EZEKELA 6:9 - Jinghpaw Hanson Version Bible

⁹ Shing rai, ngai hpe kau da nna, n se ai myit masin hpe mung, hpara sumla ni hte shut mayu nna, hkan yu ai myi ni hpe mung, ngai kaning rai agrawp kau ai hpe, nhtu lawt lu ai ni gaw, bawng dung ai mung hta matsing nga ma yang, shanhte ngai hpe maigan amyu ni hta dum lu nna, tinang galaw hkrup ai matsat shabat amu mahkra a majaw, tinang myi man hpe pyi, matsat kau na mara ai.

Jinghpaw Common Language Bible 2009

⁹ dai ni gaw bawng dung hkrum ai mung hta nga nga na mara ai. Shanhte a n kam ai myit masin ni hte ngai hpe kau da ai hte ngai hta hpara sumla ni hpe grau nna ra sharawng nga ma ai majaw, ngai shanhte hpe ari jaw ai hte jahpoi kau ni ai hpe shanhte dum chye wa na mara ai. Shanhte gaw shanhte galaw ai n hkru ai amu ni hte matsat shabat re ai grit nem ai amu galaw ai a majaw, shanhte hkum hpe nan matsat kau na mara ai.

EZEKELA 6:9 ပူးပေါင်းရင်းမြစ်များ

2 HKAWHKAM 16:10

Bai hkawhkam Ahaza gaw, Asuri hkawhkam Tiglat-pilese hpe sa bawp la na nga, Damasku mare de lung wa yang, dai mare na tawn hkungri hpe mu da wu ai rai nna, hkawhkam Ahaza gaw de a kasi hte galaw tawn ai hkrang sumla hpe, hkinjawng Uria hpang de shagun dat wu ai.

YOBA 42:6

Dai re ai majaw, nye hkum dai hpe ngai matsat kau nna, ga nhpu hte wan dap hta myit nem nga nngai law,” nga ai.

SHAKAWN KUNGDAWN 137:1

Babelon hka nu hka shi ni a makau e, anhte dung nga nna, Ziun hpe myit dum yang, hkrap nga ga ga ai.

SHAKAWN KUNGDAWN 78:40

Nam mali hkan e shanhte gade lang gumlau nga nna, Hkraw krin ai shara e, shi hpe myit shayawn da mu hka!

ESAIA 43:24

Nang gaw nye a matu gumhpraw hte manam pyaw ai baw mari ai n rai; shagu hkungga sau man hte ngai hpe jaw jahkru ai n rai; nang chyawm gaw, na a yubak hte ngai hpe lit shali nna, na a mara hte hki ba shangun nga n hka.

ESAIA 63:10

Shanhte chyawm gaw gumlau nna, shi a Chyoi pra ai Wenyi hpe shayawn mu ai: dai re ai majaw, shi shanhte hpe hpyen ai wa tai nna, shi nan shanhte hpe hpyen gasat mu ai.

ESAIA 64:6

Anhte yawng n san n seng ai wa zawn tai saga ai; anhte a dinghpring ai lam yawng, agang chyalang re ai hpun nba hte bung nga ai; anhte yawng namlap zawn nyip mat nna, anhte a shut hpyit ai gaw, nbung zawn, anhte hpe ahpawt kau mani ai.

ESAIA 7:13

Shaloi shi gaw, “Dawi a dap ni e, madat mu: nanhte gaw masha hpe n kaw n law di na, hpa n nawn ai hta n-ga, nye a Karai Kasang hpe mung, n kaw n law di na myit ni?

YEREMIA 3:13

Nang gaw shut hpyit nna, na a Karai Kasang Yehowa a tara tawt lai ai hte, tsit lali ai hpun shagu npu e, tsasam masha ni hte kahkrang hkawm nna, nye a nsen n madat ai hpe, yin la u, nga nna Yehowa tsun ai.

YEREMIA 3:6

Bai, hkawhkam Yoshia lakhtak e, Yehowa ngai hpe ning nga ai: Htak mat sai Israela amyu hpe nang mu nu ni? shi gaw, tsaw ai bum shagu a ntsa e mung, tsit lali ai hpun shagu a npu e mung, shawa num tai wa sai.

YEREMIA 51:50

Nhtu tsin-yam lawt ai ni e, sa wa mu, hkum hkring nga myit: sumtsan mung hta Yehowa hpe dum nna, Yerusalem mare hta myit manoi nga mu.

EZEKELA 12:16

Rai timung, ngai gaw, shanhte hta na nkau mi hpe, ri nhtu, hku wa hte ana zinli kaw na shalawt dat nna, shanhte du na ra ai masha amyu ni hta, shanhte gaw tinang a matsat shabat lam mahkra hpe shapraw dan hkat na mara ai: shaloi, ngai Yehowa rai nga ai hpe shanhte chye lu na mara ai,” nga ai.

EZEKELA 16:43

Kaning rai nme law, nang gaw na a hkawn ram prat hpe n dum ndai; ndai lam shagu hta ngai hpe gumlau ndai: dai re ai majaw, yu u, na a yubak hpe na a baw ntsa de ngai shapraw na nngai; na matsat shabat amu mahkra a ntsa e, ndai n san n seng ai hpe galaw kahtap lu sa na n rai,” nga nna Madu Yehowa tsun ai.

EZEKELA 16:61

Nang gaw yin la ai ga shaka hpe n hkan timung, na nnau nna ni hpe na a shayi sha tai na matu, ngai nang hpe jaw nna, nang shanhte hpe hkap la yang, na a arawn alai hpe nang myit dum nna, kaya nga na ndai.

EZEKELA 16:63

nang galaw yu ai yubak mahkra hpe, ngai raw dat kau yang, nang myit dum nna, kaya ai hte mak mat ai majaw, htawm hpang de n-gup n hpaw ai nga nga na ndai,’ nga nna Madu Yehowa tsun ai,” nga ai.

EZEKELA 20:24

kaning rai nme law, shanhte gaw nye a tara dara ai lam ni hpe n hkan galaw, nye a matsun maroi ga ni hpe kau da, nye a laban nhtoi ni hpe awu asin di kau ai hte, shanhte a myi gaw kaji kawa ni a hpara ni hpe mada nga ai.

EZEKELA 20:28

shanhte hpe jaw na ngu, ngai dagam da ai mung de, woi wa yang, shanhte gaw tsaw ai kawng shagu hte, wum ai hpun shagu hkungga nawng ya let, ngai hpe pawt bu shangun ai kumhpa ni jaw nga ma ai: dai yang e mung, shanhte manam pyaw ai baw nat nawng ya nna, dumhpung hkungga ru jaw mu ai.

EZEKELA 20:43

Nanhte tinang hkum hpe awu asin di kau ai arawn alai mahkra hpe, dai mung hta nanhte myit dum nna, galaw hkrup ai yubak mahkra a majaw, tinang hkum hpe tinang nan matsat kau na marin dai.

EZEKELA 20:7

dai shaloi ngai gaw, ‘Nanhte langai hte langai, tinang yu ra ai matsat shabat amu kau da nna, Egutu mung na hpara ni hte, tinang hkum hpe awu asin hkum di kau myit: ngai gaw nanhte a Karai Kasang Yehowa rai nga nngai,’ ngu nna shanhte hpe tsun ni ai.

EZEKELA 23:30

“Nang gaw maigan amyu ni hte shut hpyit nna, shanhte a hpara sumla ni hte, tinang hkum hpe awu asin di kau nu ai majaw, ndai hte hpe nang hkrum na ndai.

EZEKELA 5:13

Shing rai ngai pawt bu ai myit dik na ra ai: shanhte a majaw, nye myit kahtet ai, ngai jasim nna, ngai myit pyaw lu na nngai; shanhte a ntsa e nye pawt bu ai myit shadik yang, ngai Yehowa gaw sindawng kahtet nna, tsun ai hpe, shanhte chye lu na mara ai.

EZEKELA 6:10

Shing rai, Ning re ai ari ngai shanhte hpe jaw na nngai, nga nna ngai Yehowa kaman n tsun ai hpe, shanhte chye lu na mara ai.”

EZEKELA 7:16

Lawt lu ai ni mahtang lawt lu timung, langai hte langai tinang a yubak majaw madai let, kadit na hkrudu zawn, bum ntsa e nga mat na mara ai.

HOSEA 11:8

“Ehprim e, ngai nang hpe kaning rai kau da lu na rai ta? Israela e, nang hpe kaning rai ap kau lu na rai ta? Adma mare zawn, nang hpe kaning di shatai kau lu na rai ta? Zeboim mare zawn, kaning di tawn da na rai ta? Nye kraw kata e nye a myit galai nga nna, nye a n-gaw nwai ai myit katu nga ai.

AMO LAIKA (AMOS) 2:13

Yu mu, hkauling hte hpring ai leng, li dip nga ai hte maren, nanhte a shara hta, ngai nanhte hpe dip na nngai.

MIHKA 5:13

na a tawk ai sumla ni hte, na a shadaw ni hpe, na a ka-ang na ngai jahtum kau nna, nang gaw htawm hpang e, na a lata hte galaw ai arai ni hpe, nawku lu na n rai;

ZEHKARIA 10:9

Ngai shanhte hpe nli zawn, masha amyu ni hta, gat ayai na nngai: shanhte gaw sumtsan mung ni hta e, ngai hpe dum na mara ai: shanhte mung kashu kasha ni hte rau hkrung nga nna, bai wa lu na mara ai.

BU HKAWM 15:39

dai banbyau ni hpe nanhte mu jang, Yehowa tsun matsun dum ai hte hkan shatsup lu myit ga, shawng de tinang yit hte tinang ra ai hku hkan nna shut hkawm ai zawn, bai n hkan shut ai sha;

2 PETRU 2:14

Shanhte a myi gaw num shaw ai amu hte yubak baw sumhpa hte hpring chyat nga ma ai rai nna, shanhte gaw n ngang n hkang re ai ni hpe lau la mu ai: shanhte myit lawhpa ai hta maju jung nga malu ai; dagam dala hkrum ai kashu kasha ni mung, shanhte rai nga ma ai.