EZEKELA 8:1 - Jinghpaw Hanson Version Bible

¹ Ya kru ning na, shata kru a manga ya shani e, ngai gaw nye a nta e dung nga nna, Yuda salang ni nye a man e dung nga ma yang, Madu Yehowa a lata, nye a ntsa e du ai.

Jinghpaw Common Language Bible 2009

¹ Anhte a bawng dung ai kru ning na shata kru a manga ya shani e, Yuda mung na bawng dung masha ningbaw ni gaw ngai hte rau nye a nta hta dung nga ma ai. Tsaw Htum ai dai Madu a daru magam n-gun gaw akajawng sha nye a ntsa e du nga ai.

EZEKELA 8:1 ပူးပေါင်းရင်းမြစ်များ

2 HKAWHKAM 6:32

Ya Elisha gaw shi a nta e nga nga nna, salang ni shi hte rau dung nga ma ai: hkawhkam wa mung kasa langai mi shi a shawng e shangun dat wu timung, kasa wa garai n du yang, Elisha gaw, “Masha sat ai wa a kasha, ndai wa gaw, nye a baw htau kau na nga du sa ra ai gaw, nanhte mu mada nga myit ni? yu mu, dai kasa wa du yang, chyinghka la da nna, chyinghka lam e shi hpe hkum da mu: shi madu a lagaw nsen shi a hpang e ngoi nang nga ai n rai ni?” ngu nna salang ni hpe tsun mu ai.

EZEKELA 14:1

Dai shaloi e agyi salang nkau mi, ngai kaw du nna, nye a man e dung nga ma ai.

EZEKELA 14:4

Dai re ai majaw shanhte hpe tsun mu, ‘Yehowa ning nga ai: Tinang a hpara ni hpe, tinang a kraw lawang e dè da nna, tinang a man e tawn da let, myihtoi wa hpe sa san yu ai Israela masha kadai hpe mung, shi hta hpara sumla law nga ai hte maren, ngai Yehowa shi hpe htan na nngai;

EZEKELA 20:1

Ya sanit ning na, shata manga a shi ya shani e, Israela agyi salang ni nkau mi, Yehowa hpe san yu na matu, sa du nna, nye a man e dung nga ma ai.

EZEKELA 24:1

Ya jahku ning na shata shi a shi ya shani e, Yehowa mungga ngai kaw bai du nna,

EZEKELA 26:1

Ya shi langai ning na shawng shata a langai ya shani e, Yehowa mungga ngai kaw du nna,

EZEKELA 29:1

Ya shi ning na shata shi a, shi lahkawng ya shani e, Yehowa mungga ngai kaw du nna,

EZEKELA 29:17

Ya hkun sanit ning na shawng shata a langai ya shani e, Yehowa mungga ngai kaw ku nna,

EZEKELA 3:12

Shaloi Wenyi gaw ngai hpe pawn nna, nye a shingdu de, “Yehowa a hpung shingkang, shi a shara hta e a nga u ga law,” nga nna wu kadu ai nsen kaba, ngai na nngai.

EZEKELA 3:14

Shing rai Wenyi gaw ngai hpe pawn mat wa nna, ngai gaw myit ru ai hte nye a wenyi kahtet let hkan nang nngai; Yehowa a lata gaw nye a ntsa e li nga ai.

EZEKELA 3:22

Bai Yehowa a lata nye a ntsa e mara nga nna, shi gaw, “Rawt u, pa ga de sa wa su; dai yang e ngai nang hpe ga tsun na de ai,” nga ai.

EZEKELA 30:20

Ya shi langai ning na shawng shata sanit ya shani e, Yehowa a mungga ngai kaw du nna,

EZEKELA 31:1

Ya shi langai ning na shata masum a langai ya shani e, Yehowa mungga ngai kaw du nna,

EZEKELA 32:1

Ya shi lahkawng ning na, shata shi lahkawng a langai ya shani e, Yehowa mungga ngai kaw du nna,

EZEKELA 32:17

Ya shi lahkawng ning na shata shi lahkawng a shi manga ya shani e, Yehowa mungga ngai kaw du nna,

EZEKELA 33:22

Dai wa du ningtawn shana kaw nna, shi du ai hpang jahpawt du hkra, Yehowa lata nye a ntsa e nga nga nna, nye a n-gup hpaw magang ya ai hte, nye a n-gup hpaw nga nna, ngai atsin sha nga ai n rai.

EZEKELA 33:31

Shanhte gaw shawa hpawng sa nna, nye a masha ni zawn na a man e dung nga ninglen, na a ga na la timung, n galaw hkraw ma ai: shanhte gaw tinang a n-gup hte ga ngwi grai tsun timung, tinang a lawhpa myit sutgan hta jung nga malu ai.

EZEKELA 37:1

Yehowa a lata nye a ntsa e rai nga nna, shi a Wenyi hte ngai hpe woi shapraw nhtawm, kadit ka-ang e ngai hpe tawn da ni ai; dai kadit gaw, nrut nra hte hpring chyat nga ai.

EZEKELA 40:1

Ya Yerusalem hten wa ai shi mali ning ladu hkrum ai, anhte bawng dung wa ai hkun manga ning na, shawng shata a shi ya shani jang, Yehowa a lata nye a ntsa e rai nga nna, ndai mare de ngai hpe woi wa ai.

EZEKELA 7:27

Hkawhkam wa gaw sharung shayawt na ra ai; hkawhkam kasha ni gaw mak mat ai pahpun bu hpun na mara ai; mung masha ni a lata gaw gari na ra ai: shanhte a arawn alai hte maren, ngai shanhte hpe nhtang tai nna, hkam ging ai hte maren, dawdan na nngai: shing rai, ngai Yehowa rai nga ai hpe, shanhte chye lu na mara ai.”

EZEKELA 8:2

Shaloi ngai mada yu nna, yu u, wan nsan ai hkrang dan pru nga ai; nshang kaw nna lagaw daw de wan nsan ai mung, nshang kaw nna baw daw de, byawng mat ai kung zawn htoi kabrim nga ai.

MALAHKI 2:7

Kaning rai nme law, hkinjawng wa gaw, Zaw nawng zaw wa up ai Yehowa a kasa rai nga ai majaw, shi a nten ni chye chyang ai lam kyem da nna, masha ni gaw shi a n-gup hta na tara tam lu na mara ai.

KASA 20:33

Ngai gaw gade a aja gumhpraw hpun nba mung n marin yu nngai.