EZEKELA 7:18 - Jinghpaw Hanson Version Bible

¹⁸ Shanhte gaw tinang hkum hpe lachyit nba lawai nna, hkrithpa shanhte hpe htinggrum na ra ai: myi man yawng sum mat nna, baw shagu kara doi kau ai hkrum na mara ai.

Jinghpaw Common Language Bible 2009

¹⁸ Shanhte gaw lachyit nba lawai nna yawng hkrit gari mat na mara ai. Shanhte a baw ni mung doi kau hkrum nna yawng gaw jahpoi hkrum na mara ai.

EZEKELA 7:18 ပူးပေါင်းရင်းမြစ်များ

NINGPAWT NINGHPANG 15:12

Jan du wa jang, Abram hta yup kaba du ai rai nna, ja ja htat ai nsin hta hkrit gari mat ai hkrum wu ai.

YOBA 21:6

Gaja wa, dai lam ngai dum yang, ngai mak mat nna, nye a hkum shan hkrit gari mat nga ai.

SHAKAWN KUNGDAWN 35:26

Ngai ru tsang hkrum ai majaw kabu ai ni, kaya kahpa hkrum nna mak mat mu ga; Nye a jaw e tinang hkum hpe shagrau ai ni, kaya kahpa hte myi man sum ai, dagrup nga mu ga.

ESAIA 3:24

Dai shaloi e manam pyaw ai baw a malai yat manam ai, shingkyit a malai sumri, kara hkri ai a malai baw hpye kan ai, lawai ai nba a malai lachyit sumding, tsawm htap ai a malai wan hkru ai hkang pru na ra ai.

YEREMIA 3:25

Anhte gaw kaya la let kaleng taw nna, anhte a mak mat ai gaw, anhte hpe ka-up u ga; kaning rai nme law anhte gaw, ram prat kaw nna dai ni du hkra, ji wa ni hte rau, anhte a Karai Kasang hpe yubak galaw saga ai: anhte gaw, anhte a Karai Kasang Yehowa a nsen hpe n madat ga ai, nga ma ai.

YEREMIA 48:37

Kaning rai nme law, masha yawng baw krin nna, nhka mun yawng doi kau hkrum masai: nlang lata jahpye nna, lachyit nba bu hpun ma ai.

YEREMIA 6:25

Yi hkauna de hkum sa myit, lam hkum hkawm myit: hpyen wa a nhtu hte shoihpa shoirang, shara magup rai nga ai.

YEREMIA 6:26

Nye a amyu shayi sha e, lachyit nba bu hpun nna, wan dap hta galwi nga u: kasha shingtai si ai zawn, yawn nga nna aja awa sharung shayawt nga u: jahten shabyak ai wa gaw, anhte a ntsa e akajawng sha du na ra ai.

EZEKELA 27:31

dai hta n-ga shanhte gaw, na a matu kara doi kau nna, lachyit nba bu hpun let, yawn hkyen ai myit hte hkrap ngu hkrap ngoi nna, ja ja sharung shayawt na mara ai.

YOELA 1:13

Hkinjawng ni e, lachyit nba bu hpun nna, hkrap shabam mu; tawn hkungri a amu gun hpai ai ni e, sharung shayawt mu: nye a Karai Kasang a man e daw jau ai ni e, sa marit; lachyit nba bu hpun let, shana tup taw nga mu: kaning rai nme law, lusha hkungga hte dumhpung hkungga hpe, nanhte a Karai Kasang a nta e, n nawng ya nga myit hka.

AMO LAIKA (AMOS) 8:10

Nanhte a pyaw poi ni hpe yawn hkyen ai hte, nanhte a mahkawn mangoi ga hpe sharung shayawt ai hte, ngai galai kau na nngai; masha yawng lachyit nba kyit nna, abaw yawng krin nga na lam, ngai shabyin na nngai; kasha shingtai si ai majaw hkrap ai zawn ngai hkrap shangun nna, de a jahtum ai gaw n hpru n mai ai nhtoi zawn tai na ra ai.