EZEKELA 6:3 - Jinghpaw Hanson Version Bible

³ Israela bum ni e, Madu Yehowa a ga madat mara mu: Madu Yehowa gaw, bum ni, kawng ni, hkaraw ni hte kadit ni hpe ning nga ai: yu mu, ngai nan, nanhte a ntsa e nhtu shapraw nna, nanhte a tsaw ai kawng ni a shara ni hpe shaza kau na nngai.

Jinghpaw Common Language Bible 2009

³ Tsaw Htum ai dai Madu mungga hpe na la na matu Israela a bum ni hpe htawn tsun u; bum ni, kawng ni, hkaraw ni hte kadit ni e, Tsaw Htum ai dai Madu ngai hpa tsun nga ai hpe na la mu. Ngai gaw amyu masha ni hpara sumla nawku ai shara ni hpe jahten kau na matu, nhtu hpe shangun dat na nngai.

EZEKELA 6:3 ပူးပေါင်းရင်းမြစ်များ

1 HKAWHKAM 14:23

Shanhte gaw tsaw ai kawng shagu hta, tsit lali ai hpun shagu npu e, nawku shara ni, sumla shadaw ni hte Asherim sumla ni hpe sharawt tawn da mu ai:

ESAIA 27:9

Dai rai nna Yaku amyu gaw yubak raw dat kau ai hkrum nna, Asherum sumla ni hte jan sumla ni htawm hpang e n nga lu hkra, shi gaw tawn hkungri ni a nlung ni mahkra hpe namhtun lung zawn agrawp kau ai gaw, shi a yubak raw dat kau ai akyu rai na ra ai.

ESAIA 30:25

Masha law law sat kau ai hte langchyi ni hpe kadawng kau ai shani e, tsaw ai bum shagu a ntsa e mung, tsaw ai kawng shagu a ntsa e mung, hka shi hka gai ni lwi na ra ai.

YEREMIA 2:20

“Nang mahtang moi kaw nna na a kandang hpe daw kau nna, nang hpe gyit ai sumri gang dut kau nhtawm, Ngai gaw mayam amu n galaw na nngai, nga nna tsun ndai: kaning rai nme law, tsaw ai kawng shagu a ntsa e mung, tsit lali ai hpun shagu a npu e mung, nang gum nna shawa num tai nga ndai.

YEREMIA 22:29

Lamu ga e, lamu ga e, lamu ga e, lamu ga e, Yehowa a ga madat mara u.

YEREMIA 3:23

Gaja wa, kawng ni hte bum ni a wu ngoi ai gaw, kaman lila rai nga ai: gaja wa, anhte a Karai Kasang Yehowa gaw, Israela amyu hpe hkye hkrang la ai lam rai nga ai.

YEREMIA 3:6

Bai, hkawhkam Yoshia lakhtak e, Yehowa ngai hpe ning nga ai: Htak mat sai Israela amyu hpe nang mu nu ni? shi gaw, tsaw ai bum shagu a ntsa e mung, tsit lali ai hpun shagu a npu e mung, shawa num tai wa sai.

EZEKELA 36:8

“Nanhte mahtang, Israela bum ni e, hpun tu nna, nye a amyu Israela matu asi si na marin dai: shanhte nhtang wa na aten ni wa sai.

JAW JAU 26:25

Nye a ga shaka maga de nga nna nanhte hpe deng na ri nhtu, nanhte a ntsa de ngai shangun dat na we ai: nanhte a mare kata hkan e nanhte shinggyin rawng yang, dai hta ari zinli ngai shangun dat nna hpyen ni a lata de ap kau na made ai.

JAW JAU 26:30

Nanhte a Tsaw ai shara ni hpe ngai run kau ya nna, nanhte a jan hpara sumla ni hpe kran daw kau ya let, nanhte a sumla ni a ntsa e, nanhte a si mang ni hpe kabai mara kau na we ai: nye a myit masin mung nanhte hpe matsat kau na we ai.

AMO LAIKA (AMOS) 7:9

Isak a tsaw ai kawng ni katsi katsang shara, Israela a chyoi pra ai nta ni marawng marang tai mat nna, ngai gaw Yeroboam a nta nhtu hte gasat na nngai, nga nna ngai hpe tsun ai.

MIHKA 6:1

Rawt u, bum ni a man e dangrang hkat nna, kawng ni hpe na a nsen na shangun u, nga nna Yehowa ngai hpe tsun ai ga, ya na la mu.

MIHKA 6:2

Bum ni hte dinggrin anga nga ai, lamu ga npawt nhpang ni e, Yehowa a dangrang hkat ai amu na la mu; kaning rai nme law, Yehowa gaw shi a amyu hte dangrang hkat ai lam nga nna, shi gaw Israela amyu hte ndang kalang hkat na ra ai.