EZEKELA 7:13 - Jinghpaw Hanson Version Bible

¹³ Dut ai wa gaw, asak lawt lu timung, tinang dut ai ga de nhtang wa lu na, n rai; dai shingran gaw shawa hpung ting hte seng nga ai; n dik ai nga lu na n rai; kadai rai timung, tinang n tara ai amu hta, kaba wa lu ai n rai.

Jinghpaw Common Language Bible 2009

¹³ Karai Kasang a sindawng kahtet ai gaw masha shagu a ntsa e nga nga ai majaw, hpaga masha kadai mung shi sum kau sai arang bai nhtang lu la hkra asak galu nga lu na ra ai n rai. N hkru ai amu galaw ai ni mung asak hkrung nga lu na mara ai n rai.

EZEKELA 7:13 ပူးပေါင်းရင်းမြစ်များ

ESHTA 8:8

Rai timung, hkawhkam a amying gang let ka ai hte, hkawhkam lachyawp dazik shakap ai laika hpe, kadai mung n shabai kau lu nga ai majaw, nan mung myit ra ai hte maren, hkawhkam a mying gang let, Yuda masha ni a lam, ka shabra dat mu,” ngu nna hkawhkam jan Eshta hte, Yuda masha Mordehkai hpe tsun mu ai.

YOBA 15:25

Hpa majaw nga yang, Karai Wa hpe shi lale nna, n-gun chyalai rawng ai wa a man e myit kaba nga ai.

SHAKAWN KUNGDAWN 52:7

“Yu mu, Karai Kasang hta n shingbyi nga ai, Shi a sutgan hpe shamyet nna, Shi a n hkru ai hta ngang nga ai share wa gaw, ndai wa rai nga ai,” nga na mara ai.

HPAJI NINGLI 8:8

Kadai mung wenyi ntsa e up nna, jahkring da lu ai, n rai; si nhtoi hpe mung, kadai up lu ai, n rai: ndai hpyen majan hta lawt lu na lam n nga ai: tara n lang ai amu gaw, galaw ai wa hpe hkrang la lu ai, n rai.

EZEKELA 12:25

Ngai Yehowa rai nga nngai; ngai ga tsun nna, ngai tsun ai ga gaw, dik na ra ai: dai gaw hkring nga lu na n rai; gumlau chye ai amyu e, nanhte a lakhtak e ngai ga tsun nna, dai hpe shadik na we ai,” nga nna Madu Yehowa tsun ai.

EZEKELA 12:28

“Dai re ai majaw Madu Yehowa ning nga ai, ‘Nye a ga langai mi muk, naw hkring nga lu na n rai; ngai tsun ai ga gaw dik na ra ai,’ ngu nna shanhte hpe tsun mu, nga ai.

EZEKELA 13:22

Kaning rai nme law, ngai n shayawn yu ai dinghpring ai wa a myit masin hpe, nanhte masu ga hte shayawn kau nna, tara n lang ai wa gaw hkye la ai n hkrum lu hkra, tinang a n hkru ai lam n kau da na matu, shi a lata hpe n-gun shaja ya mu ai:

JAW JAU 25:13

Pahtau garu shaning hta kadai mung myi na tinang a ga de bai wa na rai myit dai.

JAW JAU 25:31

Bunghku n kum ai kahtawng hkan na nta chyawm gaw yi hkauna ga hpe zawn bai shaw lu na rai nga ai: pahtau garu shaning du yang mung dat ya lu na rai nga ai.