EZEKELA 5:5 - Jinghpaw Hanson Version Bible

⁵ Madu Yehowa ning nga ai: Da ndai gaw Yerusalem mare rai nga ai; ngai gaw dai mare hpe amyu baw ni a ka-ang e tawn da nna, de a grup yin e mungdan ni dè nga ma ai.

Jinghpaw Common Language Bible 2009

⁵ Tsaw Htum ai dai Madu gaw, “Yerusalem hpe yu yu u. Ngai gaw dai mare hpe mungkan ga a ka-ang hta tawn da nna kaga mungdan ni yawng hte shi hpe shinggrup da nga nngai.

EZEKELA 5:5 ပူးပေါင်းရင်းမြစ်များ

SHAKAWN KUNGDAWN 87:3

Karai Kasang a mare, nang e, na a lam, Arawng rawng ai ga kaba pru nga ai. [Selah.]

YEREMIA 6:6

Kaning rai nme law, Zaw nawng zaw wa up ai Yehowa ning nga ai: Hpun ni hpe kran kau mu; Yerusalem makau e kaduk htu mu; ndai mare gaw shari mai ai mare rai nga ai: de a kata de zingri zingrat ai hkrai rai nga ai.

SHARUNG SHAYAWT 1:1

Masha law ai mare gaw, ya kaning rai shi hkrai lik lik dung nga a hka! Masha amyu ni hta galu kaba ai num gaw, gaida jan zawn tai wa sahka! Mungdaw ni a du jan gaw, ya hkansi bang nga a hka!

EZEKELA 16:14

Ngai gaw nye a arawng sadang hpe, nang hta dagraw nngai majaw, na a tsawm htap ai ahpraw hkum tsup nga nna, maigan amyu ni hta de a lam kajai gumhkawng nga ma ai,” nga nna Madu Yehowa tsun ai.

EZEKELA 4:1

“Nang mung, masha kasha e, wut pa la nna, na a man e tawn da nhtawm, Yerusalem mare sumla hpe tawk ka u:

EZEKELA 5:4

Dai hta na nkau mi bai la nna, wan hta kabai nat kau u: dai wan hta na, Israela dap ting hpe hkru kau na wan pru na ra ai.

MIHKA 5:7

Naw ngam nga ai Yaku a masha ni gaw, masha amyu baw ni law law a ka-ang e, Yehowa kaw na hkrat ai mari hte, masha matu n hkring, shinggyim masha myit n hkan ai, tsingdu ntsa e htu ai marang zawn, tai na mara ai.

MAHTE 5:14

Nanhte gaw mungkan ga a nhtoi rai nga myit dai. Bum ntsa e de ai mare hpe shinggang lu na n rai;

1 KORINHTU 10:4

yawng gaw wenyi luhpa ra ra lu ma ai: kaning rai nme law, shanhte kaw hkan nang nga ai wenyi lunghkrung hta na, shanhte lu ma ai rai nna, dai lunghkrung gaw Hkristu rai nga ai; dai lam hte hpe nanhte n chye na ai nga na hpe, ngai n ra nngai.

TARA JAHPRANG 4:6

Dai rai nna dai ga hpe hkan shatsup nga mu; dai rai jang, ndai matsun maroi ga nlang hte hpe na yu nna, ‘Gaja wa ndai galu kaba ai amyu gaw, hpaji byeng-ya hte kunghpan ai amyu rai nga ai,’ nga nna nanhte a lam kajai tsun na maigan amyu ni a man e, dai gaw nanhte a hpaji byeng-ya hte kunghpan ai lam tai na rai nga ai.

TARA JAHPRANG 8:20

Nanhte a Karai Kasang Yehowa a ga nanhte n madat myit dai majaw, nanhte a man na Yehowa jahten kau ai amyu ni zawn, nanhte mung hten bya ai kaw du na manit dai.