EZEKELA 6:7 - Jinghpaw Hanson Version Bible

⁷ Hkala nba si hkrum ai ni, nanhte a ka-ang e kadawng taw nna, ngai Yehowa rai nga nngai, nanhte chye lu na marin dai.

Jinghpaw Common Language Bible 2009

⁷ Amyu masha ni gaw shara shagu hkan sat kau hkrum na mara ai, ngai nan dai Madu rai nga nngai hpe naw ngam nga ai ni yin la na mara ai.

EZEKELA 6:7 ပူးပေါင်းရင်းမြစ်များ

EZEKELA 38:23

Shing rai ngai gaw, nye hkum hpe shagrau shatsaw nna, shachyoi shapra ai hte, maigan amyu law law a man e chye shangun na nngai: shaloi ngai Yehowa rai nga ai hpe, shanhte chye lu na mara ai.”

EZEKELA 35:15

Israela dap a sali wunli ga katsi katsang tai mat ai hpe, nang kabu nga ndai majaw, dai hte maren ngai nang hpe di na nngai: Seira bum e, nang hte Edom mung ting, katsi katsang tai mat nna, ngai Yehowa rai nga ai hpe, shanhte chye lu na mara ai,” nga ai.

EZEKELA 30:26

Egutu masha ni hpe maigan amyu ni hta ngai shabra kau nna, mungdan ni hta ayai kau na nngai: shing rai ngai Yehowa rai nga ai hpe, shanhte chye lu na mara ai,” nga ai.

EZEKELA 28:23

Dai mare hpang de ana zinli hte, de a mare lam ni hta gasat gala, ngai shangun na nngai: grup yin gasat ai nhtu hte hkala nba hkrum ai ni, de a ka-ang e kadawng taw yang, ngai Yehowa rai nga ai hpe, shanhte chye lu na mara ai.

EZEKELA 26:6

Yi hkauna e nga ai shayi sha ni gaw nhtu hte si nna, ngai Yehowa rai nga ai hpe shanhte chye lu na mara ai,” nga ai.

EZEKELA 25:17

ja la ai sharin achyin ai hte, ngai shanhte hpe grai matai htang na nngai; shing rai, ngai shanhte hpe matai htang yang, ngai Yehowa rai nga ai hpe shanhte chye lu na mara ai,” nga nna Madu Yehowa tsun ai.

EZEKELA 24:27

Dai shani e nang gaw lawt lu ai wa hpe, atsin sha n nga ai, n-gup hpaw nna ga tsun na ndai: shing rai nang gaw shanhte a matu kumla tai nna, ngai Yehowa rai nga ai hpe, shanhte chye lu na mara ai, nga ai.

EZEKELA 24:24

Shing rai Ezekela gaw nanhte a kumla tai na ra ai; shi galaw ai hku mahkra hte maren, nanhte galaw na marin dai; dai amu byin yang, ngai Yehowa rai nga ai hpe nanhte chye lu na marin dai.”

EZEKELA 23:49

Shanhte gaw nan a n se ai amu hte maren nan hpe bai tai na mara ai; nan a hpara sumla ni hte galaw ai yubak hpe, nan hkrum sha nna, ngai Madu Yehowa rai nga ai hpe, nan chye lu na marin dai,” nga ai.

EZEKELA 20:44

Israela dap e, nanhte a n hkru ai arawn alai hte, nanhte a n seng ai amu hte maren, ngai nanhte hpe n dawdan ninglen, nye a amying ningsan tau let, nanhte hpe dawdan yang, ngai Yehowa rai nga ai hpe, nanhte chye lu na marin dai,” nga nna Madu Yehowa tsun ai.

EZEKELA 20:42

Nanhte a nji nwa ni hpe jaw na ngu, ngai dagam da ai Israela mung de, ngai nanhte hpe woi jashawn yang, ngai Yehowa rai nga ai hpe, nanhte chye lu na marin dai.

EZEKELA 20:38

ngai hpe gumlau nna, tawt lai ai ni hpe, nanhte a kata na ngai tsan kau na nngai: shanhte shanu nga ai mungdan ni hta na, ngai shanhte hpe shapraw kau timung, Israela mungdan hta shang lu na n rai: shaloi ngai Yehowa rai nga nngai hpe, nanhte chye lu na marin dai.”

EZEKELA 15:7

Ngai shanhte hpe hkap gasat na nngai; shanhte gaw wan mang mi na pru nna, wan mang mi hta hkru na mara ai; shing rai, ngai shanhte hpe hkap gasat yang, ngai Yehowa rai nga ai hpe, nanhte chye lu na marin dai.

EZEKELA 14:8

ngai dai wa hpe hkap daw nna, mauhpa shara, kumla hte ga malai shatai let, nye a amyu masha ni hta na shi hpe shapraw kau nna, ngai Yehowa rai nga ai hpe, nanhte chye lu na marin dai.

EZEKELA 13:23

dai re ai majaw, nanhte htawm hpang de kaman lila shingran mu lu na n rai; shaba mung wawt lu na n rai: nye a amyu masha ni hpe nanhte a lata na ngai mawai la na nngai: ngai Yehowa rai nga ai hpe nanhte chye lu na marin dai,’ nga ai.”

EZEKELA 13:21

Nanhte a baw magap ni hpe mung, ngai gang je kau nna, nye a amyu masha ni hpe nanhte a lata na mawai la na nngai: shanhte gaw htawm hpang e rim la ai n hkrum nna, ngai Yehowa rai nga ai hpe, nanhte chye lu na marin dai.

EZEKELA 13:14

Shing rai, namhtun chya ai bunghku hpe, ga du hkra ngai sharu kau nna, de a npawt nhpang ni dawng pru na ra ai; dai ru hkrat nna, nanhte kamyet si ai hkrum na myit dai: shaloi ngai Yehowa rai nga ai hpe, nanhte chye lu na marin dai.

EZEKELA 13:9

Kaman lila shingran mu nna, masu lam shaba wawt ai myihtoi ni hpe, nye a lata hkap gasat na ra ai; shanhte gaw nye amyu a salang hpawng hta lawm lu na, n rai, shanhte a amying hpe Israela amyu a jahpan hta ka shalawm lu na, n rai; Israela mungdan hta mung shang lu na, n rai; shing rai, ngai Madu Yehowa rai nga ai hpe, nanhte chye lu na marin dai.

EZEKELA 12:15

Shing rai ngai gaw shanhte hpe masha amyu ni hta shabra kau nna, mungdan shagu de ayai kau yang, ngai Yehowa rai nga ai hpe, shanhte chye lu na mara ai.

EZEKELA 11:10

Nanhte ri nhtu hte kadawng si na myit dai; Israela lamu ga jarit e, ngai nanhte hpe dawdan nna, ngai Yehowa rai nga ai hpe, nanhte chye lu na marin dai.

EZEKELA 9:7

Bai shi gaw, “Nta hpe awu asin di kau mu; wang ni hpe sat kau hkrum ai ni a si mang hte jahpring mu; pru wa manu,” nga nna tsun ai hte maren, shanhte pru wa nna, mare hpe shaza kau mu ai.

EZEKELA 7:9

Nye a myi lahpawt dum na n rai, ngai matsan dum na n rai: na a arawn alai hte maren, ngai nang hpe ari jaw na nngai; nang galaw ai matsat shabat amu, na a ka-ang e jung nga na ra ai: shing rai, ngai Yehowa ari jaw ai hpe, nanhte chye lu na marin dai.

EZEKELA 7:4

Nye a myi nang hpe lahpawt dum na n rai; ngai matsan dum na n rai; na arawn alai hte maren ngai nang hpe nhtang jaw nna, nang galaw ai matsat shabat amu, na a ka-ang e jung nga na ra ai: shaloi, ngai Yehowa rai nga ai hpe, nanhte chye lu na marin dai.”

EZEKELA 6:13

Tawn hkungri ni a grup yin e hpara sumla ni hte hpawn, tsaw ai kawng shagu a ntsa e mung, bum pungding shagu a ntsa e mung, tsit lali ai hpun shagu a npu e mung, shingnip tsawm ai wamyi hpun shagu a npu e mung, hpara ni hpe manam pyaw ai baw nat nawng ai shara shagu hta mung, shanhte a hkala nba si hkrum ai moi mang ni jawng nga ma ai hpe, mu myit yang, ngai Yehowa rai nga nngai, nanhte chye lu na marin dai.

SHARUNG SHAYAWT 4:9

Ri nhtu hte si ai ni gaw, kawsi hpang gara hte si ai ni hta, grau chyamai nga ma ai: Shanhte gaw, nsi naisi htum ai majaw, lasi lamun rai let nsa hkyet mat masai.

YEREMIA 25:33

Dai shani e, Yehowa lata hte sat kau hkrum ai ni gaw, lamu ga maga mi kaw nna maga mi du hkra, jawng na mara ai; shanhte hpe sharung shayawt na n rai; hta na mung n rai, lup makoi na mung n rai; ga ntsa e namhpun tai na mara ai.

YEREMIA 18:21

Dai re ai majaw, shanhte a kashu kasha ni hku wa hkrum nna, shanhte hkum nan ri nhtu hte si mu ga: shanhte a num ni gaw, maudung dung nna, gaida tai mu ga; dinghku la ni sat kau ai hkrum nna, shabrang ni gaw, hpyen gasat kaw ri nhtu hte si mu ga.

YEREMIA 14:18

Ngai pa ga de hkawm yang, si ai ni hkrai jawng ma ai; mare kata de shang yu yang, kawsi hpang gara majaw machyi hkrum ai ni hkrai rai nga ma hka! Myihtoi wa hte hkinjawng wa pyi, hpa n chye ai, shara magup hkan e jawt hkawm ma ai.

2 HKAWHKAM 19:19

Ya chyawm gaw, anhte a Karai Kasang Yehowa e, nang Yehowa hkrai Karai Kasang rai nga ai gaw, ga ntsa mungdan ni nlang chye na lu mu ga, anhte hpe shi a lata na hkye hkrang la mi law,” ngu nna hpyi nem wu ai.

PRU MAT 14:18

Shing rai Hpara-u hte shi a hpyen leng ni, shi a gumra jawn ai ni hta nye a hpung shingkang dan hkung nga ai shaloi, ngai Yehowa rai nga nngai gaw, Egutu masha ni chye na mara ai, ngu wu ai.”

PRU MAT 14:4

ngai mung Hpara-u a masin shaja ya nna, shi shanhte hpe hkan shachyut na ru ai; shaloi ngai Yehowa rai nga nngai, Egutu masha ni chye lu na matu, Hpara-u hte shi a hpyen luksuk ni mahkra hta, nye a hpung shingkang dan hkung na ra ai,” ngu nna tsun ai: shanhte mung shin grai galaw ma ai.

PRU MAT 7:5

Shing rai Egutu mung a ntsa e nye a lata dawn nna, shanhte a kata na Israela a kashu kasha ni hpe ngai shapraw wa ai shaloi, ngai Yehowa rai nga nngai gaw, Egutu masha ni chye na mara ai,” ngu wu ai.

EZEKELA 6:6

Nanhte a tawn hkungri ni shaza kau ai hte, shingran katsi mat nna, nanhte a hpara sumla ni agrawp kau ai hkrum nna n nga lu hkra, nanhte a jan sumla ni kran kau hkrum nna, nanhte a lata amu htum mat hkra, nanhte shanu nga ai shara shagu hkan e, nanhte a mare ni marawng marang tai mat nna, tsaw ai kawng ni a shara ni, katsi katsang rai mat na ra ai.

EZEKELA 6:8

Rai timung, nanhte gaw mungdan shagu hta bra nga yang, masha amyu baw ni a nhtu hte lawt lu ai ni nkau mi nga lu hkra, naw ngam nga ai ni hpe ngai tawn da na nngai.

EZEKELA 12:19

mung masha ni hpe ning ngu u, ‘Madu Yehowa gaw Yerusalem mare hte Israela mungdan hta shanu nga ai ni hpe lakap nna ning nga ai: Shanhte gaw hkrit gari let, muk sha nna, mak mat let, ntsin lu na mara ai; dai mungdan gaw shingran katsi ai shara tai nna, mung masha ni a kashun kashe amu majaw, atsai awai shaza kau ai hkrum na ra ai.

EZEKELA 20:26

ngai Yehowa rai nga ai hpe shanhte chye lu hkra, shanhte hpe shamyit kau na matu, kasha alat ni hpe wan nat hkungga shatai ai hta, shanhte a kumhpa ni hte nawng, ngai shanhte hpe awu asin di kau nngai.”

EZEKELA 22:16

Nang hkum nan maigan amyu ni a man e kaya kahpa dum nna, ngai Yehowa rai nga ai hpe chye lu na ndai.”

EZEKELA 32:15

“Ngai gaw Egutu mung hpe katsi katsang hte akrin akraw shara shatai let, dai hta rawng marawng hpe dawm la nna, dai hta shanu nga ai ni yawng hte hpe shaza kau yang, ngai Yehowa rai nga ai hpe, shanhte chye lu na mara ai.