EZEKELA 5:6 - Jinghpaw Hanson Version Bible

⁶ Shi chyawm gaw, maigan amyu ni hta, grau shut hpyit nna, ngai dawdan ai ga hpe gumlau ai hte, nye a matsun maroi ga hpe, grup yin na mungdan ni hta, grau nna lale kau nga ai: mare masha ni gaw, nye a dawdan ai ga hpe nyet kau nna, nye a matsun maroi ga hpe n hkan hkraw ma ai.

Jinghpaw Common Language Bible 2009

⁶ Rai ti mung, Yerusalem gaw nye a hkang da ai ga hpe gumlau nna, kaga masha amyu baw ni hta grau nna n hkru n shawp nga ma ai hte shi a grup yin mungdan ni hta grau nna lale kau nga ai hpe madun dan nga nu ai. Yerusalem gaw nye a hkang da ai ga hpe n hkan hkraw ai hte nye a tara ni hpe shatup na matu ningdang kau nu ai.

EZEKELA 5:6 ပူးပေါင်းရင်းမြစ်များ

2 HKAWHKAM 21:11

Yuda hkawhkam Manashe gaw matsat shabat amu galaw nna, shi a shawng e nga ai Amori masha ni hta grau nna n hkru ai amu shachyen ai hte, shi a sumla ni e Yuda amyu hpe mung shut shangun ai majaw,

2 HKAWHKAM 21:9

Rai timung, shanhte n madat mara nga ma ai hte, Israela kashu kasha ni a man na, Yehowa shaza kau ai maigan amyu ni galaw ai n hkru ai lam hta grau nna galaw mu ga nga, Manashe gaw shanhte hpe lau da mu ai.

NEHEMIA 9:34

Anhte a hkawhkam ni, du ni, hkinjawng ni, dap lakung ni a agyi ni gaw, na a tara hpe hkan nang ma ai mung n rai, nang shanhte hpe shadum jahprang let, shanhte hpe jaw da ai hkang da ai ga ni hte matsun maroi ga ni hpe mung, madat mara ma ai, n rai.

NEHEMIA 9:35

Na a chyeju myit kaba a jaw e, nang shanhte hpe jaw da ai mungdan hte, ga sau rawng nna dam lada ai lamu ga hta nga lu timung, shanhte nang hpe n daw n jau ai hte, tinang a n hkru ai amu ni hpe koi kau da ma ai, n rai.

SHAKAWN KUNGDAWN 106:20

Shing rai shanhte gaw tinang a arawng hpe, Tsingdu sha ai usu a sumla hte, galai kau mu ai.

SHAKAWN KUNGDAWN 78:10

Karai Kasang a ga shaka hpe shanhte n dum nna, Shi a tara hpe hkan nang na ndang nga ma ai.

PRU MAT 16:28

Dai majaw Yehowa gaw Mawshe hpe, “Ngai hkang da ai lam hte nye a tara hpe nanhte galoi du hkra ndang nga na myit ta?

YEREMIA 11:10

Nye a ga hpe lale kau ai, kaji kawa ni a shut hpyit ai hpang de, shanhte nhtang wa masai; hpara tsasam ni hpe daw jau na nga, hkan nang mat wa masai; Israela dap na ni hte Yuda dap na ni gaw, shanhte a kaji kawa ni hte ngai tawn da ai ga shaka hpe, run kau manu ai.

YEREMIA 5:3

Yehowa e, na a myi kangka lam hpe tau yu nga ai, n rai ni? Nang shanhte hpe kayat timung, shanhte hpa n nawn ma ai; shaza kau timung, sharin achyin ai n hkam hkraw ma ai: tinang a myi man hpe nlung hta grau shaja ma ai; shanhte bai wa na, n hkraw ma ai.

YEREMIA 8:5

Dai rai yang, ndai amyu ngu ai, Yerusalem masha ni gaw, hpa majaw htani htana htak mat wa ma ta? shanhte gaw hkalem hkalau ai hta len nga ma ai; bai n htang wa hkraw ma ai.

YEREMIA 9:6

Na a shanu shara gaw hkalem hkalau ka-ang e rai nga ai; hkalem hkalau a majaw, shanhte ngai hpe n chye mayu ma ai,” nga nna Yehowa tsun ai.

EZEKELA 16:51

Samari mare mung, nang galaw ai yubak chyen mi daram n galaw yu ai; nang gaw, na a matsat shabat lam ni hpe, shanhte hta grau shalaw nna, nang galaw ai matsat shabat lam ni a majaw, na nnau nna ni gaw awlaw ai hkrum ma ai.

Daniela 9:15

Ya chyawm gaw, na a amyu hpe n-gun ja ai lata hte, Egutu mung na shapraw nna, dai ni rai nga ai hte maren, arawng sadang dan hkung ai, anhte a Karai Kasang Madu e, anhte yubak galaw saga ai, tara n lang ai hku hkan nang saga ai.

Daniela 9:5

anhte yubak galaw saga ai; anhte shut hpyit nga saga ai; anhte n hkru nga ai hte gumlau nna, na a matsun maroi ga hte, na a hkang da ai ga hpe pyi, kau da saga ai:

Daniela 9:8

Madu e, anhte nang hpe yubak galaw ga ai majaw, anhte a hkawhkam ni, du ni, ji wa ni hte myi man sum ai hkrai seng nga ai.

ZEHKARIA 7:11

shanhte madat mara ma ai n rai; n na la hkra, shanhte gaw tinang a lahpa hpe ari kaye nna, ana hpe pat kau shajang ma ai.

1 KORINHTU 5:1

Nanhte hta e hpye ai amu rai nga ai gaw, gaja wa pri kajai wa masai: maigan ni hta pyi n lawm ai hpye ai amu rai nga ai rai nna, marai langai mi gaw shi a kawa a num shaw nu ai, rai nga ai.

YUDA 1:4

Kaning rai nme law, tara n hkungga ai, anhte a Karai Kasang a chyeju hpe mak kayut ai amu hte galai kau ma ai rai nna, anhte a Hpareng wa hte Madu shingtai ngu ai Yesu Hkristu hpe nyet kau nhtawm, ndai dawdan ai hkrum na matu, moi chyaloi nhkoi kaw nna, ka matsing da ai masha nkau mi gaw, anhte kaw e mayun shang wa masai.