hkra jaw nga nngai;

PRU MAT 34:14

Hpara shaje nang nawku lu na n rai: Nsu nnawn ngu ai Yehowa gaw, nsu nnawn myit rawng ai Karai Kasang rai nga ai:

YEREMIA 32:34

Nye a amying mying ai nta hpe, awu asin di kau na matu, shanhte gaw tinang a matsat shabat re ai arai ni hpe, dai hta jashawn ma ai.

YEREMIA 7:30

Yehowa ning nga ai: “Yuda kashu kasha ni gaw, nye a man e n hkru ai amu galaw masai; nye a amying mying ai nta hpe awu asin di na nga, matsat shabat re ai arai ni hpe, jashawn da manu ai.

EZEKELA 1:1

Ya sumshi ning ngu na hta, shata mali a manga ya shani e, Hkebara hka kau e bawng dung ai ni hte rau ngai nga nga yang, sumsing lamu hpaw malang wa nna, Karai Kasang a shingran hpe ngai mu nngai.

EZEKELA 10:3

Ya dai wa shang wa yang, Hkerubim ni Nta a hkra maga e tsap nga ma ai rai nna, kata wang gaw, sumwi hte hpring nga ai.

EZEKELA 11:1

Dai hpang wenyi gaw ngai hpe pawn let, sinpraw maga de man yawng ai, Yehowa nta sinpraw chyinghka lam de ngai hpe woi wa nngai: shaloi, yu u, dai chyinghka lam e marai hkun manga rai nga nna, shanhte hta Azura kasha Yazania hte Benaia kasha Pelatia lawm nga ma ai: shan gaw mung du rai nga ma ai.

EZEKELA 11:24

Shaloi Wenyi gaw ngai hpe pawn nna, Karai Kasang a Wenyi a shingran hte, Hkalde mung na bawng dung ai ni hpang de, woi wa nngai. Shing rai ngai mu yu ai shingran gaw, ngai hte hka nna lung wa ai.

EZEKELA 2:9

Ya ngai mada yu yang, yu u, laika katsu lang ai lata ngai hpang de ladawn nga ai:

EZEKELA 3:12

Shaloi Wenyi gaw ngai hpe pawn nna, nye a shingdu de, “Yehowa a hpung shingkang, shi a shara hta e a nga u ga law,” nga nna wu kadu ai nsen kaba, ngai na nngai.

EZEKELA 3:14

Shing rai Wenyi gaw ngai hpe pawn mat wa nna, ngai gaw myit ru ai hte nye a wenyi kahtet let hkan nang nngai; Yehowa a lata gaw nye a ntsa e li nga ai.

EZEKELA 37:1

Yehowa a lata nye a ntsa e rai nga nna, shi a Wenyi hte ngai hpe woi shapraw nhtawm, kadit ka-ang e ngai hpe tawn da ni ai; dai kadit gaw, nrut nra hte hpring chyat nga ai.

EZEKELA 40:2

Karai Kasang a shingran hte shi ngai hpe Israela mung de woi wa nna, grai tsaw ai bum ntsa e tawn da nngai; dai bum a dingda maga de mare nsan ai hkrang dan pru nga ai.

EZEKELA 43:5

Shaloi Wenyi gaw ngai hpe pawn let, kata wang de woi wa nna, yu u, Yehowa a hpung shingkang gaw, nta ting hpring nga ai.

EZEKELA 43:8

shanhte gaw tinang a chyinghka hkinbawng, nye a chyinghka hkinbawng makau e, tinang a hkadun daw, nye hkadun daw makau e jung da nna, ngai hte shanhte a lapran e shakum sha din nga ai; shing rai, shanhte galaw ai matsat shabat amu hte, nye a chyoi pra ai amying ningsang hpe awu asin di kau ma ai: dai re ai majaw, ngai pawt bu nna, shanhte hpe shamyit kau ni ai.

EZEKELA 5:11

Dai re ai majaw, Madu Yehowa ning nga ai: Nang gaw na a n san n seng ai, matsat shabat amu mahkra hte nye a Chyoi pra ai shara hpe awu asin di kau ai majaw, ngai hkrung nga ai hte maren, ngai nang hpe shayawm na de ai: nye a myi lahpawt dum na n rai; ngai mung matsan dum na n rai.

EZEKELA 7:20

Shanhte a tsawm htap ai gali lakai ni hta shanhte gumrawng nna, shanhte a n san n seng ai hpara sumla ni hte, matsat shabat arai ni hpe, dai hte galaw ma ai majaw, ngai shanhte a aja gumhpraw hpe awu asin re ai arai zawn shatai na nngai.

EZEKELA 8:5

Shaloi shi gaw, “Masha kasha e, dingdung lam de mada yu u,” nga nna ngai hpe tsun ai hte maren, dingdung lam de ngai mada yu nna, yu u, tawn hkungri chyinghka lam a dingdung maga de, ndai nsu nnawn ngu ai sumla nga nga ai.

EZEKELA 9:2

Shaloi, yu mu, dingdung maga ang ai, lahta chyinghka lam kaw na, marai kru pru nna, langai hte langai tinang a hpyen gasat nwa lang ma ai; shanhte a ka-ang e, lachyit nba lawai nna, laika tsi ndum nshang e noi ai wa, pru wa ai. Shanhte shang nna, magri hkungri makau e tsap nga ma ai.

Daniela 10:10

Shaloi yu u, lata hkawn mi ngai hpe ahtawk nna, lahput hte lata lahpan e madi nga shangun nngai.

Daniela 10:18

Shaloi masha nsan ai wa langai mi ngai hpe bai ahtawk nna, n-gun shaja nngai.

Daniela 5:5

Dai ahkying hta nan, masha lata a layung dawng pru nna, pyengdin shadun tawtap e, hkawhkam htingnu shakum na engade hta ka da nga ai: hkawhkam wa gaw ka da nga ai lata hpe mu wu ai.

KASA 8:39

Hka na lung wa ma yang, dai Madu a Wenyi Hpilip hpe woi mat wa nna, Unuk wa mung shi sa wa ai lam de kabu gara let bai wa wu ai rai nna, shi e bai n mu wu ai.

TARA JAHPRANG 32:16

Shanhte gaw Hpara shaje hte shi hpe n ju shangun mu ai, Matsat shabat lam hte shi hpe shapawt mu ai.

TARA JAHPRANG 32:21

Karai Kasang n re ai hte shanhte ngai e n ju shangun nna, Shanhte a rai dum la ai myit hte shapawt mi ai: Dai re ai majaw, hti n mai ai amyu hte ngai shanhte hpe manawn shangun nna, Angawk angak re ai amyu hte shapawt na mawe ai.

TARA JAHPRANG 4:24

Kaning rai nme law, nanhte a Karai Kasang Yehowa gaw grung nga ai wan, nsu nnawn loi ai Karai Kasang rai nga ai.

TARA JAHPRANG 5:9

dai hpe hkum naw hkum ku, hkum jaw hkum jau et: kaning rai nme law, ngai na a Karai Kasang Yehowa gaw, nsu nnawn loi ai Karai Kasang rai nga nngai rai nna, ngai hpe n dawng n yawt ai ni a amyu lakung hpe gaw kawa ni a yubak kasha ni hta prat masum prat mali du hkra jaw nga nngai;

TARA JAHPRANG 6:15

nanhte a grup yin e nga ai masha amyu ni a Hpara ngu ai Hpara shaje ni kaw hkum hkan kasawt myit.

YAWSHU 24:19

Bai, Yawshu gaw amyu masha ni hpe, “Nanhte Yehowa hpe n jau lu na myit dai: shi gaw chyoi pra ai Karai Kasang rai nga ai; nsu nnawn loi ai Karai Kasang mung rai nga ai: shi gaw nanhte a shut hpyit ai amu hte nanhte a yubak hpe raw dat kau lu na n rai.