EZEKELA 7:10 - Jinghpaw Hanson Version Bible

¹⁰ Dai nhtoi hpe yu u; gaja wa dai du ra ai; nang ari hkrum sha na, dawdan ngut sai; shingna pu pu sai, gumrawng gumtawng asi si sai.

Jinghpaw Common Language Bible 2009

¹⁰ Tsin-yam tsindam nhtoi gaw du ra ai. Kashun kashe du daw sai hkaw amu gaw prut gumjawm lung wa nga ai. Gumrawng gumtawng ai mung tsaw dik sai.

EZEKELA 7:10 ပူးပေါင်းရင်းမြစ်များ

SHAKAWN KUNGDAWN 89:32

Ngai shanhte a mara hpe shingna hte, Shanhte a shut hpyit ai hpe kayat ai hte, ari jaw na mawe ai.

GA SHAGAWP 14:3

Nyan tang ai wa a n-gup hta gumrawng ai matu, shingna rawng nga ai; Hpaji rawng ai ni a n-gup chyawm gaw, shanhte hpe bau sin nga ai.

GA SHAGAWP 16:18

Gumrawng gumtawng ai gaw, hten byak ai a shawng e, Myit kaba ai gaw, kadawng mat ai a shawng e, rai nga ai.

ESAIA 10:5

Asuri wa e, nye a pawt sindawng ai ri nang rai nga nna, nang lang ai hkawn, nye n-yun bu ai myit rai nga ai.

ESAIA 21:12

Sin ai wa gaw, Jahpawt manap du ra ai; shana mung bai du ra ai; nanhte bai san mayu yang, jasan mu; nhtang wa manu, bai sa marit,” nga ai.

ESAIA 28:1

Tsabyi jahku nang nna, sau hpum ai kadit mahka e nga ai, Ehprim a chyaru ya ni a gumrawng ai janmau hte, nyui mat magang ai arawng sadang a nampan gaw, dingnye nga u ga.

EZEKELA 12:23

Dai re ai majaw Madu Yehowa ning nga ai. “Dai ga malai hpe ngai shamat kau nna, htawm hpang de Israela amyu hta tsun lu na n rai: aten ladaw ni wa sai. Shingran yawng dik wa na ra ai, ngu nna shanhte hpe htawn tsun mu.

EZEKELA 19:14

De a lakung lakying na dawhkrawng langai mi hta na wan pru nna, de a asi hpe hkru kau wu ai; hkawhkam sumdoi tai na matu, ngang ai dawhkrawng langai mi ya n nga sai law. Dai gaw sharung shayawt ai ga rai nga nna, sharung shayawt na matu tai na ra ai.”

EZEKELA 21:10

shing rai, ngai Yehowa nan nye a nhtu hpe n-ga hta na shaw nga ai gaw, hkrung mahkrung chye lu na mara ai: dai gaw n-ga de bai nhtang wa na n rai.

EZEKELA 21:13

“Bai Yehowa mungga ngai kaw du nna,

EZEKELA 30:3

Dai nhtoi ni sa, gaja wa, Yehowa nhtoi ni sai; dai gaw sumwi htat ai shani, maigan amyu ni matu madat da ai aten, rai na ra ai.

EZEKELA 7:12

Aten du sai, nhtoi gu sai; mari ai wa gaw hkum kabu et, dut ai wa mung hkum yawn et; kaning rai nme law, yawng mayawng a ntsa e sindawng kahtet ai jung nga ai.

EZEKELA 7:6

Htum mat ai du ra ai, dai htum mat ai du ra ai; nang hpe la let du ra ai; yu u, dai gaw du ra ai.

EZEKELA 7:9

Nye a myi lahpawt dum na n rai, ngai matsan dum na n rai: na a arawn alai hte maren, ngai nang hpe ari jaw na nngai; nang galaw ai matsat shabat amu, na a ka-ang e jung nga na ra ai: shing rai, ngai Yehowa ari jaw ai hpe, nanhte chye lu na marin dai.

Daniela 4:37

Ya ngai Nebuhkadneza gaw, sumsing lamu na Hkawhkam wa hpe shakawn kungdawn, shagrau sha-a ai hte, hkungga lara rai nga nngai: shi galaw da ai yawng mayawng tengman nga nna, shi a lam ni dinghpring nga ai: shi gaw gumrawng gumtawng ai ni hpe shagrit kau lu nga ai, nga nna shara shagu mungga shabra dat wu ai.

YOELA 1:15

Ala, dai nhtoi du ra ai; Yehowa a nhtoi ni magang wa nna, dai gaw hten byak ai shani zawn, Chyahtum Chyalai N-gun rawng ai wa kaw na, du na ra ai.

BU HKAWM 17:8

Hpang jahpawt e dai sakse sum kata de Mawshe shang yu yang, yu u, Lewi nta ngu na Arun a dawhkrawng gaw alap lap ai hte pu majawm nna, pu lagra ai hte myin ai batan si si nga ai.

1 HTESALONI 5:3

Shanhte gaw, Ngwipyaw ai hte asan apan rai nga ai, nga nna tsun ma yang gaw, na-um nasin re ai numsha gaw shinggyim machyi hkrum ai zawn, shanhte a ntsa e hten byak wa ai gaw akajawng sha du na ra ai rai nna, shanhte kaning rai mung hprawng wa lu na ma ai n rai.

YAKU 4:6

Shi mahtang gaw grau kaba ai chyeju a jaw nga ai. Dai rai nna, Karai Kasang gaw gumrawng gumtawng ai ni hpe gang hkum kau nna, myit nem ai ni hpe chyeju jaw ya wu ai, nga nna laika tsun nga ai.