EZEKELA 7:14 - Jinghpaw Hanson Version Bible

¹⁴ Shanhte pahtau dum nna, hpyen hkyen timung, hpyen gasat na kadai n pru nga ai; kaning rai nme law, nye a sindawng kahtet ai gaw, dai shawa hpung ting a ntsa e rai nga ai.

Jinghpaw Common Language Bible 2009

¹⁴ Pahtau dum mu, masha shagu jin jin rai nga mu. Rai ti mung, Karai Kasang a sindawng kahtet ai gaw masha shagu a ntsa e maren mara hkrat bun na ra ai majaw kadai mung hpyen majan de n pru sa nga ai.

EZEKELA 7:14 ပူးပေါင်းရင်းမြစ်များ

YEREMIA 12:12

Nam mali na krin ai kawng ni mahkra ntsa e, kashun kashe re ai ni du masai; gaja wa, mung maga mi kaw nna mung maga mi du hkra, Yehowa nhtu hte shaza kau nga ai rai nna, kadai mung ngwipyaw lu ai n rai.

YEREMIA 4:5

“Mungdan hta e pahtau dum mu; jahtau garu nna, zuphpawng mu; bunghku kum ai mare ni de anhte lung ga,” nga nna tsun ai ga hpe, Yuda mung hta e shana ya mu, Yerusalem mare hta shabra dat mu.

YEREMIA 51:27

Dai mung hta dawnghkawn sharawt mu; amyu baw ni hta pahtau dum mu; shi hpe gasat na, masha amyu ni hpe hkyen tawn mu; shi hpe wang tawn na matu, Ararat, Minni, Ashkena mungdan ni hpe jahpawng mu; shi a ntsa e hpyen agyi san da mu: dinggam-yaw zawn kamawng ai gumra hpyen ni gaw, shi hpe gasat na matu lung wa mu ga.

YEREMIA 6:1

“Ben-yamin a kashu kasha ni e, Yerusalem mare na pru nna, lawt hkra hprawng mu; Tekoa kahtawng e pahtau dum mu; Bet-hahkerem e kumla sharawt mu: kaning rai nme law, ruyak ai hte jahten shabyak kaba, dingdung maga de na dawng pru nga ai.

YEREMIA 6:11

Dai re ai majaw, Yehowa a myit kahtet ai hte ngai hpring nga nngai; naw sharang nga lu ai n rai; “Mare lam e nga ai ma ni a ntsa e mung, zuphpawng nga ai shabrang ni a ntsa e mung, dai hpe ru dat u: madu wa hte madu jan mung, aprat kaba ai hte dingla ugut gu ai ni mung, rim la ai hkrum na mara ai.

YEREMIA 7:20

“Dai re ai majaw, Madu Yehowa ning nga ai: Yu u, ndai shara ntsa e mung, masha hte yamnga ntsa e mung, pa ga na hpun ni hte yi hkauna nsi naisi a ntsa e mung, nye a pawt sindawng ai hte myit kahtet ai hpe ngai ru dat nna, dai gaw n krip ai, hkru nga na ra ai.”

SHARUNG SHAYAWT 2:3

Shi pawt bu nna, Israela nrung yawng hpe daw kau nu ai; Hpyen ni a man e shi a hkra lata dawm la nu ai: Shara shagu hkru ai sharaw zawn, Yaku hpe hkru kau nu ai.

SHARUNG SHAYAWT 2:4

Hpyen wa zawn shi ndan shachyen nna, shi a hkra lata sharawt let, gumlau ni a maga e tsap nga ai; Tsawm htap ai ni yawng hpe, shi sat kau nu ai; Ziun shayi sha a sum kata de, wan zawn shi a pawt sindawng ai hpe ru dat nu ai.

BU HKAWM 10:9

Nanhte tinang a mungdan hta nga nga yang, nanhte hpe gasat sa ai hpyen ni hpang de hpyen rawt yang, dai pahke hpe awn ai hku nanhte dum na rai myit dai: shaloi nanhte a Karai Kasang Yehowa nanhte hpe myit dum nna, hpyen ni a lata na, nanhte hkye hkrang la ai lu la na rai myit dai.