EZEKELA 7:11 - Jinghpaw Hanson Version Bible

¹¹ Kashun kashe gaw tara n lang ai wa a dawhkrawng tai wa sai; rai timung, shanhte hta na mung, shanhte a wunawng wuwa ni hta na mung, shanhte a arung arai hta na mung, langai mi ngam nga na n rai; shanhte hta hpung rawng ai mung nga lu na, n rai.

Jinghpaw Common Language Bible 2009

¹¹ Kashun kashe du daw sai hkaw amu gaw grau nna n shawp ai amu hpe shadan shapraw ya nga ai. Shanhte a ngamu ngamai ai sut gan, hkik hkam ai arawng sadang hte shanhte a hpung ningja dan hkung ai hpa mung shanhte hta nga na ra ai n rai.

EZEKELA 7:11 ပူးပေါင်းရင်းမြစ်များ

SHAKAWN KUNGDAWN 125:3

Dingman ai ni, n hkru ai amu hpe, tinang a lata hte n galaw lu mu ga, Tara n lang ai ni a up ai sumdoi, Dingman ai ni a sali wunli a ntsa e, mara lu na n rai.

SHAKAWN KUNGDAWN 73:8

Shanhte roi nna kashun kashe na lam tsun ma ai. Gumrawng gumtawng ga a tsun nga ma ai.

SHAKAWN KUNGDAWN 78:64

Hkinjawng ni nhtu hte si ma timung, Gaida jan ni n hkrap lu ma ai.

ESAIA 14:29

Hpilisti mung ting e, nang hpe kayat ai ri tawng daw mat ai majaw, hkum kabu et; kaning rai nme law, dai lapu amyu hta na pu htum pru nna, de a hkalung ni gaw pyen chye ai wan lapu tai na mara ai.

ESAIA 5:7

Zaw nawng zaw wa up ai Yehowa a tsabyi sun chyawm gaw, Israela amyu rai nga ai; shi tsawra mai ai bawng gaw, Yuda masha ni rai nga ma ai: shi gaw tara ding ai hku myit mada timung, yu u, adip arip ai hkrai mu nga ai; dinghpring ai hpe myit mada timung, yu u, jahtau shabam ai hkrai na nga ai.

ESAIA 9:4

Hpyen luksuk laba ni a hpyen kyepdin hte, sai galu ai hpun nba ni yawng, wan nat na matu wan shat tai na ra ai.

YEREMIA 22:18

Dai re ai majaw Yehowa gaw, Yuda hkawhkam Yoshia kasha Yehoiakim hpe lakap nna ning nga ai: Dai wa si yang, mung masha ni gaw, Aka, hpu e, ala, jan e, nga nna hkrap na ma ai n rai; bai, shi a matu mung, Aka, madu du e, ala, shi a arawng sadang e, nga nna sharung shayawt na ma ai n rai.

YEREMIA 25:33

Dai shani e, Yehowa lata hte sat kau hkrum ai ni gaw, lamu ga maga mi kaw nna maga mi du hkra, jawng na mara ai; shanhte hpe sharung shayawt na n rai; hta na mung n rai, lup makoi na mung n rai; ga ntsa e namhpun tai na mara ai.

YEREMIA 6:7

Hka hpawk mahka e hka lwi pru ai zawn, dai mare gaw n hkru n hkra ai hpe shalwi dat nga ai; de a kata de kashun kashe hte jahten shabyak ai nsen na lu ai; machyi makaw hte hkala nba hpe ngai tutnawng mu nngai.

YEREMIA 7:34

Dai shaloi e ngai gaw, Yuda mare ni hte Yerusalem mare lam ni hta na, kabu gara ai nsen, mani pyaw ai nsen, la ningnan a nsen, num ningnan a nsen, jasim kau na nngai; kaning rai nme law, mung ting katsi katsang tai mat na ra ai,” nga ai.

EZEKELA 45:9

Madu Yehowa ning nga ai: Israela du ni e, ram manu ga; adip arip hte kashun kashe amu kau da nna, tara hte dinghpring ai lam hkan galaw mu: nye a amyu masha ni hpe zingri zingrat hkum rai myit,” nga nna Madu Yehowa tsun ai.

EZEKELA 5:11

Dai re ai majaw, Madu Yehowa ning nga ai: Nang gaw na a n san n seng ai, matsat shabat amu mahkra hte nye a Chyoi pra ai shara hpe awu asin di kau ai majaw, ngai hkrung nga ai hte maren, ngai nang hpe shayawm na de ai: nye a myi lahpawt dum na n rai; ngai mung matsan dum na n rai.

EZEKELA 5:4

Dai hta na nkau mi bai la nna, wan hta kabai nat kau u: dai wan hta na, Israela dap ting hpe hkru kau na wan pru na ra ai.

EZEKELA 6:11

Bai, Madu Yehowa ning nga ai: “Israela amyu galaw hkrup ai matsat shabat amu mahkra a majaw, Dingnye nga u ga law, nga nna lata kahpret u, lagaw shingdit u: kaning rai nme law, shanhte gaw, ri nhtu, hku wa wa ai, ana zinli hte kadawng si na mara ai.

EZEKELA 7:16

Lawt lu ai ni mahtang lawt lu timung, langai hte langai tinang a yubak majaw madai let, kadit na hkrudu zawn, bum ntsa e nga mat na mara ai.

EZEKELA 7:23

Hpri sumri hpe galaw u; mungdan gaw masha sat ai yubak hte hpring nga nna, mare gaw kashun kashe hte chyat nga ai.

EZEKELA 8:17

Dai rai nna shi gaw, “Masha kasha e, dai amu hpe nang mu nu ni? Yuda dap ni gaw, ndai yang e galaw ai matsat shabat amu, kaji nga a ni? shanhte gaw mung ting hpe kashun kashe hte jahpring nna, ngai hpe bai pawt bu shangun ma ni ai: yu mu, shanhte gaw tsabyi ru lakung hpe ladi nchyun e lang ma ai.

AMO LAIKA (AMOS) 3:10

Kaning rai nme law, tinang a htingnu ni hta kashun kashe hte, hpya lu hpya sha ai sut, mahkawng da ai ni gaw, malang ai hku n chye galaw ma ai, nga nna Yehowa tsun ai.

AMO LAIKA (AMOS) 6:3

Nanhte gaw ari hkrum na nhtoi hpe sharen kau nna, kashun kashe ni a tingnyang hpe shani tawn myit dai:

MIHKA 2:2

Dai ni gaw, yi hkauna marit nna kashun la ma ai; nta hpe ra nna, gare la ma ai; kaja ai wa hte shi a dap hpe, madu hte shi a sali wunli hpe, adip arip di kau mu ai.

MIHKA 3:3

nye amyu masha ni a hkum shan hpe pyi nanhte sha nna, shanhte a hpyi gaw kau ai hte, nrut nra ni hpe agrawp kau nhtawm dibu hta shadu na matu azat nna, sau di hta rawng ai shan zawn, shatai mu ai.

MIHKA 6:12

Kaning rai nme law, dai mare na sut su ai ni gaw kashun kashe majaw lu su ma ai; yu maya ni gaw masu ga tsun nna, shanhte a n-gup hta hkalem hkalau ai shinglet tu nga ai.

ZEHPANI 1:18

Yehowa a sindawng kahtet ai nhtoi hta, shanhte a ja gum hpraw gaw, shanhte hpe mawai la lu na n rai; shi n-yun bu ai wan gaw, mung ting hpe hkru kau na ra ai: kaning rai nme law, shi gaw mung masha ni mahkra hpe alawan shamyit kau na ra ai.

YAKU 2:13

Kaning rai nme law, matsan dum na myit n rawng ai wa gaw, matsan dum ai hku n re ai sha, dawdan ai hkrum na ra ai. Matsan dum ai lam chyawm gaw, dawdan ai lam hta grau nna awng wa lu ai.