EZEKELA 7:4 - Jinghpaw Hanson Version Bible

⁴ Nye a myi nang hpe lahpawt dum na n rai; ngai matsan dum na n rai; na arawn alai hte maren ngai nang hpe nhtang jaw nna, nang galaw ai matsat shabat amu, na a ka-ang e jung nga na ra ai: shaloi, ngai Yehowa rai nga ai hpe, nanhte chye lu na marin dai.”

Jinghpaw Common Language Bible 2009

⁴ Ngai gaw nang hpe lahpawt dum na n rai, matsan dum ai lam loi mi mung madun na nngai n rai. Nang galaw shapraw dan sai matsat shabat re ai arawn alai ni a majaw, ngai nang hpe ari jaw na nngai, shaloi ngai nan dai Madu rai nga nngai hpe nang chye wa na rai ndai.”

EZEKELA 7:4 ပူးပေါင်းရင်းမြစ်များ

YEREMIA 13:14

shaloi kahpu kanau shada mung, kawa hte kasha ni hpe mung, shada ahkawk hkat shangun na nngai: ngai matsan dum na n rai, lahpawt lama na n rai, karum la na n rai; shanhte yawng hpe shamyit kau na nngai, ngu u, nga nna Yehowa tsun ai.

YEREMIA 16:18

Shanhte gaw nye a mung hpe, tinang a n san n seng ai si mang ni hte awu asin di kau nna, nye a sali wunli ga hpe, matsat shabat hte jahpring ai majaw, ngai shanhte hpe ari htam lahkawng, shawng jaw na nngai.

YEREMIA 25:14

kaning rai nme law, amyu law law hte hkawhkam kaba ni gaw, Hkalde masha ni hpe pyi mayam yam na mara ai; shanhte a arawn alai hte, tinang hkum nan galaw ai amu hte maren, ngai matai dawp na nngai.

EZEKELA 11:21

Rai timung, shanhte a awu asin re ai matsat shabat nyan hpe, myit masin hte hkan sharau ai ni a yubak, shanhte a baw ntsa e ngai shapraw na nngai,” nga nna Madu Yehowa tsun ai.

EZEKELA 12:20

asha rawng ai mare ni gaw, marawng marang tai mat nna, mungdan gaw shingran katsi ai shara tai na ra ai; shing rai ngai Yehowa rai nga ai hpe nanhte chye lu na marin dai,” nga ai.

EZEKELA 16:43

Kaning rai nme law, nang gaw na a hkawn ram prat hpe n dum ndai; ndai lam shagu hta ngai hpe gumlau ndai: dai re ai majaw, yu u, na a yubak hpe na a baw ntsa de ngai shapraw na nngai; na matsat shabat amu mahkra a ntsa e, ndai n san n seng ai hpe galaw kahtap lu sa na n rai,” nga nna Madu Yehowa tsun ai.

EZEKELA 22:31

Dai re ai majaw, nye a pawt sindawng ai hpe, shanhte a ntsa e ngai ru dat nngai; ngai n-yun bu ai wan hte, shanhte hpe shamyit kau nngai; shanhte a arawn alai hpe, tinang a baw ntsa de ngai shapraw nngai,” nga nna Madu Yehowa tsun ai.

EZEKELA 23:31

Nang gaw, na nna a lam hpe hkan ndai majaw, shi lu ai gawm, ngai na a lata hta bang da na nngai.

EZEKELA 23:49

Shanhte gaw nan a n se ai amu hte maren nan hpe bai tai na mara ai; nan a hpara sumla ni hte galaw ai yubak hpe, nan hkrum sha nna, ngai Madu Yehowa rai nga ai hpe, nan chye lu na marin dai,” nga ai.

EZEKELA 24:14

Ngai Yehowa nan dai ga tsun ni ai: ngai dai lam shabyin nna, shadik na nngai: ngai nye a ga shabai na, n rai; lahpawt dum na, n rai; myit malai mung lu na, n rai: na a lam hte, na a arawn alai hte maren, ngai nang hpe dawdan na nngai,” nga nna Madu Yehowa tsun ai.

EZEKELA 33:29

Shing rai, mung masha ni galaw yu ai matsat shabat amu majaw, mungdan hpe katsi katsang hte mauhpa shara ngai shatai ai shaloi e, ngai Yehowa rai nga ai hpe, shanhte chye lu na mara ai.”

EZEKELA 5:11

Dai re ai majaw, Madu Yehowa ning nga ai: Nang gaw na a n san n seng ai, matsat shabat amu mahkra hte nye a Chyoi pra ai shara hpe awu asin di kau ai majaw, ngai hkrung nga ai hte maren, ngai nang hpe shayawm na de ai: nye a myi lahpawt dum na n rai; ngai mung matsan dum na n rai.

EZEKELA 6:14

Ngai gaw shanhte a ntsa e nye a lata ladawn nna, shanhte shanu nga ai shara shagu hpe, Dibla nam mali ga hta grau nna shingran katsi ai hte hkraw hkun ai shara shatai na nngai: shaloi ngai Yehowa rai nga ai hpe, shanhte nan chye lu na mara ai,” nga ai.

EZEKELA 6:7

Hkala nba si hkrum ai ni, nanhte a ka-ang e kadawng taw nna, ngai Yehowa rai nga nngai, nanhte chye lu na marin dai.

EZEKELA 7:27

Hkawhkam wa gaw sharung shayawt na ra ai; hkawhkam kasha ni gaw mak mat ai pahpun bu hpun na mara ai; mung masha ni a lata gaw gari na ra ai: shanhte a arawn alai hte maren, ngai shanhte hpe nhtang tai nna, hkam ging ai hte maren, dawdan na nngai: shing rai, ngai Yehowa rai nga ai hpe, shanhte chye lu na mara ai.”

EZEKELA 7:3

Ya nang htum mat nit dai; ngai gaw na ntsa e nye a pawt bu ai shangun dat nna, na a arawn alai hte maren dawdan na nngai: nang galaw ai matsat shabat amu mahkra hpe, ngai na ntsa e nhtang dat na nngai.

EZEKELA 7:9

Nye a myi lahpawt dum na n rai, ngai matsan dum na n rai: na a arawn alai hte maren, ngai nang hpe ari jaw na nngai; nang galaw ai matsat shabat amu, na a ka-ang e jung nga na ra ai: shing rai, ngai Yehowa ari jaw ai hpe, nanhte chye lu na marin dai.

EZEKELA 8:18

Dai re ai majaw, ngai pawt bu let ari jaw na nngai; nye a myi lahpawt dum na n rai, ngai matsan n dum na nngai; shanhte aja awa jahtau timung, ngai n madat na nngai,” nga ai.

EZEKELA 9:10

“Dai rai nna ngai mung, yu lahpawt dum na n rai; shanhte galaw ai hte maren ngai matsan mung dum na n rai; shanhte a baw ntsa de shapraw na nngai,” nga nna ngai hpe tsun ai.

HOSEA 12:2

Ehprim gaw nbung hpe sha nna, sinpraw nbung hpe hkan shachyut nga ai: shi gaw masu matsa ai ga hte hten byak ai lam ni hpe, shani shagu shalaw dat nga ai; shanhte gaw Asuri hkawhkam wa hte ga shaka tawn da nna, Egutu mung de asau la sa ma ai.

HOSEA 9:7

Ari jaw na aten du sai; matai htang na shani du sai; Israela amyu chye lu na ra ai: na a law la ai shut hpyit ai hte, ladu lai ai n dawng n yawt myit majaw, myihtoi wa gaw angawk ai wa, wenyi shung ai wa mana bu ai wa, tai nga ai.

AMO LAIKA (AMOS) 7:8

Shaloi Yehowa gaw, Amo e, nang hpa mu nga n ta? nga nna san yang, ngai gaw, Shadawn sumri hpe mu nngai, ngu nna htan we ai. Shaloi dai Madu gaw, Yu u, Nye amyu Israela a ka-ang e, shadawn sumri shayu dat na nngai: htawm hpang e ngai shanhte hpe shalai dat na n rai;

ZEHKARIA 11:6

Dai rai nna ngai mung, htawm hpang de, ndai mung na masha ni hpe matsan dum na n rai; yu mu, masha langai hte langai hpe, tinang a htingbu wa a lata hte, tinang a hkawhkam wa a lata hta, ngai ap kau na nngai: shanhte gaw dai mungdan hpe shaza kau nna, ngai shanhte a lata na, mung masha ni hpe, mawai la na n rai,” nga nna Yehowa tsun ai.

HEBRE 10:30

Kaning rai nme law, “Matai htang na ahkang ngai lu nngai, ngai tai na we ai, nga nna mung, Dai Madu gaw shi a amyu masha ni hpe tara dara na ra ai,” nga nna mung, tsun ai wa hpe, anhte chye nga ga ai.