EZEKELA 7:23 - Jinghpaw Hanson Version Bible

²³ Hpri sumri hpe galaw u; mungdan gaw masha sat ai yubak hte hpring nga nna, mare gaw kashun kashe hte chyat nga ai.

Jinghpaw Common Language Bible 2009

²³ “Lam shagu kashuk kashak byin nga sai-mungdan gaw masha sat ai amu ni hte hpring nga nna mare ni mung kashun kashe du daw sai hkaw amu ni hte hpring chyat nga ai.

EZEKELA 7:23 ပူးပေါင်းရင်းမြစ်များ

2 HKAWHKAM 21:16

Shing rai Manashe gaw Yehowa a man e n hkru ai amu galaw ai hte, Yuda masha ni hpe shut shangun ai hta n-ga, mara n kap ai ni law law hpe sat kau nna, dai ni a asai gaw Yerusalem mare maga mi kaw nna maga mi du hkra hpring nga ai.

2 HKAWHKAM 24:4

Yehowa gaw dai yubak hpe raw dat na n hkraw ai rai nna, Yuda amyu hpe shi a myi man kaw na yeng seng kau na nga, Yehowa hkang da ai ga hte maren ndai lam ni byin pru wa sai.

ESAIA 1:15

Nanhte lata ladawn yang, ngai myi man makoi mat na nngai; gaja wa, nanhte akroi anoi akyu hpyi timung, ngai n madat na nngai: nanhte a lata sai hte hpring nga ai.

ESAIA 59:3

Nanhte a lata gaw asai hte, nanhte a layung ni shut hpyit ai hte, awu asin rai nga ai; nanhte a n-gup gaw masu ga tsun sai, nanhte shinglet gaw n hkru ai ga kahte tsun nga ai.

ESAIA 59:7

Shanhte a lagaw n kaja ai amu galaw na matu gat nna, mara n kap ai asai ru kau na, larau nga ai: shanhte myit mang ai hku n hkru n hkra ai hku rai nga nna, shanhte a nmaw lam ni gaw, nni nkri hte hten byak ai hkrai rai nga ai.

YEREMIA 2:34

Dai hta kaga, mara n kap ai matsan mayan ni a asai, na a hpun palawng hta kap nga ai hpe mu hkrup sai; shanhte gaw kashun kashe amu n galaw ma ai: rai timung dai zawn re ai ni mahkra hpe nang sat kau ndai.

YEREMIA 22:17

Na a myi hte myit masin chyawm gaw, lawhpa ai hkrai tam nna, mara n kap ai asai hpe jahkaw kau na hte, adip arip ai, kashun kashe ai hta kaga, hpa amu hpe mung n dum nga ai.

YEREMIA 40:1

Ya sin langa ni a hpyen du Nebuzaradan gaw, Babelon mare de rim woi wa ang ai, Yerusalem mare hte Yuda mung na bawng dung ai ni hte hpawn, Yeremia hpe hpri sumri hte gyit tawn nhtawm, Rama mare e shi hpe dat tawn ai hpang, Yehowa mungga Yeremia kaw du pru ai.

YEREMIA 6:7

Hka hpawk mahka e hka lwi pru ai zawn, dai mare gaw n hkru n hkra ai hpe shalwi dat nga ai; de a kata de kashun kashe hte jahten shabyak ai nsen na lu ai; machyi makaw hte hkala nba hpe ngai tutnawng mu nngai.

SHARUNG SHAYAWT 3:7

Ngai n pru lu hkra shi nhpan kum nna, ngai hpe gyit ai hpri sumri hpe shali wu ai.

EZEKELA 11:6

Nanhte gaw ndai mare hta si mang shajawng nna, mare lam ni gaw moi mang ni hte hpring nga ai.

EZEKELA 12:19

mung masha ni hpe ning ngu u, ‘Madu Yehowa gaw Yerusalem mare hte Israela mungdan hta shanu nga ai ni hpe lakap nna ning nga ai: Shanhte gaw hkrit gari let, muk sha nna, mak mat let, ntsin lu na mara ai; dai mungdan gaw shingran katsi ai shara tai nna, mung masha ni a kashun kashe amu majaw, atsai awai shaza kau ai hkrum na ra ai.

EZEKELA 18:12

nni nkri hkrum ai hte matsan mayan ni hpe zingri, masha sut rai hpe kashun la nna, tang da ai arai, madu hpe n hkin ya; hpara ni hpe mada, matsat shabat amu galaw,

EZEKELA 22:13

“Dai rai nna, yu u, nang mahkawng da ai n tara ai sutgan hte, na a ka-ang e ru kau ai sai majaw, ngai lata kahpret nngai.

EZEKELA 22:27

Shi a du ni mung, n tara ai sutgan lu la hkra, shan gyam nna, sai jahkaw kau ai hte, masha hpe kawa sat kau ai chyahkyawn hte bung ma ai.

EZEKELA 22:9

Sai jahkaw kau na matu, shi htawn ai ni nang hta nga nga ma ai; na a masha ni bum ntsa e shat sha ma ai; na a ka-ang e n se n sa ai amu galaw ma ai.

EZEKELA 45:9

Madu Yehowa ning nga ai: Israela du ni e, ram manu ga; adip arip hte kashun kashe amu kau da nna, tara hte dinghpring ai lam hkan galaw mu: nye a amyu masha ni hpe zingri zingrat hkum rai myit,” nga nna Madu Yehowa tsun ai.

EZEKELA 8:16

Bai shi gaw, Yehowa nta kata wang de ngai hpe woi wa nna, “yu u, Yehowa a nawku Htingnu chyinghka lam, ajan hte tawn hkungri lapran e, marai hkun manga daram rai nga nna, shanhte gaw Yehowa a nawku Htingnu hpe shingdu dat kau nna, sinpraw maga de yawng let, jan hpe nawku ma ai.”

EZEKELA 8:17

Dai rai nna shi gaw, “Masha kasha e, dai amu hpe nang mu nu ni? Yuda dap ni gaw, ndai yang e galaw ai matsat shabat amu, kaji nga a ni? shanhte gaw mung ting hpe kashun kashe hte jahpring nna, ngai hpe bai pawt bu shangun ma ni ai: yu mu, shanhte gaw tsabyi ru lakung hpe ladi nchyun e lang ma ai.

EZEKELA 9:9

Shaloi shi gaw, “Israela hte Yuda dap ni shut hpyit ai gaw, nachying kaba la nga ai; mungdan gaw sai hte hpring chyat nga nna, mare gaw gumlu gumlang hte hpring nga ai: kaning rai nme law, shanhte gaw, Yehowa nan mungdan hpe kau da nna, shi mu lu ai, n rai,” nga nna tsun shajang ma ai.

HOSEA 4:2

Matsa mawa, masu ai ga, masha sat ai, lagu lagut hte num shaw la shaw ai amu hkrai, rai nga ai: shanhte hpya sha nna, masha sat ai yubak matut manoi rai nga ai.

MIHKA 2:2

Dai ni gaw, yi hkauna marit nna kashun la ma ai; nta hpe ra nna, gare la ma ai; kaja ai wa hte shi a dap hpe, madu hte shi a sali wunli hpe, adip arip di kau mu ai.

MIHKA 7:2

Dinghpring ai wa gaw, ga ntsa na htum mat sai; mung masha ni hta myit malang ai wa langai mi n nga sai; shanhte nlang asai jahkaw kau na gyam yu ma ai: langai hte langai tinang hpunau wa hpe, sumgawn hte hkan tam ma ai.

NAHUM 3:10

Rai timung, shi gaw rim la ai hkrum nna, bawng dung ai de sa wa ai: mare lam ni a mashe shagu hta, shi a ma kaji ni adit sat kau ai hkrum nna, arawng sadang lu ai ni a lam, shanhte hpaida da ai hte, daru magam rawng ai ni hpe, hpri sumri hte gyit ma ai.